اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الرواية تحفة بس دي اول رواية اقراها لقصة حب بين مصرى واسرائيلية والمصري دة كمان سيناوي انا عاوزة اقول كذة بعد اتكلمت فيه القصة بعيد عن موضوع ان القصة رومانسية اول حاجة ان الشيخ سليمان حب واحدة يهودية ونام معاها يعني مش كمان انه حب واحدة مش بتحل ليه لا وكمان زاني ونام معاها وحملت منه واجهضت الطفل دة وراح يجيب بنت من ملجأ فاكر انها بنته وكمان هيا من ديانة تانية لا بجد برافو شيخ سليمان المفرود ان اليهود دول أعدائنا ومحتلين فلسطين فيروح يحب واحدة منهم لا وكمان ينام معاها بجد انتي انسان وسخ يا شيخ سليمان بس اللي عاجبني ان الشيخ سليمان اتغير وسأل على ايرين واتعامل مع احفاده كويس وكتب الورث ليهم دة اللي يغفر ليه نجي بقى لابن الشيخ سليمان اللي هو الياس بجد حتة حلوف وجلف رسمي الياس دة كان بيعمل ايرين اللي هيا البنت اللي فاكرها اخته بجد كان حمار دة في أسلوب رحيم وحوار ويعقد معاها يحاول يقنعها لا بيعنفها وبيض بها وبيحط السلاح عليها لا برافو يعني هيا مستفزة اه بس دة مش مبرر انه يضرب اي ست حتى لو يهودية هو متسرع جدا وعصبي وغيور ورومانسي ولما بيحب بيتمسك باللي بيحبه بس انا معجبنيش انوا اغتصب ايرين بجد لمس بنت مش حلاله ومش نفس ديانته ومكنتش بتحبه لا وحبها من قلة البنات المسلمة الملتزمة راح يحب يهودية انا معنديش مشكلة بس يفضل مسلمة لا بس الشاب المصري بطبعه بيعادي اليهود راح يحب واحدة منهم وبأن الكره دة لما كان بيعملها بقسوة وجفاء لا بس عاجبني انه متخلاش عنها وفضل جمبها رغم اللي عملته معاه ولما اغمى عليه اما اغتصبها ولما عرف انها اخته وعاملها بحنية وحاول يجوزها فهد بس هو كان فاكر انها اخته فلكدة حاول يخليها تجهض وتتجوز فهد ونفس الوقت مش عاوزها تتجوزه بجد الياس عنده غيرة وعصبية على اللي بيحبه وانتقم من جيمي وجانيت دة برد دمى وجابها من الحدود في الأردن وفي ألمانيا بس سافل 😂😂 سارة مرات ابراهيم بجد احسن واحدة في الرواية دي كلها بجد كيوت ولطيفة جدا مش زي رقية الحرباية ووقفت مع ايرين وبتعامل مع ليث والياس الصغير بجد كانت راقية وحنونة جدا واجتماعية بجد لو عندي واحدة سارة في حياتي دة حتى راحت قالت لالياس ان ايرين هتسافر وكانت معاها لما عرفت انها حامل وراحت معاه للمطار وخدت العيال وركبت معاهم ورا في العربية يعني تعتبر الام التانية لالياس الصغير وليث بس انا زعلانة انها بقت مش بتشوف واجهضت ابنها بجد انا زعلانة جامد 😭😭 رقية مثال للبنت المصرية الحامية دم زي اخوها الياس بس هيا بسبب ان ايرين خبطتها بفازة بجد اللي عملته ايرين بردو ميتغفرش وبالذات انها السبب في اعاقتها في مخها رجالها شلل وبردو رقية معاها حق بردو انا بكره حد بس مش بقعد أذيه زي ما أذاني لا وبأذي كمان ناس تانية معاه فبرضو العفو عند المقدرة ورقية بردو قدرتها متسمحش انها تعفو عنها دة حتى اتعاونت مع فهد عشان بتكره ايرين بس هيا لو بتحب فهد مكنتش هتوافق انه يتجوز ايرين بس هيا مش محترمة انها بتخون جوزها وبتحب واحد تاني وتكلمه وبتقابله وبتروح الكافيه تقابله دة حتى انوا مجاش مشهد ليها الا مع جوزها الا لما الياس زعقلها وراحت في حضن جوزها سعد والمرة التانية لما هي كانت بتكلمه عشان تبقى حامل وهو قلها لا بس صعبت عليا لما بتحاول انها تطلب من ايرين انها تسامحها وانتحرت وربنا وراها آية لما عرفت ان فهد استغلها بجد كرامة رقية ضاعت وحست انها انهانت بي زعلت منها لما ضربت ابوها انا مش عارفة اقول ايه اكتر من كدة
فهد بقا اخو ايرين الحقيقي بس عجبني انوا وعيلته اتبنوا اليتيمة اللي ميعرفوش انها إسرائيلية ولا عرفوا كانوا هيعملوا ايه بجد عجبني اما كان بيعاكس ها بجد بيفهم بس انوا يحب بنت اتربت معاه وفي نفس الوقت البنت دي حامل من غيره واتجوز وخلفت اتنين ومصر انه يجوزها برضو انا مشفتش في حبك بجد عاوز يوصل لحبه بس ميوصلش بطرق قذرة وملتوية انه يتعاون مع اليهود اللي منهم جيمي وجانيت وفي نفس الوقت بتعاون مع رقية ويمسح بكرامة رقية الأرض ولا حاول يشوف بنت تانية بتحبه ولما حاول ياخدها لما طلعت تدور على ليث وبحاول في اي فرصة انه ياخدها ولما خدها اسكندرية و في نفس الوقت هو لما عرف في الاخر ان ايرين طلعت اخته زعل جامد عليها انها طلعت اخته يعني اللي قاعد بيفكر يبني مستقبله معاها ويتجوزها طلعت اخته بس هو لما عرف بمخطط جيمي وجانيت وحاول يحمي اخته من الاتنين الوسخين دول بجد عجبتني غيرة الأخ علي اخته دة اللي خلاني اسامحه
الشيخ كامل بجد هو نفس الشيخ سليمان بس اللي يغفرله انه بيحاول يبعد ابنه عن اللي بيعمله وبينصحه انه يبطل يفكر في ايرين دة حتى أنه ساعد الياس بجد دة اللي يخلي الواحد يسامحه عشان كدة
ايرين بقا حتة حمارة وجلفة ومبتفهمش وبقرة وغبية جدا يعني بتستفز الناس باعتزازها باصلها الوسخ دة بجد تستاهل كل اللي يحرالها ومن ساعة ما اغتصبها الياس وهي بتحبه ومش عايزاه يبعد عنها لاي سبب ولما قرر انه يتجوز عشان يكتب اسم الواد باسمه مرضيتيش بس بجد كان هيعمل ايه كان بيحسبوا انهم اخوات وفي الحقيقة لا خالص وهيا زي الهبلة صدقت جانيت لما فكرت انها بتدور على مصلحتها ولا جيمي بجد هيا محستش انهم خبيثين بس عجبني لما هيا حاولت توقف خالها جيني عشان ميقتلش الياس وقالت لخالتها ملكمس دعوة بحياتي وانها هربت من الياس وكل ما يلمسها تحمل 😂😂ولا لما هيا بتهرب منها وهو يمسكها 😂😂ولا شكلها اللي بقا مغري وهيا حامل وحنيتها على ليث والياس وبتحمي كرامة عيالها ومبتخليش حد يمسهم بسوء سواء كلمة او فعل او اعتناقها للاسلام بجد دة اللي عجبني وفي نفس الوقت بتسحب ياقة الياس وتقبله 😂😂جرئية وواثقة اوي من نفسيها بجد دي اول بطلة مش بحبها بصراحة تامة
جيمي وجانيت دول اوسخ قرايب اشوفهم في الروايات ناويين يبيعوا ايرين في مزاد ويبيعوا ابنها لعيلة ثرية وبيضحكوا عليها انها كانت في الجيش وجوزها ميت لا بجد برافو انتم خدتك لقى اوسخ خال وخالة
بس اللي خليني احبه ابن جانيت اللي حاول يحذر ايرين من خاله جيمي انه يعمل حاجة وحشة بجد انتا قلبك جامد
رغم ان الرواية جميلة جدا وروعة بس فيها حاجات كتيرة استفزتني بجد بس تصنيفي ليها برضو حلو انصحكم بيها وفي لقاء آخر مع رواية جديدة ❤️❤️👋👋
