خفايا القدر علمتني معنى الحياة
الكاتبه ـ رفيف الحسني
علقوا على الفقرات حبايبي
صوتوا للبارت
*****************************
مسلم ـ اي لان انخطفت من رحت للامتحان
شأگللهم وصلت متأخر والمعلمه طردتني
جابر ـ يعني من طلعت من البيت لو وين بالضبط مسلم احجي
مسلم ـ لا قريب المدرسه
حسن ـ وشنو صار
مسلم ـ ما ادري طبگت علي سياره وجتفوني واخذوني ما شفت شي بعد شفت خالي جابر يبلع ريگه استغليتهه نقطه خلي اهبطه
جابر ـ شلون يعني
مسلم ـ ما ادري وصلوني لمكان بعيد عن بيتنه وخلوني وراحوا
حسن ـ اي وبعدين
مسلم ـ اباوع امي بس تبجي خطيه وتمسح بدموعهه وخوالي خايفين على گاعدين على اعصابهم گلت سئلوني على خالي جابر
جابر ـ شلون سألوك علي شگالوا
مسلم ـ گالوا انته خالك جابر الفلاني گتلهم اي
جابر ـ ليش يسألون علي ومنو همه شفت شي منهم شكلهم شي بيهم عرفته
مسلم ـ لا جانوا ملثمين ما شفت شي منهم
حسن ـ وما سألوك بعد شي ثاني
مسلم ـ اي سألوني هواي وحتى اتفقوا ياخذون منكم فديه واذا ما تدفعون يذبحوني
محمد ـ يذبحوووونننكككك شنو تايهه هيه جابر شوفلك حللللل هسه انخطف مسلم
الله اعلم شنو مر بي حتى وصل لبيت خالته ام حسين
كاظم ـ شلون انأمن على عوائلنه بعد واحنه شاردين من الطائفيه وبعدهم ورانه
جابر ـ خلوني اشوفه هذا شلون طلع منهم احجي ولك شلون طلعت وخلصت روحك من اديهم
مسلم ـ طلعت السجينه بهاي السجينه گوه خلصت روحي منهم خفت لا صدك يذبحوني
جابر ـ ومنين جبت هاي السجينه
مسلم ـ مالتهم اخذتهه منهم اخذهه مني يباوع بيهه ويباوعلي
جابر ـ تحجي الصدك انته لو تضحك علينه زواج گدامك
مسلم ـ لا احجي الصدك اباوعله واباوع لخوالي وامي كلهه صافنه بوجهي واني ضابط الدور كلش
خبلتهم بحيث صار يحجي ويسأل شگد دوخته وفريت راسه فر وما گدر بعد يتحملني
اخر شي مل مني وصار عصبي ويصيح ما حسيته الا هجم علي وكتلني شبعني كتل
