38 والاخير
🌸زوجوني منقبة🌸
الجزء التاني
ليلة العمر و الفرحة فدار سي توفيق كملات ...كولشي حاضر مشاركين مالين الدار فرحتهم..لعيالات مجموعين ف صالون و رجال مجموعين فصالون دايرين عشا بسيط بين العائلة و الجيران و جمال العرس فبساطتو خصوصا لحفصة لي من ديما كتمنى من الله يرزقها راجل مزيان ابغيها و يصونها و يحترمها و الراجل لي ديما كتفكر فيه و ملك قلبها و عقلها هاهي ليوم اتمشي عندو عروسة و تولي مراتو...كانت جالسة فبيتها لابسة تكشيطة بيضة بالنقاب بيض و تاج فقط عينيها لي كيبانو مشفرين كبار ...كتشوف ف خاتم عرسها و عينيها كيلمعو حتى تحطات يد ختها فوق كتافها
فرح: جيتي كتحمقي ماشاء الله علييييك ليوم سي احمد يذوووب ههه
حفصة:(حناكها تزنكو) حشمي ههه
فرح: ههه ماتفكري فوالو كولشي ايدوز مزيان
حفصة: ان شاء الله
حليمة:(دخلات عندهم) الله اكمل كولشي مبارك و مسعود ابنتي يالاه نخرجو راه راجلك عيطلك
حفصة: انمشي دابا؟؟؟
حليمة: (شداتها لبكية ) ماسخيناش بيك ابنتي و لكن حياتك مع راجلك تهلاي فيه و تهلاي ف عمران
...عنقاتها كتبكي و حفصة دموعها شلال كتعنق ف ختها و مها و عاد خرجات شهقات خفاف فحلقها...بداو كيعشقو على نبي حتى خرجو من دار و عنقات باها و خوها كتودعهم ...ركبات فطوموبيل حدا راجلها و كتمسح دموعها بكلينيكس و شادة عمران عندها لي كان فرحان و كيلعب بيديه و احمد غير كيشوف ف حفصة و عارف شحال صعيب لبنت تزوج و تبعد على وليديها ..
.عذرها و حط يدو على كتفها كيطبطب عليها
مسافة طريق نزلو فدار ….دخلو لدارهم و عمران نعس هزاتو خديجة مبتاسمة ليهم و مشات تحطو فبيتو اما حفصة تبعات احمد لبيتو و كتشوف فشكلو ...فهمها و خرج خلاها تاخد وقتها و داكشي لي دارت حيدات تكشيطتها و نقابها و خدات بيجامة من لافاليز ديالها لبساتها و طلقات شعرها جمالها زاد برز بشعر طويل ...دخل احمد لعندها لي تبلوكا فيها قلبو ضرب و ماينكرش احساس الحب لي جاه من جيهتها اما هي بداتها رجفة من صباع رجليها خصوصا انها معاه بوحدهم ...قرب ليها و شد يدها بيديه و باسهم ليها و نطق
أحمد: ربي كيبغيني منين صيفطك ليا
حفصة:(ابتاسمات و تشجعات) ربي كيبغيني انا منين حقق ليا امنية قلبي
احمد: اينا امنية؟
حفصة: كنت كنشوفك شحال هادي (عودات ليه على لمرات لي شافتو)بقات صورتك فبالي و دخلتي لقلبي دازو سنين و عمرني نسيتك و بصدفة شفتك فعرس خويا و ماتيقتش بلي نتا ماعرفتش واش ربي رجعك ليا و حقق امنية قلبي و لا كانت غير حلمة و غادي دوز
احمد: (ابتاسم و قلبو كيزدح) وش انا لي كنت فقلبك احفصااا لسنين
حركات راسها باه..
فرحتوو مقداتهاش دنيا.شد وجهها بين يدوو..
أحمد:.قلبي سكنتي فيه منين شفت تعاملك مع عمران و زدت عشقتك فاش شفت طيبة قلبك و حنانتك
حفصة: حتى انا
احمد: (بهمس ) كنبغيك بصح مبغيتكش فسنين لي دازو ولكن غنبقا نبغيك فكاع سنين لي جايين
حفصة: (قلبها كيضرب و بصعوبة نطقاتها) حتى انا كنبغيك فلي داز وتا لي جااي
جرها معنقهاا...بعد عليها..
أحمد:خلينا نصليو...
حركات راسها بوخا..
...بعد صلاتهاا ودعاءها لحياة زوجية سعيدة .توحدات اجسادهم فليلة مضوي فيها لقمر كيما توحدات ارواحهم فسما ...ثقة حفصة فحبها خلاها تلاقا مرة اخرى مع احمد و ربي كتبليهم اتزوجو و يعيشو حياة زوينة ...العبرة من قصتهم ان ربي كيعطيك على قد نيتك و كلما كانت ثقتك فيه كبيرة ايعطيك من خيرو و رزقك ايوصل ليك واخا يكون ف اخر الدنيا ..والى لحاجة ممكتباش لكك وخاا تعيااا متحارب عمر تكون لك...والعكس صحيح..لكانت لك بلا تاشي حرب غتجي عندك❤
🌸 النهاية 🌸
أنت تقرأ
زوجوني منقبة 2🌺مكتملة🌺
Storie d'amore💎مكتملة💎 زوجوني_منقبة : الجزء الثاني بقلم: Aïcha Mos 💞الجزء الأول من القصة ، كان أول تجربة ليا فهاد النوع من القصص و لي فرحني أنها أثرات فبعض البنات إيجابيا ❤ 💞داكشي علاش قررت نجي بجزء ثاني... بأبطال جداد و أحداث ج...
