Unicode
ဂျီမင်းရဲ့သတင်းကိုကြားပြီးသည့်နောက် အကုန်လုံးက
စိတ်ရင်းနဲ့ ထပ်တူထပ်မျှ ဝမ်းသာပေးခဲ့ကြသည်။
စိတ်ကောင်းရှိတဲ့လူတွေဆိုတာ ဒီလိုလူမျိုးတွေပဲ
ထင်ပါတယ်။ပြိုလဲနေချိန်မှာ စကားတွေပြောမနေပဲ
အနားမှာရှိနေပေးကြပြီး ပျော်ရွှင်နေချိန်မှာလည်း
အနားမှာရှိနေပေးကြတာမျိုးပေါ့။တစ်ခါတလေ
တွေးမိပါတယ်။ဂျောင်ဂုတို့သာ ဒီပတ်ဝန်းကျင်
အသိုင်းအဝိုင်းလေးနဲ့ မဆုံတွေ့ဖြစ်ခဲ့ရင် ဒီလိုမျိုး
စိတ်ချမ်းမြေ့နိုင်ပါ့မလားလို့ပေါ့။
" ဂုကီး ဂုကီး "
" ဟင် "
အစ်ကိုဂျယ်ဟာက သူ၏အေဂျင်စီအသစ်ဖွင့်ပွဲသို့
လာရန်ဖိတ်ထားသည့် ဖုန်းထဲက စာကိုဖွင့်ဖတ်နေ
သောကြောင့် ဂျီမင်းခေါ်တာကို အာရုံမစိုက်မိသလို
ဖြစ်သွားသည်။
ဘေးနားကလေ စိတ်မရှည်သလိုအသံလေးနဲ့
အော်လာသည့် ဂျီမင်းက ဂျောင်ဂုလက်မောင်းကို
မနာအောင်ဆိတ်ဆွဲလာသည်။
" ခေါ်နေတာလည်း မကြားဘူး "
လာခဲ့ပါမယ်ဟု စာကိုပြန်ပို့ကာ ဖုန်းကိုဘေးနားချလိုက်
သည်။
" ကြားပါတယ်ဗျ "
" ဒါဆို ဘာလို့ပြန်မထူးတာလဲ "
" ဟော...ရစ်ပြီ...ခုပြန်ထူးနေပြီလေကွာ "
" စောနကမထူးဘူးလေ "
အိမ်ရှေ့တွင်ထွန်းထားသည့် မီးရောင်လေးက
ဂျီမင်း၏မျက်နှာလေးပေါ်ကို ကျရောက်နေသည်ကို
ဂျောင်ဂု ချစ်မဝစွာ စိုက်ကြည့်လိုက်သည်။
မြင်နေရတာတောင် ဒီလိုမျိုး ကာကွယ်ပေးချင်စရာ
ကောင်းသည့် အမျိုးသားလေး။
မြင်နေရတာတောင် ဒီလိုမျိုး မြတ်နိုးမဝအောင်
ချစ်ချင်စရာကောင်းသည့် အမျိုးသားလေး။
တကယ်တော့ ဂျောင်ဂုတို့နှစ်ယောက် အိမ်ရှေ့တံခါးဝ
မှာ ဘေးချင်းကပ်ထိုင်ရင်း အပြင်မှာရွာနေသည့်
မိုးပေါက်များကို ထိုင်ကြည့်နေကြခြင်းဖြစ်သည်။
ခေါင်မိုးဖျားကိုထိပြီး လာစင်နေတဲ့မိုးရေစက်တွေကြောင့်
ခြေဖျားထိပ်ကလေးတွေကတော့ တဖြည်းဖြည်းစိုစွတ်စ
ပြုလာပြီ။
