انتقام مارينا

البارت ¹

        عيناكِ قيدت قلباً كان بالأمس حراً

                         البارت الاول

                      ‹‹ انتقام مارينا ››

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بين الحقيقه والأوهام هنالك أنا ‚لازلت عالقه بين الماضي وبين ذلك التفكير المفرط الي ينخر برأسي ‚لازلت اصنع بمخيلتي السعاده التي قد تمنيت أن اعيشها في واقعي ‚ ها أنا الآن اقف للمره الالف اتأمل اللاشيء اقف جامدة الاعضاء وعيناي تبحث عن شيء مفقود لا أعلم ماهو الذي تبحث عنه عيناي لأن اشيائي المفقوده كثيره أولهما الاطمئنان

"كأنني موج يلاطم نفسهُ البحرُ صدري والفؤاد غريقُ "

واگفه كدام الشباك وكوب الگهوه بايدي وبدأت ذاكرتي كالعاده تسترجع كل الي صار بطفولتي ولحد الان‚ طفله مثل كل الاطفال الي كان من المفروض أن يعيشون طفولتهم بهذا العمر چنت طفله تعرضت للتعنيف من قبل مايسمى والدها ‚
اي نعم جان دائما يضربني بسبب أو بدون سبب احياناً اكول شنو الي سويته حتى يعاملني هاي المعامله چان العذر الي يوهم نفسه بي ان اني قليلة ادب لأن مااسكت عن حقي هذا الي چان يوهم نفسه بي .

جنت طفله اتعرض لضرب الإنسان الكبير ميتحمله بسبب اذيته الجسديه والنفسيه الي تركها بداخلي‚ بس خلص وصلت لمرحله حسيت جسمي تعود ‚ اول مجان أبوي يضربني على الطالعه والنازله جنت ابجي مثل أي طفل من يتأذه من شي يبجي بسبب الالم ‚ أما الآن لا تعود جسمي عالضرب صار عادي الوضع عندي انضرب وابقه اضحك مااعرف حزن أو الم او تبلد بالمشاعر ولاكأنما جاي انضرب بحزام يبقه ابوي يضرب بيه إلى أن يتعب واني مستمره بـ ضحكي اخر شي يتعب ويطلع من الغرفه .

اباوع لامي مبيدها شي بس تباوعلي وتبچي واخويه اسامه اكبر مني بكل مره يتدخل أو يدافعلي ابوي يضربه بسبب دفاعه عني دائماً‚ مجنت اعرف ليش يكرهني دائماً يراودني هذا السؤال شنو الذنب الي سويته حتى هيج كرهني ؟

كبرت ولحد الان اشوف ندبات الماضي بروحي قبل جسدي ‚تلمست بإيدي اثر قديم ابتسمت بقهر فزيت على صوت اسامه

اسامه:مو كافي لشوكت تنسين ياعيوني ؟ توفى وراح ولحد الان ضال ببالج الله يحاسبه ياحبيبتي.

مارينا:شنو انسى ؟ من جان يضربني بدون سبب ؟ يطلع عقده وامراضه النفسيه عليه ؟ ابوك شوه روحي قبل جسمي ‚تريد انسى من چنت أتوسل بي يفتح الضوه الي ؟ رضيت انحبس بغرفه بس جنت أتوسل بي يفتح الضوه لأن جنت طفله اخاف من مكان ضلمه ؟