وجلستُ أمامكِ
اشرب منْ ملامح وجهك
وأخزنها في أَعماقي بحرص♥️
- وحدها عينيكِ من تُرّبك صلابة قلبّي 🫶
العباره خمطناها من أحد السُكرات بقناه التلي
البارت :الرابع والخمسون
الكاتبه :جنه
قناة التلي haifk
نشرت بيها ستوري فشخه وجاي احجي بيها وياكم من خلالها
وبالقناة جاي ابلغ البنات شوكت ينزل البارت 🫂🤍
************************************************************************
مارينا
غيرت اتجاه سيارتي وهمست
_صار الوقت اشوفچ
كملت سياقتي جعت صارت عيني على النساتل والحلويات الي مخليتهم الي جواهر ابتسمت اخذت نستله فتحتها اكل بيها واسوق
كملت الطريق وصلت للمزرعه طبگت سيارتي ونزلت دخلت جوه المكان هادئ
والمزرعه مبين هسه غاسلها ابو عثمان لأن ريحه التراب موجوده بالمكان
وصلت يم مكان الخيل الي بي ليل والخيل البقيه مال اخواني وذيب
دخلت صارت عيني على ليل الي جاي تاكل حچيت بهدوء
_ليلتي
رفعت راسها باوعتلي تعرف اسمها شافتني بدت تتحرك تريد تطلع من مكانها رحت الها حضنتها من رأسها وبستها
"يمه ليلتي حبيبتي
التفتت على صوت ابو عثمان الشخص الي صار سنين مخلين المزرعه بأمانته
ابو عثمان بإبتسامه :شلونها ذيبه الابهر
مارينا :الحمدلله عمو وانت شلونك
ابو عثمان :الحمدلله بويه زين
مارينا :أن شاء الله عمو
ابو عثمان :الولد اجو ؟
مارينا :لا عمو اجيت وحدي
ابو عثمان :الحمدلله على سلامتچ بويه
مارينا بابتسامه:الله يسلمك
ابتسملي وراح رجعت باوعت لـ ليل الي تتحرك تريد تطلع فتحت الها الباب الي تطلع منه اجت يمي ضحكت حضنتها من رأسها وبستها
"الشغله الوحيده الي سواها يوسف بيها حظ هي انتي
اخذتها وطلعت افتر بيها بالمزرعه صارت عيني على عثمان ابن ابو عثمان اجه يمي ابتسملي
عثمان :اهلا وسهلا ست
مارينا بهدوء :اهلا بيك عثمان
مارينا مو ست
عثمان بإبتسامه :تمام
مارينا :بقيت اسولف وياه وليل گدامي تفتر بالمزرعه
أنت تقرأ
انتقام مارينا
قصص عامةقصه تتحدث عن فتاه قويه واجهت كل شيء بمفردها حققت انتقامها شائت الصدف وتلتقي ب شاب فهل كان لقائهم جيد ؟ حقيقيه
