قال لي أمري لله يا بت انتي حكايتك شنو طوالي زدت في البكاء قال اللهم طولك يا روح جاء قعد جمبي ومدا لي علبه المناديل وخلاني بعد كملت بكاي حتى نطق قال لي يا امنيه انا مفكر افتح بزنيز جديد وقاعد اخطط لي الحاجه دي عشان كدا الفتره دي مشغول شديد وما لاقي فرقة احك راسي قلت ليهو حتى لو كان دا عذرك برضو زعلانه قال لي خلاص عشان اراضيك يا الرايقه عازمك مشوار قلت ليهو جد قال لي ااي خمسه دقايق بس جهزت و لبست إلين ومشيت ليهو قال لي سايقاها معاك قلت ليهو ااي امي وامل ماشين بيت العزاء الفي الحي التاني داك قال لي تمام طلعنا ومشينا Costa café أكلنا بيتزا وآيسكريم واتصورنا واتهابلنا غير لي جو شديد ونحن راجعين اشترى لي نوتيلا ودوريتوس الذي أُحِب😔💙اخدنا لي إلين بوالين ورجعنا على كدا تاني يوم بعد خلصت نضافه مشيت بيت البكاء عزيت أهل الميت ما قعدت عشره دقايق واتخارجت (نظام انا جيت ووريتكم وشِي🐸💔)بعد فطرت ندهت على زهرة كتير ما ردت اتصلت عليها فتحت الخط وما قالت شي قلقلت عليها مشيت ليها لقيتها محمومه شديد لبستها عبايه واقرب ركشه ركبناها ومشينا المستشفى عملنا الفحوصات وبقينا راجين النتيجه وقبل تطلع هبطت واتضطر الدكتور يركب ليها درب طلعت النتيجه وكانت حامل(زي ما اتوقعت🐸🤝) والهبوط كان من عدم الاكل كوركت فيها وشاكلتها وقلت ليها دا كلو من عدم سماع الكلام وعدم الأكل مقضياها اندومي وشيبس هسي دا اكل ليك وو وشكلي انفعلت شديد عشان الممرضه جات وطلعتني منها الدكتور كتب لينا علاجات وفيتامينات صرفتهم وطلعنا على البيت عملت ليها شوربه شربتها ولحدي ما نامت كلمة ما نطقتها معاها نضفت ليها البيت وعملت ليها كيكة شوكلاته اتصلت على محمد واتخارجت رجعت البيت لقيت ابوي جاء (كان سافر البلد لي عرس ود صحبوا) نطيت فيهو وقلت ليهو شوقات يا الغالي ارتاح حبه وبعدين نتفاهم بعداك جيت ختيت الكانون وعملت الجبنه مسوِيات كدا فرشت السراير في الحوش ورشيتو وختيت الغداء بعدين ابوي قال لي جيبي لي كيسي الجيت بيهو جبتو وأول حاجه اداني ليها علبة عنب🍇😍قعدت انطط من الفرحه اخدتها وطوالي فتحتها وبديت آكل امي قال لي هسي انتي غسلتيهو ولا غسلتني يدك قلت ليها يما الدابي سموا بيآذى🙂💔سكتت مني على كدا المهم قعدنا واتونسنا واليوم كان ظريف تاني يوم اتصلت علي الهام وقالت لي تعالي لي في البيت دايراك كلمت امي وانا طالعه إلين اتشبكت وقال الا ماشه معاي لبستها ومشيت لقيت معاها صحباتها (طبعا في اللحظة ديك الهام دي انا حبيتها حب🙂💔🗡️) يعني عارفاني لو ما والفت الزول مستحيل انطق معاهو بحرف لكن ماشي هاشوف فيها يوم دخلت سلمت عليهم وخليت إلين مع شفع البيت عملت ليهم الجبنه هم صراحه ظريفات لكن انا الكنت ما قادره افتح معاهم مواضيع بسألوني بجاوب على قدر السؤال لحدي المساء كدا رجعت البيت طبعا كان باقي لي العرس أقل من أسبوعين🌚💔اتفقنا انا والهام نمشي السوق عشان نجيب باقي حاجاتنا تاني يوم بعد الظهر انطلقنا💃لكن المره دي تعبت تعب فظيع الهام دي ما خلت بوتيك ما دخلتو ويا إما اختلفت مع البياع في السعر يا إما ما لقت حاجه عجبتها آخر حاجه لقت ليها فستان باللون الجرجيري وقالت عايزه لون الطرحه يكون نفس درجه الحزام اللي لونوا افتح شويه من درجة الفستان🙂💔 لفينا السوق كلو حتى لقينا ليها شي وبعدين انا جبت فساتيني من الترزي واشترتيت لي هاي هيلز اسود والهام لسه كانت عايزه لبسه لي زمن الغداء (البت دي انا كان جازفتها واتغديت بيها بكون غلطانه🙂🗡️هل بكون غلطانه🙂🗡️) لفينا السوق تاني ويا الله حتى لقت حاجه عجبتها وبعدين قالت لي انها جيعانه مشينا كافتيريا السلطان طلبنا وقعدنا اتصل لي أحمد قال لي منويه يا قلب قلت ليهو أنجز عايز شنو قال لي يعني الزول ما يدلع اختو قلت ليهو أحمد😠 قال لي خلاص دايراك تشرحي لي العلوم قلت ليهو ظابط وقفلت على كدا
#إلفة4
أصعب انواع الاشتياق أن تشتاق لشخصيتك القديمة وضحكتك القديمة وحتى لقلبك القديم😔💙
#الأُمنية
#ابقوا_عافيه
#يُتبع...
بقلم #أمنية_محمد
