مشهد 1
مسلم ـ كاعد بالصف وادرس حالي حال باقي الاطفال بصف الاول الابتدائي عمري جان 6 سنوات سمعت صوت طلق شوي واجاني واحد من جماعتي يركض ويصيح
ـ ولك مسلم الحگ ابوك انقتل تعال
مسلم ـ جانت بيهه الطائفيه والقتل على الهويه بسنة 2005 طلعت من المدرسه اركض اريد اوصل لبيتنه واشوف اذا صدك يحجي هذا الولد لو جذب
شلون ابوي ينقتل وهو ما مسوي شي لو مأذي احد وكله ينصح الناس ويعلمهم ويفهمهم الدين ويسمع للكل ويساعد الكل وعمره ما صاح بوجه احد لو كسر خاطره
مشهد 2
حسين ـ هلا مسلم شجابك ولك هسه بنص الليل
مسلم ـ خاب يا هلو غير انخطفت وكوه خلصت منهم
حسين ـ شلون انخطفت ولك تعال ادخل جوه تعال بله خلي نعرف شصار
مسلم ـ انخطفت بعد شگللهم لا تخطفوني هههههه دخلت جوا لكيت خالتي ورجلهه وولدهه كلهم كاعدين يمهم شافتني خالتي ورجلهه واجتني خالتي
ابو حسين ـ مسلم عمو وين جنت خوالك گلبوا الدنيا عليك يدورون من الصبح لقبل شوي ما بقى مكان وما دوروك بي وين جنت
مسلم ـ عمي جنت مخطوف وگوه حررت نفسي منهم
ام حسين ـ يمه اسم الله وشلون خلصت روحك ومنو اخذك احجي مسلم
مشهد 3
جابر ـ الله يساعدك سيد شلونك شخبارك
ابو وليد ـ هلا بيك بويه احجي صاير شي
جابر ـ سلامة راسك عمي بس اذا تكدر تجي للبيت عدنه موضوع وياك بخصوص مسلم
ابو وليد ـ شبي مسلم
جابر ـ مو مال تلفون سيد تجي ونحجي كلشي وكلشي يصير كدامك وانته شوف
ابو وليد ـ ان شاء الله راح اجي
جابر ـ هلا بيك
مسلم ـ سد التلفون وكلهه حاقده علي امي اللي ما احسهه امي ابد ولا مهتمه ولا حست بيه ولا جني ابنهه
مشهد 4
ابو وليد ـ مسلم تعال بويه الي حجايه وياك
مسلم ـ كول بويه اكو شي
ابو وليد ـ مسلم احنه ناوين نخطبلك سوسن بت عمتك ام صباح
مسلم ـ شنووووو ليش اخطبهه ما اريدهه ولا اريد اتزوج هسه ما اريدهه البنيه ما اريدهه بويه
ابو وليد ـ شبيهه وما تريدهه تشكي من شي البنيه حتى ما تريدهه
مسلم ـ بويه صدك تحجي البنيه بعدهه صغيره واني صغير وينه ووين الزواج
ام وليد ـ ليش شو البنيه ما بيهه شي وهسه تانيهه ما تطول وتبلغ وتصير مره بعد عليمن واهلهه شارينك شتريد بعد اكثر من هذا
مسلم ـ حبوبه فدوه اروحلج شاريني عليمن شبيه وشاريني
*******************************
حبايبي هاي قصتنه الجديده لبطلنه سيد مسلم
النشر بعد اسبوع بعون الله لما تكمل كل البارتات وانزللكم
علقوا على الفقرات
صوتوا للبارت
تابعوا حسابي على الانستا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
