اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحمد لله خلصت المتراكم عليا ان شاء الله هكتب رأيي عن رواية جديدة مرة في الأسبوع الرواية جميلة جدا وجذابة وشيقة جذبتني اقراها من اول فصل لاخره بداية من عنوان الرواية كل حاجة فيها رائع الكاتبة اسلوبها في الكتابة اكتر من رائع الكاتبة عرضت الرواية في إطار رومانسي واقعي كوميدي هناقش كذا حاجة في الرواية الحلوة دي اولا الرواية بتتكلم عن شيماء بنت بتحلم ان جوزها يكون واحد من أبطال الروايات اللي بتقرأ عنهم بس الواقع جيلها حاجة تانية خالص😂😂😂صدمة كبيرة نحس من يومك يا شيماء😂😂😂 بس شيماء برضو مستفزة دي حاجة كتابة ازاي هتحقق على أرض الواقع ومينفعش اللي كانت بتعمله اول ما شافت محمود واللي لحظته ان محمود مؤدب ومغلطش معاها الا لما هي استفزته والشباب المصري لما حد بيستفزه بيقول كلام وحش جدا
النقطة التانية اللي خدت بالي منها ان البنات بعد ما تخلص جامعة فيه فئة كبيرة منهم بتقعد في البيت مش بتشتغل لا على الواقع ولا عالنت وتقرا روايات بجد انا اتجننت هيا وصلت للدرجادي مثلا تتعلم موهبة معينة تتعلم لغة متقعدش كدة وتالت حاجة خدت بالي منها ان الروايات دايما جايبين الام بشكل انها مش طايقة بنتها ودايما بتحدف فيها الشبشب او تقلها كلام مش حلو فيه فئة من الأمهات كدة بس مش معناها ان الروايات تخلي كل الأمهات كدة الرواية كلها انا قرأتها بتعمق لاحظت حجات كتيرة جدا الرواية منذكرش دور ابوها كتير يعني لقطات معينة ومفيش ذكر لأي واحدة من اصحابها بتكلمهم معاهم على التليفون معناها ان شيماء انطوائية نيجي بينا على محمود محمود شاب زي كل شباب المصري رفيع وبيقول كلام مستفز بجد انا كنت هنجلط زي شيماء ليها حق بردو والشباب المصري دول يعتبروا شباب جلف قوي ومش رومانسيين خالص وبتفق مع محمود ان أبطال الروايات الأوفر دول اللي بيغيروا على البطلة مو أهلها دول شايفاهم شوية حيوانات انتا مش بتفهم فهو كويس مش بيعمل الحركات الخيبة دي وبيحب يضايق شيماء 😂😂😂 بس اللي عجبني ان شيماء قررت تجتهد عشان توصل لهدفها ان محمود يبقى زي أبطال الروايات وعملت شغل عالي لبس بقا مغري واكل على شموع لا ومحمود طلع سافل وانا اللي فاكراه مؤدب طلع حاجة تانية لا وبتبوسه وتلعب في شعره لا شيمو ناصحة قوي حتى أنه كرهها في اسمها 😂😂😂 وطلع جلدة اوي محمود دة ايده بتحك كتير على الفلوس زي الشعب المصري وكويس ان شيماء بطلت العوج اللي كانت بتعمله دة في أول الجواز وبقت واقعية وحبت محمود وبقت حامل بجد لو قريتوها زيي هتستمتعوا بكل لحظة بجد ومش هتحسوا بالوقت كنت عاوزاها تبقى طويلة شوية بس في كل الحالتين حلوة انصحكم فعلا بقرأتها أراكم في رواية جديدة مع السلامة يا أصدقاء
