"(؛اقدار مبهمة؛)"
الكاتبه:طائرة المساء
Part:2
اماني:دفاته بقوه انت شنو انت وهلك وقعد تبكي وطلعت تجري وتذكر في اسؤ يوم مر عليها وتجري ودموعها زي المطر مره وحده محستش بروحها ولقت روحها طايحه ع الارض
:معليش يا انسه ويهز فيها معليش ويشير بيده عشان ترد
اماني:تحكي ومش فاطنه كله من خوك
:معليش شن تحسي نشيلك للمستشفى
اماني:صبت ومسكت يدها الي توجع فيها لالا تأخرت ع مدرستي
:ممكن تخليني نوصلك ع اقل نصلح غلطي
اماني:لا لا
:اسمي انس صدقيني بس خليني نوديك
اماني:تمام ركبت معاه وهيا تتألم من يدها
انس:خليني نوديك للمستشفى
اماني:لا وديني للمدرسه
انس:تمام شن مدرستك
اماني:الامل
انس:انتي في الثانوي
اماني:اه
انس:بحت بخبث من فوق لعند لوطه وقال مرتبطه
اماني:حستها انه كل الي يشوفها يسترخصها سكت دموعها ومجاوبتش
انس:حس سكوتها يعني راضيه قتلك وين خوك ولاباتك يوصلوك
اماني:ماتو
انس:حط ايده ع يدها وقال نوصفلك استراحه تجي ع الساعه 1 تطلعي بمبلغ يعيشك اميره
اماني:انصدمت فتحت الباب مبش يفتح ركزت ع الطريق لقت انه ماشي لمكان غريب
اماني:انت وين ماشي !؟؟؟
انس:ماتخفيش محد يعرف المكان هنا خمس دقايق وتروحي
اماني :ردني وتخبط ع صدره بقوه ردنييييي حرام عليكم عشان معنديش حد يحميني كلكم قاصرين فياااا😭😭😭😭😭💔
انس :درس اسسسسسس اسكتي الشرطه قاعده هنا اسكتي وخلي روحك عاديه
اماني:كتمت باكيتها وتشوف للشرطه الي معبين المكان وخايفه
الشرطي:شاف اماني تبكي
الشرطي:ع وين نشالله
انس:نا والمدام نتمشوا
الشرطي:والمدام تدهور ب دبش المدرسه وعيونا مترومات
انس:ارتبك اء م
الشرطي:بطاقتك
انس:شكله نهار اسود وطلع البطاقه
الشرطي بحت فيها
الشرطي:خوذوا سيارته والحقوني ع المركز
اماني:نا مدرت شي خلوني نروح
الشرطي: اسف تفضلي معانا هذي قوانين ولازم تطبق
اماني:نهارت
ومشت معاهم تبكي ع عيشتها الي كاسره خاطرها وتبكي ع الالم الي في يدها وع المصيبه الي طاحت فيها وع امها الي مريضه مشعارفه شن نهاية مشاكلها
💔💔💔
اوقات الدنيا تقسى علينا ومش عارفين من اي مشكله نبدوا نحلوها 💔
.
.
.
.
في المدرسه
ملاك:هاي دودي
موده:شخبارك
ملاك:تمام مشفتيش اماني
موده:لا والله بس كلمتها امس كانت تعبانه بكل
ملاك:ربي يعينها❤ مهم لو شفتيها قوليلها ملاك تبيك ضروري
موده:تمام
نمارق:هاي بنوتات
ملاك:اهلا شخبارك
موده:قلبت عيونها بدون ماترد
نمارق:تمام مهم وين اماني ولا سمعت كلامي هههههه
ملاك:كيف!؟؟؟؟
موده:ممكن تقلبي وجك وخذت ملاك من يدها وعدت
ملاك:انتي هيه شن فيه ؟
موده تو تجي اماني وتحكيلك مهم فوتيها الفاسده هذي❌
ملاك:ليش
موده:تو تعرفي مهم فوتيها
ملاك:بحتت فيها مهم تأخرنا ع الحصه هيا وعدن البنات للفصل وملاك عقلها عند اماني ومش فاهمه شي😔
.
.
.
.
.
مالك:الو
انس:الو مالك راه حاصل فقصه في المركز تعالا بسرعه
مالك:انت ديما حاصل هيا اهو جايك خذاه مفاتيحه وطلع
في المركز
مالك:سلام عليكم
جمال(شرطي) :وعليكم السلام اوووه شكله كرعيكم خذت ع الجي هنا
مالك:وجك جاي ندفع فلوس ونطلع حد هنا
جمال:انس....اسف لا
مالك:ليش؟
جمال:لانه معاه بنت القصه المره هذي مش قصة فلوس
مالك:شوف مش فايقلك راه كم تبي واخلص
جمال؛ الكلام مش معاي خش للمدير
مالك:حتى نا فاضي نحكي مع فروخ وخش للمدير و كالعاده دفع وطلع انس منها
(هيا احيانا اشياء تنحل ب الفلوس بس مش كل حاجه زي جزح قديم او موقف مش قادر تنساه او فقدان شخص عزيز عليك وقتها الفلوس متعنيش ولا حاجه ولا تحل حاجه ولا تنسينا 💔)
.
.
.
.
في السياره
مالك:من البنت الي كانت معاك
انس:فرخه كنت نسحابها متاع جو وهكي طلعت فيها شيخ
مالك:وقف السياره مره وحده وقعد يخبط انت شنوووووو اه بنات الناس مش لعبه فهمتتتت مش كل وحده تلقاها تسحابها زي العاهرات الي تعرفهم ❌
انس:عساس انت مش زينا
مالك:نشرب معاكم لاكن الزفت البنات معنديش فيه
انس:نزل من السياره فاصل
مالك:وقفن عيونه ع شنطت البنت كان متردد انه يفتحها بس فاتها وكمل الطرق
.
.
.
.
.
جمال:يلا نوصلك
اماني:بنمشي بروحي
جمال:معليش ياريت تخليني نوصلك نا
اماني:ب ب به حطي فمدرستي
جمال:هه مدرستك ليش يا..
اماني:احترم نفسك وديني ولا خليني نمشي بروحي
جمال:باهي هيا وطلع ركب السياره
اماني:ركبت معاه مدرسة الامل
جمال:اه نشتغل فيها حارس غادي الي يقرن غادي كلهن زيك بنات كلب
اماني:حست كأنه كف شوف اخترم نفسك واحترم الشغل الي انت فيه تمام
جمال:هه صار ماسكينيك مع شاب يشرب ومتبينيش نعيب
اماني:نهااارت
جمال:حس انه وراها قصه سكت وهوا يبحت فيها ويبرم في راسه سؤال ليش هلها مسؤلوش عليها ؟؟؟
.
.
.
.
.
ملاك :طلعت تراجي في مالك وطول بعدين
ملاك:هييي😱
موده :كنك
ملاك:اماني نازله من سيارة شرطه
موده:كنها وعدن هن الاثنين هوببب
ملاك:كنك
اماني:بالله راسي مصدع محدش يحكي معاي
موده:كيف فهمينا
اماني:خلاص اهو علي جاه ومشت ركبت السياره وهيا خايفه
علي:عارفه مشيتك مبدري ليها حساب
اماني:سكتت وعارفه مصيرها كويس وماسكه دموعها الي مصبح موقفنش وتفكر انه الدنيا شن دستلها مزال ؟؟!
.
.
.
.
موده:شرايك نمشو نسألو العسكري الي وصلها ع قصتها
ملاك:به هيا وعدن
ملاك:سلام عليكم
جمال:يبحت وعليكم السلام نشالله خير
ملاك:تبحت بنضره متكبره معليش البنت الي نزلتها توا كنها
جمال:انتي مديرتي ؟
ملاك:لا ليش؟
جمال:يبقى وجك
ملاك:نننن وعدت هيا وموده محروقات ع صحبتهن الي مشعارفتها كنها
أنت تقرأ
اقدار مبهمة(ليبية_منقولة)
Aksiلن نصل إلى أهدافنا إلا إذا خطَّطنا لها؛ إذ يجب أن نؤمن بها بشدة، ونعمل من أجلها بكدٍّ، هذا هو الطريق الوحيد للنجاح🖤🕊. ﮼اقدار،مبهمة🖤🕊. للكاتبة ﮼طائرة،المساء🖤🕊. 15حلقة🖤🕊. قراءة ﮼جميلة🖤🕊.
