انا من شفتك گبالي
عفت كُل ناسي ورايهَ
انتَ عندي مو فقط
واحَد هوايهَ
وحَدي يمك للنهايهَ
البارت :الاربعون
الكاتبه :جنه
****************************************************
مارينا
فتحت التلفون مااسمع بس صوت بچي وصياح
"زهراء شصايررر وياججج
زهراء ببكاء :ماري فدوه تعاي راح يكسر الباب
مارينا :منووو
زهراء :احسان
مارينا :كرار وينننن
زهراء :ب ب بالانبار فدوه تعاي ماري
مارينا :تمام جايه لاتخافين
سديت التلفون وشغلت السياره صاح سند
سند :غيرررر افتهمممم شكوو
مارينا :مو وقتك ابد
سند :منو احسان
مارينا :راح يغت... اذا مااوصل بسرعه ف اسكت
سند :انزلي إنه اسوق
مارينا :تركته يحجي ماجاوبته الساعه بـ ٤الفجر
وصلت يم بيت زهراء نزلت من السياره اركض خليتها مفتوحه اريد بس اوصل الها نزل سند وراي يركض
سند :وين بيتهم
مارينا :هذا
انتبهت الحرس ماموجودين خوش مخططه سهاد الـ ****
راح سند يدگ الباب رفعت ايدي ضربته على رأسه
سند :وجع شبيج
مارينا :ماجاوبته نزعت الجاكيت شمرته عليه وطفرت عالبيت صارت وگعتي على أيدي مااهتميت اهم شي اوصل لزهراء
فتحت الباب دخل سند تركته ورحت اركض لكيت باب المطبخ مفتوح دخلت بسرعه اسمع صياح زهراء صعدت اركض كل بايتين سوه دفرت الباب برجلي لگيته فوگاها ابتعد عنها خايف
احسان بخوف :عيون الشيطان
مارينا :بشحمها ولحمها
رحت سحبته من قميصه ضربته على وجهه صرخ دخل سند بدون مايباوع لزهراء اجه يريد يطلع احسان من ايدي
سند :عوفي هسه تجي دوريه تسحله
مارينا :طلعت السلاح من خصري اجه سند لزمني
سند :عوفي ماري لاتتخبلين فدوه
مارينا :دفعته عني بحركه سريعه وجهت المسدس عليه ضربته برجله صرخت زهراء تركته ورحت الها حضنتها
زهراء :م مات مو ؟
مارينا :لا امي مامات سوالچ شي
بقت بس تبچي گوه لزمت نفسي ورجعت احجي بهدوء مااريد اخوفها فوگ خوفتها
أنت تقرأ
انتقام مارينا
General Fictionقصه تتحدث عن فتاه قويه واجهت كل شيء بمفردها حققت انتقامها شائت الصدف وتلتقي ب شاب فهل كان لقائهم جيد ؟ حقيقيه
