عشك زين العابدين
.
.
راحو بيت عمي و كمنه غسلنا المواعين و نظفنا البيت كنس مسح رجعنا الغراض المكانهن لمن صارت المغرب صلينا و تعشينه و نمنه لان تعبانين و كاعدين من وقت
اليوم الثاني العصر ...
الام : يمه اريد اروح للسوك من تروح وياي ماكدر اشيل الغراض كلهن وحدي
رونق : اني سمعت طلعه لو كمزت بس اريد اشم هواء ما طلعونه بقوني اكرف شغل
يمهههه اني اروح
الام : نجبي مترحين انتي تبقين تتنعوصين واستحي اشيل و استحي نجبي و اكعدي
رونق : يمه هسه شبيج اني اشيل وإذا مااشيل ارجع
الام : يمه تقى مترحين وياي
تقى : يمه مابيه حيل مو طوعت رونق اخذيها واذا مشيلهن سحليها كبال الناس
الام : كومي بدلي
رونق : والعباس احبج ثواني و انزرع يمج
رحت اخذ صفنه للكنتور شلبس و شحط و شنسق ولان طلعه للسوك كون شي مستور لبست بنطرون جارلس اسود ويا بلوز ابو الركبه ابيض دخلته جوة البنطرون و لبست فوكاهن كوت اسود و بوتين ابيض طبعا شال بيج لفيته و حطيت واقي و حمرة شوي و وزعتها على خدودي و مشطت حواجبي و مسكارة ماحطيت هواي و بسرعه بسرعه ركض و نزلت اهرول لامي يالله يمه كومي خلصت
الام : يالله بنيتي امشينه
رونق: يالله
رحنا للسوك و غصبن عني شلت كُل العلاليك بالبدايه ستحيت و اكول فشله بس سكتت بعدين تعودت
الام : يمه هاي ام زين
رونق: اهو امي شافتها بعد جيب الي يشلعها من ام زين
الام : فشله سلمي
رونق: امي راحت تسلم على ام زين و رحت سلمت عليها و طلع بيتها بالركن عزمتنه على جاي واهم امي تأخذ
نفس لان صارت حمرة و تعبت و ما كالت لا لان صديقتها راحن يمشن و يسولفون و خلني حماله وراحهن
طبينا و نزعت تكرمون الحذاء و قدمتلنا مي و جاي و كعك و يكعدن يسولفون لمن اندك الباب
*************************************
زين العابدين : سلمت على اهلي و تمددت اسولف لاهلي شصار وياي ما صار ترخصت منهم و رحت ابدل و اسبح من الطريق و شويه و سمعت صوت و هوسه يمنا
نزلت اشوف منو لكيت بيت خالتي يمنه و كلت اهو شلون بلوة هاي
زين : السلام عليكم
الكل : وعليكم السلام
الخاله : هلا وليدي شلونك شخبارك مشتاقين يمه
زين : الحمدلله خاله والله ماكدر انزل دراسه و شغل ما الحك
بيت خالتي متكونين من خالتي ارمله و عدها ولد و ثنين بنات ولد اسمه علي و البنات ليان و نرجس علي كلش حباب و هادء و مو صاحي مشاكل و ليان كذللك بس نرجس بلوة
أنت تقرأ
عشك زين العابدين
Acakنفسي عالي لدرجه اسمعه بطريقه تخوف واني اشوف كبالي شخص ثاني يريد يگتلني و ينظر الي كانما وحدة حقيرة ، فاشله ، جذابه ..... ادعي بكلبي كون ما يسويلي شي و افكر شلون و ليش و ليش اني بالذات..؟ اسولفله ما مصدكني راح يكتلني لو يسمعلي و يصدك بيه ؟! مااعرف ال...
