عشك زين العابدين

بارت 5

زين

قَلْبي يَحِنّ إلَيْهِ نعمْ ،
   ويحنو عليه ِ
و مــا جنى أوْ تجنى
إلاَّ اعتذرتُ إليه ِ
فَكَيْفَ أمْلِكُ قَلْبي،
وَالقَلْبُ رَهْنٌ لَدَيْهِ؟
وَكَيفَ أدْعُوهُ عَبدي،
و عهدتي في يديهِ ؟

*************

رونق
نمت بعد تعب و تفكير ما اسمع الا عياط ابوي و صياح اريد اكوم مااكدر احس رجليه ماتن و بعد معاناة كمت و نزلت اشوف شكو امي تبجي بجهه ابوي يبجي و يحجي بالتلفون و اخواتي وحدة واكفه يم الثانيه و ساكتات لمن صحت شكوو فهموووني شصاير
محد رد عليه ابوي مستمر يحجي
الاب اي اي جايكم مسافة الطريق لااااااا طلعوون جايكم اني جايكم
الام اخذني وياك ما اخليك وحدك تروح
الاب لا تخبلوني اخابركم اني اذا يصير شي و كبل طلع و اني ما مفتهمه شي
رونق. يمه شصار فهميني شكوووو احجووو
تقى.  جدو  وكع بالحمام و هسه ما يحرك لا ايد ولا رجل
رونق. صفنت جدوو ابو بابا نموت علييي اذا يصير شي نموت و خاصه بابا لان قريب علي و هو الجبير و راحو شفت الساعه هستوها 5 ونص الصبح صفنت و امي تحجي ويا خالاتي و عماتي و يبجن اخواتي ساكتات اني ساكته لمن صارت ساعه 9 محد غمض سمعنا الباب تندك راحت تقى تفتحه و شفت ام زين طبت تركض لأمي و يبجن احس موتن الرجال او احس يعرفون شنو تاليه جدو و شنو مصيرة لان موكعه ما تبشر بخير لمن بابا خابرنه و كال لموو ملابسكم ترحون لاهلي
لمينه ملابسنه و اخذنه كلشي ويانا البيت جدو و امي كالت نأجر تكسي و نروح ام زين كالت لا زين جابني هو يوصلكم بطريقه امي كالت هاهيه
رحت لبست جبه فوك التراك و شمرت الشال باهمال على شعري و طلعت لمن شفته منتجي على السيارة و يدخن جكاير

زين
عندي طلعه الصبح و كعدت ب 6 سبحت و بدلت و خلصت شغلي لل 9 اسمع امي تعيط و تكول راح شمعه البيت راحو بيت *** راح يشمتون بيهم و تلطم غير نفتهم شكو لمن كمشتها يمه شبيييج
الام يمه زوين جد البنات توفى فهمتها تقصد بيت ابو ريري ف اخذتها الهم و ما كالت لا و بقيت انتظرها  و كامش الجكارة بيدي خابرت صديقي تعذرته و فهمته السالفه لمن شفتها طلعت لابسه جبه و شال على راسها بس الشعر طالع و الجبه ما ساترتها تأفأفت و ذبيت الجكارة من ايدي و التعب و العيون مرمه من البجي و القلق مبين هيه صاحبه عيون  كبار و رموش و حواجب ثخان بس معدلتهن هيه يعني يخبلن قليل بحقها و حلكها مرسوم رسم بس شوي خشمها من فوك صغير و فتحات خشمها كبار شويه مو هواي بس الي يركز يشوف الخلل و بياضها مو حيل مريح للعين و هم على صفار مخلوط بيها
صفنت لمن فتحت الباب لا سلام و لا شي كبل كعدت و سكتت اني رحت صعدت و كلت الها
زين : من باب الاصول السلام لو بحلكج عظم
رونق: سكتت رغم اهانته و درت وجهي سويت نفسي ما سمعت
زين : استفزني اسلوبها لمن شفتها غلست ضحكت ضحكه استفزاز و هم ما تعرف اخلاق لمن واحد يحاجيها
رونق : اني متحمله كوة دور هذا يجفص بطني باوعتله شلونك
زين : ههه بعد وكت
رونق: استغفرت بيني و بين نفسي و سكتت
زين : اسلوبها يستفز عصبتني كلش لمن كلت الها لا خلقه ولا اخلاق بنات اخر وكت
رونق:
هو اني اريد حجه ابجي و هذا اجه زودها بقيت ابجي على السكته و اشهك و ما جاوبت ابد هم ما يكول فشله و عيب جدها بين الحياة و الموت و همم يجرح و ياخذ نظرة من اول مرة لمن حجه  بس باوعتله بالمرايه  بنظرة حرام عليك او مو هيج اني اوو مااعرف شنو فسرها و اجن رزلني لان عفتهن و صعدت و اني منا ضايجه بقيت ابجي و سكتت وحدي محد اصلا اهتم او اجه يمي