رجعت البيت واتصلت لي امين اللي ما ناوي يجي نهائي😭💙وبرضو قال لسه ما جاي عدا يومي عادي ما بين تجهيزات وتحضيرات وآخر حاجه لمتنا بعد صلاة المغرب اللي فقدت أمين وأحمد اللي فات ناس خالي عشان يقرأ مع مؤيد وتاني يوم بعد الفطور وانا ماشه بيت العرس صادفت آسر واتونس معاي في الشارع وضحكني ضحك(ملاحظين انها بقت تقول آسر🌚💙) بعدين لقيت العدة عايزه غسيل وغسلتها والصراحة آسر طلع ظريف كشح لي موية العدة🐸💔طلعت منهم بعد العصر ومشيت لي الهام وبعدين على البيت كان فاضل للعرس يومين وعلى أساس بكرة حنة لؤي وبعد بكرة الحنة حقت العروسه ف تاني يوم مشيت ليهم بعد العصر وقتها كانت حنة السرقه وكانت عبارة عن اغاني ودلوكة وجبجبة طلعت منهم قبل المغرب لقيت آسر قدمني لحدي قريب البيت بعدين هو مشا الجامع وانا دخلت البيت صليت وبديت اعمل ماسكات لي وجهي وبعد صليت العشاء بديت البس والميك اب عملتو لي أمل وكان رهيب طبعا وانا والهام كنا مطقمين نفس لون الفساتين بس ما نفس القصه وأمل كذلك طقمت معانا وزهرة جاملتنا ولبست توب بنفس اللون اخدنا سيلفي وكلنا كنا قمرات بس اجملنا بتي وحبية قلبي إلين😘💙مشينا الحفلة وكانت رابه شديد انا دي حتيتو حت وانا ولؤي رقصنا لم قلنا بس بعد خلصت الحفلة حرفيا كنت تعبانه ف طلعت الهاي هيلز ومشيت حفيانه وإلين نامت وتلتنا في الشارع وطبعا آسر جاء ناطي بس من وين ما بعرف المهم شالها لينا وقدمنا وصلنا الهام وبعدين زهرة ونحن شكرناهو ودخلنا جدعت الطرحه وطلعت الحلق والسلسل والخاتم وختيتهم جوا الهاي هيلز(وما تسألوني لي بعمل الحركه دي لأني انا بذات نفسي ما عارفه 🙂💔)واقرب سرير انجدعت فيهو فكرت كدا ما حسيت بي حاجه ولا كان جاي على بالي ابكي وأول ما غمضت عيوني خطر على بالي آسر فتحت عيوني وقلت بسم الله الزول دا حكايتو شنو تاني قلت انتي الحكايتك شنو يا امنيه من متين بتتكلمي مع زول من قبل ما توالفيهو وتعدي معاهو فتره تاني قلت اه ونمت من التعب صحيت مع آذان الفجر لقيت نفسي نايمه في سرير ابوي اكيد عرفني تعبانه ف ما صحاني المهم صليت ودخلت غرفتي ونومه واحده صحيت منها الساعه عشره طبعا قررت اخد اليوم دا راحه لأني خلاص بقيت ما قادره فطرت وعملت نيسكافيه جات زهرة وقالت إنها حجزت لينا لي بكره عن سارة سرور(ميك اب ارتست) وقالت اختها احتمال تجي الحفلة من الجامعه (طبعا الحفلة عصريه نسبه لي انو طيارة العرسان ح تقلع بدري)ف قضينا اليوم ونسه على ضحك لحدي العصر نادتني امل وقالت لي جونا ضيوف أصحاب ابوي في الصالون لبست توبي ومشيت واول ما وصلت عيني وقعت في امين من الفرحة صرخت امينو 😍💙وجيت وقعت فيهو سلام وقعدت اتهابل معاهو لم زهج مني وانا بعد داك حتى انتبهت انو آسر وخالد قاعدين في الصالون😖😖(والجابهم شنو ما عارفه🙂💔) سلمت عليهم واتخارجت ويومنا خلص زي كل يوم بعد القعدة الاسريه اللطيفه ديك😌💙وتاني يوم كنت في بيت العرس من الصباح رجعت البيت بعد باركت لي العريس وامو العقد ويلا الكوفير جاك زول اول حاجه بتاعت الكوفير بدت لي الهام وأمل زهرة جربت الفستان وطلع ضيق عليها(وزنها زاد عشان الحمل) مشينا بوتيك شي ان في شارع مدرسه الشرقيه لأنو كان اقرب محل لينا والبت طلعت قنوعه خارجتنا من اول فستان رجعنا وعملوا لينا الميك اب وصلنا امين الصالة وكانت خرافيه بجد لا والاحلي من كدا العرسان اللي كانو خايلين مع بعض😍💙وانا وافقة كدا جات بت ودفقت فيني فانتا حمراء وانا لابسه فستان نيلي فلكم أن تتخيلوا المنظر😭💔اول حاجه عملتها جري على الحمام (الله يكرمكم) وقدر ما حاولت اطلعوا ما قدرت تاني اتذكرت الفستان الجبناهو لي اخت زهرة ف اتصلت عليها وجابتو لي وقالت اصلا اختي دي ماسوره المهم جاء في صالحك ف لبستوا وغيرت لون الشادو وظبطت الميك اب وطلعت وانا في باب الصالة كدا لقيت آسر وكان لابس بدلة بنيه نفس لون فستاني ف ابتسم لي بي دلاهة كدا🙂💔ما اشتغلت بيهو كتير دخلت جوا ولمحت أمل بتتكلم مع حماتها وكانت شوية وح تطق مشيت ليها لقيتها بتجوط فيها عشان إلين وقعت وأمل كانت ساكته ليها جيت اتكلم مسكتني قلت ليها ظابط ما ح انطق ولا حرف اخدت إلين ومشيت من جنبهم وانشغلت بالحفلة لحدي ما شفت نرجس (حماة أمل) طلعت بره الصالة طلعت وراها لقيتها بتتكلم بالتلفون استنيتها لحدي ما خلصت وطوالي مسكتها من شعرها وقلت ليها حكايتك شنو انتي يا بت الناس قالت لي فكيني قلت ليها ما بفكك وكدي ابقي مره تاني قربي على أمل ولا إلين والا ووالله وما طالباني حليفه بشوه ليك وشك العاجبك دا لي درجة بخليك تقضي حياتك كلها بتصرفي في قروش اخوك الفرحانه بيها ديك ف عمليات تجميل وبرضو ما تقدري تصلحيهو فاهمة قالت لي فكيني والا والله اصرخ جريتها زيادة ومسكتها من حنكها وقلت ليها صرخي عايزه اسمع صوتك انا صرخي ما قدرت تنطق قلت ليها انا المرة دي حذرتك لكن المرة الجايه ما معروف اعمل معاك شنو ف ابقي فالحه واسمعي الكلام🙂🗡️
#إلفة8
"كن قوياً حتى لا يشفق عليك أحد فما يؤلمك اليوم سيجعلك أقوى غداً😌💙"
#الأُمنية
#ابقوا_عافيه
#يُتبع...
بقلم #أمنية_محمد
