خفايا القدر علمتني معنى الحياة
الكاتبه ـ رفيف الحسني
علقوا على الفقرات حبايبي
صوتوا للبارت
****************************
مسلم ـ بقت تبجي لما ارتاحت ها هسه احسن
لارا ـ هزت راسهه اي
مسلم ـ اختج هم جاي تأذيج رجعت تبجي خلص خلص يله مسحت دموعهه كافي يله محد يستاهل دموعج يله غسلي وجهج وارتاحي
لارا ـ صار
مسلم ـ راحت تغسل كلش انقهر عليهه ما اعرف شسوي ما تحجيلي شنو يسوون وياهه حتى هيج بجت وهمه جانوا يلحون علي انته يتيم وهيه يتيمه
وهاي معاملتهم لليتامى شادين وياي شلون ما بقيت تحت رحمة ابنهم وهو يطلع شغله براسي وگوه يطلع منه الفلس من غير الاستغلال
الله كريم نشوف وين توصل وياهم وين توگف السالفه استمريت يوميه اطلع ابيع اللي عندي وارجع للبيت صرت اجمع اللي احصلهم يجي يوم واحتاجهم
وبيت جدي ووياهم عمي ماجد يزيدون بأذيتهم وما يقلون وهاي منا لارا بس مقهوره ومن تشوفني اجي تتلگاني وتزيل عني التعب وهمه هم مأذينهه بس ما تبين لو تخليني افكر بشي
مسلم ـ صرت ما اهتم لكلشي يسوونه اطلع الصبح للشغل وارجع بالليل ومستمره هيج حياتنه
لارا حضريلي ملابسي اروح للزياره
لارا ـ شوكت تروح
مسلم ـ باجر الصبح اطلع
لارا ـ ان شاء الله
مسلم ـ راحت تحضرلي ملابسي مو طبعي اتعلق بأي واحد ما عودت نفسي اتعلق بشخص اياً كان هذا الشخص مقرب مني شفتهه مقهوره شبيهه مريتي
لارا ـ ماكو شي سلامتك حبيبي
مسلم ـ ابتسمت تدرين بيه هذا اني ما متعلق بأحد ولا احب اتعلق باحد وانتي هاي صارلج مده عايشه وياي وشفتيني وعرفتي طبعي
لارا ـ اعرف بس اني تعودت عليك
مسلم ـ ههههه ادري هنه كم يوم اروح ازور وارجع ما اطول وتشبعين مني
لارا ـ ان شاء الله
مسلم ـ شفتهه كملت كلشي وراحت تمددت اني هم ردت انام حضنتهه وهيه لمت روحهه بحضني ما اعرف اذا جانت تحس بس اني الهه لو شنو
گعدت الصبح وهيه وياي بدلت اخذتهه لاهلهه حتى من ارجع ارجعهه وياي وهم تخلص من الحجي والأذيه
طلعت رحت زرت احس ارتاحت نفسيتي من القهر والأذيه اللي جاي اعيشه وياهم يعني لو يستغلني واعيش جواه وكلهم زينين لو ماكو اعتمد على نفسي هيج يأذوني
