خفايا القدر علمتني معنى الحياة

بارت 3

خفايا القدر علمتني معنى الحياة

الكاتبه ـ رفيف الحسني

علقوا على الفقرات حبايبي

صوتوا للبارت

*******†*******************

مسلم ـ حاضر رحت صعدت كيه ووصلت طلعت لبيتهم جان وقتهه موديل الشباب يكف البنطلون وشعر طويل

جنت احب هيج وصلت لبيتهم دخلت واجتني سوسن سلمت علي وجايبتلي عطر

خليته ما اخذته منهه گتلهه بعدين دخلت سلمت على عمامي وابوهه

صاروا منا جدي يحجي ومنا عمامي ومنا ابوهه ما ركزت بحجيهم كله گتله هسه والمطلوب شنو

ابو صباح ـ تروح تجيب خوالك يكفلونك وامك وياهم قبل لا يصير العرس واذا ما جبتهم ما الك مره يمي

مسلم ـ گبيت بوجهه گتله انته تضحك عليييي لو تلعب باعصاااابيييي هذول عمامي وجدي مو بعييينكككك وهيج تحجي

ابو وليد ـ اسكت بويه اسكت

مسلم ـ والله ولا اسكت احس عيوني صارت بگصتي

ابو صباح ـ والله هذا العندي يجون امك وخوالك الك مره ماكو كل مره ما الك يمي

مسلم ـ عفتهم وطلعت  اجتني جايبتلي العطر تنطيني اياه گتلهه ما اريده عطرج عطت بيهه وانطيت العطر لعمي جان يمي گال اني راح اخذه

طلعت لخوالي حتى اشوفهم اذا يجون يحضرون وهمه على طبعهم نفسه ما تغيروا

يحششون علي ويستصغرون الواحد جنت اريد اعرف ليش طلبوا خوالي وصلت وحجيت وياهم شفت خالي حسن

ـ شلونك خالي

حسن ـ هلا بيك الحمد لله گول

مسلم ـ بديت احجيله السالفه وشلون ابوهه طلب حضورهم وحضور امي گلت

ـ بعد اسبوع للعرس وهسه هذا طلبهم مني

حسن ـ خالي احنه ما نحضر

مسلم ـ ليش خالي

حسن ـ عمامك كاتلين من عدنه مره شلون نروح الهم ونگعد وياهم

مسلم ـ شلون يعني

حسن ـ عمك جان ماخذ وحده من گرايبنه وكتلهه ودخل السجن وانحكم ما تدري بي

مسلم ـ جنت ادري بعمي مسجون ومحكوم بسبب قتله لمرته اللي تصير بنت خالة امي

لان ابوي وعمي ماخذين بنات غريبات مو من عشيرتهم هنه امي وبنت خالتهه گلت هسه يعني ما تحضرون مو

حسن ـ اي لا نحضر ولا نوصل

مسلم ـ زين انتم لا تحضرون بس خلي امي تجي تحضر