وفي قعدتنا ديك الهام جاتها مكالمة ردت وقالت يا بيبي انا في السوق برجع ليك بعدين تاني سكتت حبه وملامح وشها اتغيرت ختت التلفون في الطاولة وقعدت تاكل شويه كدا واخدت التلفون وقالت خلصت؟ وقفلت الخط طبعا دا كلو وانا بعاين بي عيني بس اتلفتت علي وقالت لي هسي هو ملبسني دبلة ولا عاقد علي عشان يقول لي كيف تطلعي بدون اذني بهظر هو ولا شنو🙂💔 طبعا م'ت فيها ضحك وتاني تلفونها اتصل لكن المره دي قعدت تتبسم لحدي ما خلصت بعدها قالت لي دي الناس البتفتح النفس😌💙 قعدنا نضحك وتاني تلفونها اتصل قلت ليها دا منو كمان المره دي قالت دا خالد اخوي ردت عليهو بعدين قالت لي انو هو قريب وحيجي يوصلنا كملنا أكلنا واتوكلنا على كدا وقبل نطلع من السوق اتذكرت حاجه مسّكت الهام الأكياس وقلت ليها ما بتأخر ودخلت السوق اتذكرت في فستان عجبني ح يليق على أمل شديد مشيت اشتريتوا وجيت طالعه اتصلت لي الهام وقلت ليها وين انتي قالت لي جمب صيدلية الخير اهاااا دا الكلام الما بنفع الصيدليه دي قدامها ظلت طبيعي فيهو زحمة عربات وطبيعي انا ما بعرف اقطعوا🙂💔المهم فكرت في إني اعمل الخطة البديلة وأقرب زول قاطع الزلط مسكت في قميصوا اتصلت لي الهام وقلت ليها وين انتي قالت لي قدامك قلت ليها اظهري لي ما شايفاك قالت لي دقايق اول ما شافتني قعدت تضحك وقالت لي دا شنو يا بت بتعملي في شنو انتي قلت ليها بعمل في شنو... وقبل اخلص كلامي انتبهت اني لسة ماسكة قميص الود القطع قبلي الظلت لا والاكعب من كدا كان بعاين لي وكمان طلع نفس الود داك اااي والله نفسوا بتاع العربية وملاح الخدرة طبعا انا اتمنيت الأرض تتشقا وتبلعني😖😖وطبعا هو مستفز شديد قلت ليهو سوري وفكيت قميصوا وجريه واحده لقيت نفسي جنب إلهام اللي كانت مي-تة ضحك🙂💔ما اشتغلت بيها كتير وركبت عربية خالد سلمت عليهو وقلت ليهو مبروكات ياخي انت غيرت العربيه ولا شنو قال لي يا ريت ياخي لكن دي عربية صاحبي جاتو مكالمة وحيرجع بعد شويه إلهام ركبت وكانت لسه بتضحك🙂💔🗡️شوية كدا وصاحب خالد جاء سامعه خالد بقول ليهو دي دي أمنية بت جيرانا وإلهام اختي بتعرفها طبعا مديت يدي وعايزة اسلم عليهو لقيتو نفس الود داك 😖💔اليوم دا شكلوا ما حيعدي على خير ابدا سلم لي وقال لي اتشرفنا وإلهام لسه بتضحك وهو زاتو بقا يضحك معاها خالد قال ليهم في شنو يا جماعه كدي فهموني وإلهام تعجبكم حكت ليهو كل شي من قصة خوفي من قطع الظلت والعربات لحدي ما شافتني مع الما بتسمى داك وانا بس كنت بعاين ليهم🙂💔المهم قضوها ضحك فيني لحدي ما وصلوني البيت وانا صليت العصر بس ونومه واحده ما صحيت إلا مع صلاة المغرب صليت وبعدين في قعدة شاي اللبن أمين قال عندو موضوع عايز يتكلم فيهو ركزنا معاهو وبدأ يحكي لينا عن البزنز بتاعو وانو عايز يطور من نفسو وختم كلاموا بي انو عايز ياخد دورات تدريبية طبعا كلنا ايدناهو على الفكره وشجعناهو انو يواصل فيها بعدين قال انو لازم يسافر بكرة الخرطوم عشان الدورات دي ف امي وابوي قالوا ليهو ربنا يسهل ليك طريقك أتلفت علي لقاني ساكته قال لي مالك ساكته ولا فراقي ماكل معاك جمبه ومعاها غمزة🙂💔قلت ليهو انت منو اصلا امشي ساي الله معاك قال لي قدام يا زوله بعد داك خلصت القعدة وانا شرحت لي أحمد وصليت العشاء والنوم جاك زول صحيت نص الليل مخلوعة واتصلت لي أمين وقعدت ابكي ليهو وقلت ليهو انت كيف تسافر بدون ما توعدني قال يا بت انتي بتقولي في شنو قلت ليهو ما عافيه ليك عشان مشيت خليتني فصل الخط في وشي🐸💔وبعد شوية سمعت صوت باب الغرفه فتحتوا لقيت أمين بعاين وعين مغمضة وعين مفتحة وقال لي في ناس قالوا انا ما فارق معاهم اصلا🙂💔خبتوا ونطيت فيهو قلت ليهو يعني انت لسه قاعد قال لي تخيلي🌚💔المهم يا زولة نفسي في شاي من يدك وانا قبيل جبت بسكويت بي نكهة اليانسون ارح اعمليهو قلت ليهو طظ قال لي شنو😠💔قلت ليهو لالا قصدي ظابط😖💔
#إلفة5
كل ما أرجوه هو ألّا أشعر بالوحشة تجاه اكثر شخص منحني الإلفة😔💙
#الأُمنية
#ابقوا_عافيه
#يُتبع...
بقلم #أمنية_محمد
