انتقام مارينا

البارت ٤٩

‏من أين جئتي بهذهِ المحاسن كلها .🖤

البارت :التاسع والأربعون

الكاتبه :جنه
****************************************************

مارينا

_ديري بالچ تحچين حرف واحد

مارينا:ماعرفت صوت منو هذا لان كل تركيزي على المنظر الي گدامي
صارت عيني على السچينه الي بإيدي بحركه سريعه رفعتها ضربت الي لازمني
رخت أيده عني التفتت على صوت سند

سند بألم :اشتعلت روحچ

مارينا :سند ؟

سند :لا خياله تعاي طلعي السچينه من چتفي

مارينا :گومت سند دخلنه للمطبخ وبعده المنظر ببالي باوعت لسند هو فهمني

سند :صار سنتين ترا

مارينا :وساكتين ؟

سند :شنسوي چا

مارينا :تحچي صدك ؟ ترا حرام الي دتسوي

سند :مفكر ابلغ الشيخ

مارينا :مفكر ؟ تمام تعال

سند :ماعرفتي صوتي خليتي السچينه بچتفي

مارينا :شمعرفني على المنظر الشفته كلها نسيتها

باوعت لمكان الجرح الدم ينزل بكثره والسچينه بعدها بچتفه طلعت السچينه من چتفه عض شفته متأذي

"اگلك هاي ينراد الها خياط

سند :لاتگوليها

مارينا بضحكه :تخاف ؟

سند :انطمي بس شيطلعني هسه

مارينا :امشي اني اخذك للمستشفى

صعدت للغرفه على السريع بدلت نزلت جوه السويچ بإيدي طلعنه كلشي ماكو بالحديقه الظاهر سمعن الصوت

سند :يمعوده راح دمي يلا

مارينا :امشي يلا

صعدت للسياره وسند يمي گاعد وصفلي المستشفى طبگت يمها نزلنه والدم بعده ينزل من چتفه

سند :خطيتي برگبتچ إذا اموت

مارينا بشرود :متموت لتخاف ذاك العار ضربته مرتين يلا امشي ادخل للمستشفى

سند :شنو ؟ منو ضربتي سچينه ؟

مارينا :منو ؟

سند :انتي گلتي هسه

مارينا :متوهم ابني مگلت شي

سند :لاتخبليني انتي گلتي هسه

مارينا :مگلت لتچذب يلا ادخل

دخلنه جوه خيطو ايد سند لان الجرح عميق هواي داخله السچينه سألو سند منو مسوي هيچ سد الموضوع وياهم مااعرف شنو گال