اقدار مبهمة؛)"
الكاتبه:طائرة المساء🕊
part:9
عند نمارق
الووووو
جميله:شن صارر معاك
نمارق:كذبت عليه قلتله اني حامل عدى وسيبني بس حتى نرن عليه ميردش
جميله:هوا امه ماتت المهم متخليش يرد لأيناس
نمارق:حاضريننن من عيونننني
.
.
.
.
.
ثاني يوم 🔥
ملاك:اماني هيا وقت ع المدرسه
اماني:خليني شوي
ملاك:صبي مالك برا
اماني:نقزت تجري غيرت دبشها وبدلت وطلعن ركبن
اماني:صباح الخيرر😊
مالك:صباح النور(في عقله صباح العسلل❤🤣)
مالك:شنو مفيش صباح الخير يا ملاك
ملاك:مش متعوده نصبح
مالك:حصله مش كيف العسل الي معاك
ملاك:ايش؟
مالك:شي شي (وقعد طوول الطريق مركز فيها وهيا من نضراته تلخبطت معرفت وين تبحت🥺😂😂😂)
.
.
.
.
عمر:سعد يا سعد
سعد:كنك
عمر:اء نبيك فموضوع
سعد:اطري
عمر:تذكر البنت الي درتلها عمليه ع راسها وهكي
سعد:كثر الله من العمليات الي ندير فيهن
عمر:بلا عباطه
سعد:اعا اذكرتها وعاارفك تبيها البنت نضراتك لها مش مريحيتني
عمر:لالا مش المضروبه نبي اختها
سعد:اممم تو شن وظيفتي نا توا
عمر:اكيد عندك رقم اي حد من هلها كلمهم وقول لازم نردوا ع الجرح وهكي
سعد:وشن ضمنك انه تجي معاها
عمر:تو انت ديرهك وما عليك في الباقي
سعد:تو نشوووف
عمر:اكيد مش تو نشوف
سعد:باه خلاص وطلع
.
.
.
.
نزلت ملاك واماني للمدرسه
ملاك:حقت جمال شيرتله وضحكت
جمال:ردلها ضحكه ورد كمل شغله
ملاك:نعلاي كني هبلت ليش نشيرله اففف
اماني:نغزتها شنو جو عصافير الحب
ملاك:لا انتي وخوي مالك مش عصافير راني فاطنه لحركاته لك
اماني:نحرجت ل لا اي حركات
ملاك:عليا نا يا اماني🙂
امامي:تو خوك صايع نا شن دخلني
ملاك:عارفه انه خوي طرف وسمح وخاطرك فيه
اماني:انتي هيه ارزني
ملاك:به غير بحتي لوجك كيف قعد😂😂
.
.
.
جميله:الو
اشرف:الو
جميله:تو نسألك لو ........
اشرف:لا عادي نقدروا نخلوها تلتصق التهمه بحد اخرى
جميله:تمام
.
.
.
رهف:صبت لقت مكالمات واجد من رقم
رنت
اشرف:الو
رهف:سلام عليكم
اشرف:وعليكم السلام
رهف:لقيت الرقم هذا ران اكثر من مره من معاي
اشرف:اه نا المحامي اشرف
رهف:اها اوكي تفضل
اشرف:لا بس نبي نهدرز ونحكي معاك
رهف:ليش
اشرف:نكون صريح معاك نا معجب بيك
رهف:بس نا
اشرف:اسسس مننبيش نعرف شي خليك زي ما انتي زي ما حبيتك
رهف:في حجات انت متعرفهاش علي
اشرف:نعرفها مع الوقت
رهف:متأكد من الي تقوله بعدين اعجابك من طرف واحد انا مش معجبه بيك
اشرف:عادي الحب يجي مع الوقت بس فكري
رهف:باه انا توا نبي نعدي بعدين نحكو
اشرف:اوكي
رهف:صكرت الخط وصبت اففف نا من بعد عمر معش حبيت ولا عاد شفت نفسي ممكن هذي فرصه تخليني نطلع من الي نا فيه بس لازم نزيد نفكر خير ما يطلع زي عمر
طططقطقطقطقطقطق(الباب يطق بقوه)
رهف:باهي باهي صبت فتحت الباب لقت ايناس داهشه وتبكي
رهف:كنك
ايناس:ماتتتتت ماتت💔😭😭
رهف:مننننن؟
ايناس:فيرووووز ماتتتت هيا الي عارفه كل حاجه هيااا
رهف:قعدت الدنيا تبرم بيها مشت خشت لدارها لقتها طايحه ع الصلايه قربت بحتتلها لقتها ولا حركه ولا نفس
رهف:ممكن كانت اطيب انسان في الحوش هذا الله يرحمها😭😭💔
ايناس:طاحت ع ركبها ليش كنت نبي نعرف كل حاجه نا كل حاجه
رهف:مش منتبها لشي صبت وطلعت مشت شور جميله
رهف:ماتت
جميله:م من؟
رهف:ف فيروووز💔
جميله:(دارت وج الصددمه)هييي من شنووو
رهف:عمرها كمل الله غالب 💔😭
كلمو الاسعاف خذوا جثتها ودوها لمستشفى عشان يغسلوها بعدها يدفنوها
رد مالك للحوش خش يعيط للفيروز
مالك:فيروز يا فيروز وينك هويه مفيش حد هنا
مالك:هذوم وينهم
بعدها يخش احمد كيف مفيش حد هنا ولا شنو
مالك:مفيش حد تو نكلم رهف
مالك:الوو
رهف:تشهق ب العبره الو
مالك:وينكم كنك تبكي
رهف:ف ف فيروز ماتت
مالك:انتو وينننننن
رهف:في مستشفى ال*****
مالك:صكر التليفون وقعد يبحت ف احمد منصدم وخنقاته العبره
احمد:شن في تكلممم
مالك:فيروز ماتت
احمد:طلع يجرى ركب في السياره وطلع
مالك:دارت بيه الدنيا قعدت تبرم بيه قعد يذكر في كل مره كان يهزب فيها وهيا ساكته كيف كانت ديما تخاف عليهم كيف كانت لما هم واصغار لما جميله تحرمهم من الطلوع تمشي تهربهم عشان يدهوروا كيف جميله كانت تحرم فيهم من الوكال كانت ترجاها نين جميله ترقد وتمشي تهربلهم وكال ومع ذلك جميله تفطنلها وتعاقبها بس كانت اتحمل عشان خاطرهم كانت ب النسبه لهم اكثر من مربيه او خدامه عاشت معاهم كانت ام بنسبه لهم💔💔💔💔💔
طلع مالك ماسك دمعته ومشى للمستشفى وصل وخش لقاه ايناس ورهف يبكن ومنهارات
مالك:وينهي
ايناس:جوا
بنسبه لي جميله مقمعزه وكأنها هم وتريحت منه
خش مالك واحمد ل فيروز لقوها مغطينها بغطاء ابيض
مالك:قرب حول الغطاء قعد يبحت فيها قعد يبكي مسح دموعه وطلع من دون ما يحكي شي
احمد:قعد يبحت فيها ويقول انضف حاجه في الحوش كله راحت اطيب شي كان معانا ماتت كنتي ام او ممكن اكثر من ام ربي يرحمك 💔
وغطى وجها وطلع
ايناس:تبحت فيه وتبكي تقول كيف بعد ما وصلت لحاجه تحل مشاكلنا تموت كيف💔؟
احمد:خلاص روحن للحوش هنديروا عزا اكيد الناس بتجي تعزي
جميله:كيف لا مستحيل شنو بتجي تعزي ع خدامتنا
ايناس:هذي امنا مش خدمتنا
احمد:هيقيم العزاء هي انسانه زي اي حد وطلعوا روح بيهم للحوش
.
.
.
.
عند نمارق:فاتت قصة جهاد وقعد كل فتره مع واحد وسيبت قصة جهاد
جهاد:بعد ما ماتت امه حاول يقوي علاقتة بربي وتاب وحاول يكون اغلب وقته مع اخته نور يبي يعوضها عن الفتره الي سيبهم فيها ويفكر انه يكشف حقيقة جميله قدام ايناس بس خايف متصدقاش بعد الي داره فيها
.
.
.
ع البحر
مالك:قاعد وسارح يفكر انه اغلب الحجات السمحه هوا كان مش معدل زي وجود فيروز معاهم حس كأنه نقطته مهمه في حياته وخسارها وحس كأنه غلط انه سيب قرايته كانت ديما تجري فيروز ع مالك عشان يكمل قرايته بس مالك كان ديما مش معدل ومتحسف ع عمره الي عدى كله في سبه السكير بس قرر انه يتغير ويكون مالك جديد قاطع تفكيره تليفونه يرن حق رقم رد
مالك:الو
ملاك:مالك كنك طولت علينا
مالك:ايييه خلاص اهو جايكم
ملاك:شكرا
جمال:خذاه التليفون عفوا 😊
اماني:تعالي نرجوه غادي
جمال:تو نجي نقعد بجنبكم عشان الشباب وهكي
ملاك:ياريت🤍
اماني:وشوشتها اثقلي بلا حركات
ملاك:خليني نعيش حياتي شوي
اماني:باه😂
وصل مالك
ملاك:هيا وصل ركبن في السياره
ملاك:كنك مالك وجك هك
مالك:فيروز
ملاك:كنها
مالك:عطاتك عمرها 💔
ملاك:كيففف من شنو ماتتت
مالك:عمرها كمل بيد ربك
ملاك:لا ياربي حرام وقعدت تبكي
اما اماني كانت ساكته وتراقب بعيونها ونفس الوقت متبيش تروح بروحها للحوش قعد ساكته
وصل مالك قدام الحوش
نزلت ملاك تجري وخشت لقت عزاء قائم وناس جايه تعزي عدت اضبطت خواته ونهارت
اما اماني:بعد تفكير طويل قررت تنزل وخلاص جت بتزل
مالك:قفل البيبان
اماني:افتح الباب معليش
مالك:قعد يمشي ب السياره ومش معدل عليها
اماني:معليش قتلك وقف خليني ننزل
مالك:كمل سواقته من دون ما يعدل عليها درس قدام حوشها
اماني:حست كأنه ميبيهاش تقعد عندهم خنقتها العبره
اماني:ممكن تفتح الباب وتقول فيها بحروف متقطعه
مالك:انزلي جيبي دبش وهيا معاي
اماني:و وين؟
مالك:تمشي تقعدي عندنا نين تفرج معش تقعدي بروحك هنا
اماني:طارت من الفرحه بس بينت روحها عاديه نزلت خذت دبش وحطاته في شنطه وطلعت ركبت في السياره من لوراه
مالك:انزلي اركبي قدام
اماني:🤨شنو
مالك:مش عشان خاطرك عشان منبيش الي يحقني يسحابني سواق انزلي اركبي قدام
اماني:نزلت ركبت قدام وهيا تغلي من تصرفاته الغريبه
طلع بسياره وعدى وصلها للحوش
.
.
.
.
سندس:الو
احمد:الو
سندس:وينك مجيتيش بكل
احمد:نبي نقولك حاجه
سندس:شنو شن في
احمد:فيروز ماتت
سندس:هيي تحكي جد
احمد:اها تو مش فاضي اوكي
سندس :اوكي
سندس:قعدت تبكي
(طبعا الاغلب يقول ليش احمد ومالك وملاك ورهف وايناس ليش يبكو مع انهم خديمتهم هيا بس لانه عاشت معاهم واجد وكانت طيبه معاهم كانت تبي تحسسهم انهم عندهم ام او مش ناقصهم شي كانت ديمه في صفهم ومعاهم اما سندس تبكي لانه فيروز هيا الي مشت وخطبت سندس لأحمد وكانت ديما اتجيها وهيا عارفه قصت سلسبيل بس محكتش لرهف انها عارفه )
.
.
.
.
في الستشفى امراض نفسيه وعقليه عند نور اخت جهاد
نور:خذيتي دواك
:اها خذيت دواي
نور:تمام تو نخليك بروحك وطلعت
:خذت حبت الدوا وعزقتها في الكناسه زي ما تعودت ادير كل مره تكذب وتقول خذيت
طقطقطق
:تفضل
ممرضه:هذي رساله جاتك
:من فيروز
ممرضه:اها من امس دزتها بس مفضيتش نعطيها لك
:تمام شكرا
طلعت الممرضه
:فتحتت الرساله
محتوى الرساله(سلام عليكم زي ما عودتك نعطيك الاخبار اول بأول بس ممكن هذي اخر مره نعطيك فيها اخبار نحس في موتي قرب نبي نقولك انه رهف كويسه وبنتها كويسه وايناس اطلقت من محمد ونست جهاد وتحسنت اما ملاك متحسنه عن قبل وقاعده هاديه وعاقله اكثر من قبل اما مالك خفف شوي من السم الي يشرب فيه واحمد منسجم مع سندس وسندس قالتلي انها حامل بس احمد معدناش علم مزالت ما قلتله ونشالله تكوني بخير🤍)
:اخخ الحمد الله ع كل حال
.
.
.
.
سلسبيل:ماما ثندث كنك تبكي
سندس:حضنتها وقعدت تسكت فيها لا نا في حاجه خشت ف عيوني
سلسبيل:قعدت تنفخ ف عيونها هكي تمام
سندس:ضحكت اها تمام وباستها
(بجد سندس كانت لسلسبيل اكثر من ام🤍)
.
.
.
.
اماني :خشت ع ملاك في دارها ملاك يا ملاك
ملاك:ن ن نعم 💔
اماني:اضبطتها خلاص ياعمرى مملتيش بكى ياعمري ادعي ربي يرحمها
ملاك:هذي امي الي ماتت مش خديمه بس او مربيه
اماني:خنقتها العبره باعي شن تقولي عليا نا فقدت هلي كلهم انتي عندك امل تلقى امك
ملاك:حست انه اماني بتبكي
ملاك:باه خلاص ليش جايتني هنا فداري
اماني:مثلا تلزي فيا
ملاك:لالا يوم المنى يوم الي تجيني
اماني:مش نا خوك راهو قالي تجي تقعدي هنا معرفت كيف نرفض
ملاك:ضحكة فوسط دموعها😂ي ييهههه شكله كبد خلاص
اماني:بلا براده بس نا خايفه من جميله حنك
ملاك:فوتيها شوري نا جميله
اماني:سلمها ياخيتيي وضبطتها
ملاك:يلا صبي خوذي حاجه من دبشي تريحي فيها
اماني:لا ماهو دبشي في سيارة خوك نبيك تكلميه يجيبا ليا
ملاك:شن جابه في السياره ياصايعه
اماني:هوك الصايع هوا خذاني غصبن عني للحوش قالي جيبي دبشك وهيا
ملاك:يعني خلاص افهمي انه يبيك
اماني:ممكن بس نا مش مستعده(وهيا فعقلها ايهه كان تعرفي انه هذا كله عشان خقني في استراحه مليانه شباب )
.
.
.
.
رهف:طلعت تمشى في الحديقه شوي وتبكي عيونها متورمات
اشرف:سلام
رهف:اسم الله شن جابك
اشرف:جابني انتي ومسك ايديها وقعد يتأمل فيها
رهف:(حست بشعور امان كان خطرها تعيشه من زمان شعور امان شعور سند فحياتك 🤍)
رهف:يعني تاعب عشاني
اشرف:اكيد العيون الحلوات هذن يجبني من حتى لو في امريكيا
رهف:😊
اشرف:شن مطلعك في اليل
رهف:مضايقه
اشرف:فتح ايديه وحضنها
رهف:سلمت روحه له لانه فعلا محتاجه لحضن دافي قعدن فحظنه وتبكي
اشرف:اشش خلاص ياقلبي متبكيش
رهف:نحس في كل حاجه فحياتي خاربه
اشرف:تعالي خلينا نمشو نقمعزوا ع الكرسي نحكو
قمعزوا مع بعضهم وقعدت رهف رافعه راسها للسما
واشرف يتأمل فيها
رهف:منبيش نتعلق بحد
اشرف:ليش
رهف:انت في حجات متعرفهاش عليا
اشرف:وشنو الحجات الي ممكن تخليني نسيبك
رهف:(قعدت متردده تحكيله او لا )حجات واجد محدش عارفهن
اشرف :عادي احكيلي
رهف:وثقت في حد قبلك مطلعش قد الثقه
اشرف:جربي حطي فيا ثقه
رهف:مدامك من طرف جميله مستحيل نحط في ثقه
اشرف:شنو انفصام هوا قبل شوي كنتي عادي
رهف:متستغلش ضعفي صبت وعدت من حذاه
اشرف:قاعد ع قلبك يارهف نطيحك نطيحك
.
.
.
.
مالك:الو
اماني:الو
مالك:قتلك دبشك قاعد معاي تعالي خوذيه قاعد قدام الحوش
اماني:نقدرش لو حقونا
مالك:عادي ما نا حقيتك وسط شباب
اماني:صكرت فوجه شنو الانفصام مره يعاكس ومره يهزب بس فعلا لازم منفتحلاش مجال ونزلت فتحت الباب
اماني:اء 😟
.
.
.
_______________________________________
تابعوني ااحلقه الجايه 🤍
قرأه ممتعه🕊
شكر ل زينب عبد الكريم هزاوي🤍🕊
أنت تقرأ
اقدار مبهمة(ليبية_منقولة)
Aksiلن نصل إلى أهدافنا إلا إذا خطَّطنا لها؛ إذ يجب أن نؤمن بها بشدة، ونعمل من أجلها بكدٍّ، هذا هو الطريق الوحيد للنجاح🖤🕊. ﮼اقدار،مبهمة🖤🕊. للكاتبة ﮼طائرة،المساء🖤🕊. 15حلقة🖤🕊. قراءة ﮼جميلة🖤🕊.
