اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الرواية حلوة جدا من حيث الحبكة انها انتقلت من العصر الحالي لعصر الإسكندر وازاي حرقت دم الجنود اللي كانوا بيتاقتلوا مع الإسكندر وموت الإسكندر وتعرفها على سيف اللي هو الإسكندر ورومانسية تالا وماجو او مازن بصراحة انا حبيتهم الاتنين دول عن سيف وسيلا وكنت بتمنى أحداث كتيرة عنهم، وفضايح سيلا كل ما اتنين يقعدول مع بعض هي ثالثهم وأم السعد رابعهم والاسكندر خامسهم هههههه
بصراحة انا حبيت الإسكندر قدر يستحمل سيلا وعمايلها، ومحدش ينسى عبدو، ولا جدها الخبيث
ام السعد لقت عريس اللي بستغربوا انها زي بتسبق سيلا في المكان ازاي وبتنجو ازاي بحياتها متأكدين انها بطة عادية ولا بطة ب ٧ أرواح؟؟
اكتر شخصيات بكرها اوي في الرواية هم سيف وجد سيلا وسيلا روكسانا
انا مش عاجبني شخصية سيلا خالص ومش داخلة دماغي بربع جنيه عشان الكلمة اللي بتتقال ترد عليه ب ٢٠ وبتنرفز الواحد وانا مش بحب البطلات في اي رواية تكون مجنونة وذات لسان سليط بقفل علطول انا نفسي في مرة شخصية هادية ورومانسية ومثقفة ولسانها مؤدب ونفسي في بطل لا يكون متملك حد الهوس لدرجة ابوها ولا اخوها ولا ابنها يقرب منها وتلبس ايه ومتخرجش وتعمل ايه قرفتونا و يفتح البلاعة علينا و مجنون عاوزاه هادئ وعنده ثبات انفعالي ورومانسي ليس متملك ي حتى انا بتخنق من المتلمكين دول ويكون ذا لسان مرح
دا رأيي بصراحة وانتوا ايه رأيكم في المتلمكين دول؟؟
