قلت ليها يلا عشان اصحح ليك معلومات دا كان خطيبي عديل ولبسني دبله ومحبس😌💙قالت لي لا انتي بجد ما نصيحة قلت ليها يا زوله ما شغلتك المهم ح تمشي معاي؟! قالت لي أمري لله تعالي لي خلاص قلت ليها ظابط بجيك بكره المهم عدا اليوم عادي وما حصل فيهو حاجه غير انو امل موسرتني وما جات🌚💔تاني يوم بعد الظهر كدا مشيت لي الهام ولم وصلت لقيت معاهم ضيوف قالت لي ديل اهلي من بعيد وجايين يقعدوا معانا كم يوم المهم الله جابك تعالي ساعديني نعمل ليهم حاجه ياكلوها جهزت معاها كذا صنف وبعدين عملت ليهم الجبنه ولم كنت طالعه الرجال قالو عايزين جبنه تانيه ف عملتها ليهم وانا طالعه ام الهام ادتني ملاح خدرة قالت امك قالت نفسها فيهو ضوقِيهو ليها اخدتوا واتخارجت وانا في الشارع اتصلت لي بت خالتي سلمت عليها وبقيت اتكلم معاها ولم جيت بي عند اللفه اتطاقشت مع ولد وتقريبا نص صحن الخدرة اتدفق في فنيلتو🐸💔وقبل ارفع راسي وأعاين ليهو سمعتوا بقول بي زهجة كدا يا الله دي انتي تاني يعني انتي ما بتشوفي😠 لم عاينت ليهو لقيتو الود بتاع العربيه داك وكان لابس فنيله بيضاء GUCCI انضف من ضميري 🌚💔زعلت عليها اكتر منو هو زاتو بعدين قلت ليهو سوري ما بقصدي والله قال لي نعم قلت ليهو سوري ومشيت منو إسراء قالت لي دا منو البتكلم جمبك دا قلت ليها دا واحد فاضي شغله ساي المهم كملي كلامك فجأة لقيتو في وشي وبقول لي لعل الفاضي شغله دا قاصداني بيهو انا😠عاينت يمين وشمال قلت ليهو شايف زول في الشارع دا غيرك 🙂💔انا شكلي استفزيتوا شديد لأنو انفعل وعروق وجهوا ظهرت قال حكايتك شنو انتي يا بت الحلال عميانه انتي؟! ما بتشوفي؟! وفوق ما انتي غلطانه بتفتري فيني طينتك شنو انتي؟! 😠💔قلت ليهو الواحد قدر ما حاول يكبر عقلوا معاك ما نفع ااي عميانه في شنو تاني ما اعتذرنا وخلاص وااي بفتري بحقي مالك انت ياخي كان عايز يرد لي لكن جاهو اتصال ف أنا استغليت الفرصه دي وكبرت بي نمره كلو 🏃♀️🏃♀️ وصلت البيت وقلت لي امي انو الهام معاهم ضيوف ف ما لقينا طريقه نمشي السوق قالت لي مافي مشكله امشوا يوم تاني قلت ليها دا ملاح خدرة رسلتو ليك ام الهام فجأة زهرة جات ناطه بالحيطة وقالت لي الماشي السوق منو وملاح خدرة شنو كدي دقيقه اجيك بالباب(سبحان الله التقول خاته اضانا بي جاي🙂💔)جاتنا بالباب وجابت معاها كسره قلت ليها جبتيها من وين ما تقولي بتعرفي تعوسي 😱قالت لي ما للدرجه دي انتي كمان🙂💔 والله جابها محمد من بيت امو قلت ليها امو؟! التقول ما نسيبتك ما ردت لي لم عاينت ليها لقيتها قاعده وبتاكل مع امي ضحكت وقلت ليها كنت عايزه امشي مع الهام السوق لكن ما لقينا طريقه قالت لي تعالي نمشي بكره قلت ليها عايزه حاجه انتي قالت لي اااي قلت ليها ظابط دخلت جوه لقيت امل نايمه نطيت ووقعت فيها سلام قامت مخلوعه وقعدت تضحك اخدت الين بتها وبقيت العب فيها اتونسنا كدا وعدا باقي اليوم عادي تاني يوم كلمت امين اني ماشه السوق خت لي القروش وقال لي ما تتأخري امي قالت لي جيبي معاك حاجات الشهر وأحمد قال داير مذكره علوم (عايلة مصلحجية خلاص🐸💔) مشينا السوق انا وزهرة اشتريت اقمشة لي الفساتين العايزاها ووديتها للترزي ومشيت ناس عادل المدني واشتريت لي مرطبات وكريمات والذى منو(يمكن ابقا زي البنات🌚💔) ونحن طالعين مشيت الجزارة اشتريت اللحمة واتناولت البهارات والخضار وكم علبة شوكلاته من ناس حاج سليمان وطلعنا على كدا زهرة قالت ما عايزه حاجه اصلا جات عدم موضوع منها ساي🙂💔بعدين قالت نفسها في آيسكريم اديتها نظره كدا فهمتها براها 🌚💙مشينا آيسكريم يُمنى اكلنا وأخذت سفري لي ناس البيت ونحن راجعين ركبنا مع بتاع ركشه قال لي من السوق لي اركويت بي الفين اديتو الف و300 بس ما نصيح هو ولا شنو🙂💔رجعت ومن تعبي صليت العصر بس ونمت صحيت لقيتهم جهزوا الغدا اتغدينا وطبعا امي ما سلمت من نقاشاتنا بس المره دي بقينا اتنين ضد اتنين وامي دايما هي الخاسر الوحيد لأنو بتقوم مننا بصداع 💔صليت العشاء وجيت انوم جاتني إلين وقعدت تتونس معاي حلاتها باديه تتعلم الكلام ياداب نضامة شديد لكن على قلبي زي العسل😘💙بتونس فيني لحدي ما نمت بعد داك عدا اسبوع وانا بس شغاله ماسكات وعروكات وما خليت شي امل دي بس بتعاين لي وامي ما فتحت خشمها معاي كلو كلو ويوم بالمساء كدا جيت لي امين اتونس معاهو قال لي ما فاضي هسي انا عندي مكالمة شغل مهمه قلت ليهو لكن انا عايز اتكلم معاك قال(بي زهج كدا)يا زوله ما فاضي ليك انا مشيت منو وانا زعلانه شديد جاني بعد دقايق لقاني مكملة البكاء قال لي مالك يا زوله قلت ليهو انت اصلا بقيت ما بتتونس معاي ولا شغال بي واسلوبك ما حلو معاي نهائي قالي لي وهو بتزهج هسي انا قلت ليك شنو قلت ليهو شوف نبرة صوتك براك بتعرف🙂💔
كلكم دايرين تعرفوا قصة لؤي مش🐸💔استنوا لم زمنها يجي🌚💙
#إلفة3
لتوأم روحي لسه بدري عليكي تشقي انتي يادابك نغم😔💙
#الأُمنية
#ابقوا_عافيه
#يُتبع...
بقلم#أمنية_محمد
