عشك زين العابدين

بارت 6

رونق
"كأنني كوكبٌ تائهٌ في فضاءٍ
لا يدري أي جُمْرٍ يتبعهُ
ف يراكِ يا شمسي الجميلةَ
لتكوني مدارَهُ ونوركِ ممتعُه
كأنني عازفٌ للحنِ والنغَم
لا يستلذُّ عزفهُ ولا يستمتعُه
ف يسمعُ صوتكِ المترنما
يعزفُ منهُ طربًا نجومًا تسمعُه"
*************************************
رونق كعدت الصبح فكرت دوامي صار يومين ما مداومه و هو نفس الروتين خطار و شغل بجي و قلق لمن صار الجدو عشر ايام بالمستشفى و 19/9 ساعه 6:32 دقيقه سمعنه خبرر قلب البيت

زين

كعدت الصبح غسلت و تريكنا و بقينه على الشغل لمن صار النا يمهم 10 ايام و شفت ابوي اتصلوو علي و اكام يصيح

الاب : لااله الى الله و لازم نفسه كوة

حسين : شبيك بويه

الاب : توفى عسريع ترحون تجيبون جوادر و صوانين و كراسي و كُلشي اريد قبل لا يجون حاضر كلشييي فهمتوني لو اعيد

زين : منو يكول للنسوان

الاب : هسه اصيح امك تكللهن

زين : تمام

اول وحدة خطرت بالي رونق شنو رد فعلها ليش فكرت بيها مااعرف طردت الافكار من بالي و رحت اني وحسين و ولد عمها نجيب النواقص من جوادر و كراسي و طبلات
  و ميي كراتين و ثلج للمي رجعنه للبيت و نسمع الصريخ و البجي بقى بالي يم رونق مااعرف ليش كلساع تخترق تفكيري شدينا الجوادر ثنين للزلم واحد للنسوان لان هو شيخ و معروف و راح صير فاتحته جبيرة لل 7 بليل البيت نمله نسوان و الصياح يزيد مينقص لمن شفت حسين هو وابوي يركض للبيت طلع حسين شايل رونق و امي كامشه عمتها رحت لحسين

رونق

راحت ام زين واجت تبجي عرفت صار شي كلبي نغزني و ما يخطأ ابد لمن كالت البقيه بحياتجن الله يصبرجن
و كبت العيطه و الصايح اني تصنمت جدو مستحيل حتى مو جبير منو النه بعد هو جان لامنه بجيت صيحت لطمت خدودي ملختهن صوتي راح اضرب على صدري بكل ما عندي قوة صار ازرك لمن صحت

رونق: وينننن رحت عنههه جدوووو ويين عفتنه شمعههه البيت و نطفت من بعدك منوووو يجييي

الام : ياااا خالييي وين عفتنه يا وكت يبو طول الحلووو ويييينك ويننن

رونق: املخ بروحي و اصيححح وياهن بنت عمي و اخواتي يعيطن و يصيحن لان جان قريب من عدنا كلششش خاصه ويا البنات يعاملهن معامله خاصه

العمه : اخخخ يا بوييييه وين رحتتت و عفتني منو بعدد يطبلي للبيت منووووو

العمه : منو يكول اجتي فرحتييي منو بعددد يذكرني و يشيل عليه خططططط و تملخ بروحهه و تصيح ما بقينا لا شعر لا وجهه لا صدر

لمن اجن نسوان و صار عندي ضيق بالتنفس و بعد ما حسيت بشي غير وكعتتت

زين