فلما رآني العاذلون متيماً
اهيمُ بِمَن أَهوى وعقلي ذاهبُ
رثوا لي وقالوا كُنت بالأمس عاقِلاً
إصابتك عين قلت عينُ وحاجبُ .
‹‹انتقام مارينا ››
ـــــــــــــــــــــــــــــــــــــــــــــــــــــــــــــــــــــــــــــــــــــــــ
مارينا
سمعت صوت واحد يصيحني درت وجهي عليه طلع ولد باوعتله باستغراب اجه يمي حچه بإبتسامه
ـ مرحبا اسمي مؤيد .
مارينا :اهلًا تفضل .
مؤيد :زاد فضلچ عندي موضوع وياچ .
مارينا :تمام گول .
مؤيد بابتسامه :نگعد وبعدين نحچي .
مارينا :رجعت گعدت اجه گعد مقابيلي ابتسملي رفعت حاجبي باستغراب
مؤيد :شوفي اني ماريد الف وادور .
مارينا :اي !!
مؤيد :بس عيونچ شويه .
مارينا :عوف عيوني وتفضل احجي لان اريد اطلع .
مؤيد :تمام يابه اني احبچ ونيتي زواج والله بس گلت اسالچ حتى الاهل يجون الكم .
مارينا بهدوء :اول شي اتشرف بيك ثانيا اني مو نيتي زواج ربي يوفقك ويرزقك الي تسعدك وتحبك
لايضل ببالك انو رفضتك لسبب بيك بس اني رفضي لان اني ماريد اتزوج وارجع واگول ربي يوفقك ويرزقك
مؤيد :احم تمام شكراً ويوفقج يارب‚ اسف اخذت من وقتچ .
مارينا :تركني وراح اني هم اخذت جنطتي اريد اطلع طلعت من الكليه شغلت السياره وطلعت للبيت وصلت للبيت نزلت سلمت على امي لگيت فاطمه بالصاله ويمها رهف تلعب بألعابها
"ها فطوم شلونج اليوم ؟
فاطمه بهدوء :الحمدلله احسن .
مارينا :اجيبلج شي تأكلي ؟
فاطمه :لا عمري خاله ممقصره كل شويه تجيب شي.
امل :يمه شتحچين غير بنيتي انتي .
فاطمه :ربي يخليچ خاله .
مارينا :تركتهم وصعدت فوگ دخلت سبحت وطلعت نشفت شعري تمددت عالفراش اتصل تلفوني رقم غريب عرفته احمد ماجاوبت سديت التلفون ونمت فزيت على صوت دفره الباب دخل اشتر بيده رهف
اشتر :خايبه صخيمه گعدييي .
مارينا بنعاس :اطلع بره
اشتر :تطردييييينن اشتررر شگاگ الحلوگ ؟
مارينا :اشتر اريد انام اطلع .
اشتر :گومي ابهر يطلگ كل شويه صاعد الچ مسويه سحر لأخوي نزلي جوه يلا .
أنت تقرأ
انتقام مارينا
General Fictionقصه تتحدث عن فتاه قويه واجهت كل شيء بمفردها حققت انتقامها شائت الصدف وتلتقي ب شاب فهل كان لقائهم جيد ؟ حقيقيه
