انتقام مارينا

البارت ٤١

ملامحك الحلوه تنباس ما يكفيها غزل 💙

البارت :الواحد والاربعون

الكاتبه :جنه

****************************************************
مارينا

درت وجهي شفت كرار اخو زهراء جگارته بايده ويخزر بـ تيم

تيم بهدوء :ميخصك دنحجي بيناتنه

كرار :اترك أيدها وخليني حباب وياك

مارينا :خزرت تيم ترك ايدي وگام من مكانه راح وگف گدام كرار عضيت شفتي گوه كاتمه ضحكتي
تيم عايش بالسويد عركه مامتعارك وكرار ضابط

كرار :ها شبيك

تيم :توكل منا عيوني دنحجي بيناتنه

كرار :واني ماحاب اتوكل شتسوي

مارينا :اباوع لتيم دفع كرار بحركه سريعه كرار رفع أيده صفگ تيم راجدي

كرار :ايدك أكسرها إذا تمد ايدك وتدفعني

تيم باستهزاء :ومنو انت

كرار :وياك الضابط كرار حبيبي

تيم : ش شنو

كرار:وهسه حبيبي تروح منا مثل الحباب قبل مااخابر يضيفوك بالمركز

مارينا :اباوع لتيم باوعلي وخزرني على أساس يخوفني بخزرته طگيتها بضحكه

كرار :عينك لااشيلها من مكانها

مارينا :راح تيم بقه كرار واگف گدامي باوعلي وضحك

كرار :شعجب مانظفتي الكليه بي

مارينا :يمعود هذا بسحله يدخل مستشفى ذكر عايش بالسويد

كرار :ههههه وين زهرتي

مارينا :جاي تمتحن

كرار :تعاي گعدي اريد احجي وياچ

مارينا :رحت گعدت گدامه سولفت اله كلشي باوعلي وخزرني

كرار :من اخابرچ تگليلي ماكو شي

مارينا:اختك ماقبلت احجي تكول لايصير على اخوي شي

كرار بخوف :سوالها شي ؟

مارينا :وداعت ابهر كلشي ماسوالها دخلت بالوقت المناسب

كرار :سهاد ال*** وتالي وياها

مارينا :تعذرني على المفرده الي راح اگولها بس ابوك صاير يمها ***

كرار :كلش *** صاير يمها شلون عايفها وحدها بالبيت رغم گتله ٣ايام وارجع بس سهوده عاميته
احسان وين ؟

مارينا :يوه هذا جاي يتونسون بي ماشه وكرار

كرار :صدك تحجين ؟

مارينا :مااكدر اترك زهراء واروح اني اربي لان اعرف زهراء مراح تخليني اسويله شي تدري بزهراء شلون گلبها طيب وي الكل دزيت رساله الهم وهسه جاي يشوفون شغلهم