#قصة_30_يوم_جواز
( البارت التاسع ) ( فصين توم )
........
مرام : ممكن أسألك سؤال .؟
احمد : خير اسألي .؟
مرام : احنا بعد ما ال 30 يوم يعدوا وكل واحد يروح لحاله هتعمل ايه .؟
احمد : هعمل ايه ف ايه ؟
مرام : يعني .. هتتجوز ولا هتكمل حياتك ازاي ؟
احمد : هتجوز
مرام : هتتجوز مين ان شاء الله
احمد : منا قايلك قبل كده .. وقايلك علي اسمها
مرام : اه قصدك اللي اسمها عشق دي . سوري اصلي مابركزش اوي
احمد : ولا يهمك
..
( بعد 10 دقايق )
مرام : هي دكتوره ف ايه بالظبط
احمد : هي مين ؟
مرام : الاستاذه الدكتوره بتاعتك
احمد : اه . دي تخصص نسا وتوليد
مرام : عرفتها امتي ؟
احمد : تاني ؟ منا قولتلك قبل كده
مرام : سوري اصلي الفضول بس .. انما انا ولا مهتمه بالموضوع من اساسه
احمد : اوكي
.........
( بعد ربع ساعه تانيه )
مرام : هي فاتحه عياده يعني ولا بتشتغل ف مستشفي
احمد : هي مين
مرام : سي زفته بتاعتك ..ماتستعبطش
احمد : عندها عياده اه
مرام : شاطره يعني
احمد : اه . شاطره
مرام : حلوه ؟
احمد : اه الناس بتشكر ف شغلها
مرام : مابتكلمش عن شغلها .. عليها هي .. هي حلوه ؟
احمد : زي القمر
مرام : والله ؟ طيب تمام ..اساسا الموضوغ مش شاغلني
احمد : تمام
مرام : انا احلي ولا هي .؟
احمد : ايه ؟
مرام : عادي سؤال عادي مش هزعل لو جاوبت
احمد : انتو الاتنين
مرام : ماتمسكش العصايه م النص ..انا ولا هي ؟
احمد : ممكن مجاوبش ؟
مرام : عنك ماجاوبت ..انا داخله انام ..
...............
( بعد نص ساعه )
مرام : انا خايفه انام لوحدي .. ممكن تيجي تنام جنبي الليلادي
احمد : حاضر هخلص الفيلم ده بس وجاي
مرام : لا قوم وشغل الشاشه اللي جوه .. عاوزه انام بجد
احمد : طيب حاضر .. يلا
........
( بعد نص ساعه )
مرام : احمد انت نمت ..؟
احمد : اهو بحاول .. فيه حاجه ؟
مرام : كنت عاوزه اسئلك بس .. هي عندها كم سنه
احمد : هي مين ..؟
مرام : ( بتقعد فوقه وبتنزل فيه ضرب وعض ) ياعم انت زهقتني وقرفتني ف عيشتي .كل شويه هي مين هي مين .. وف الاخر هتطلع مش حلوه وذوقك وحش اصلا ف البنات
احمد : طب بطلي عبط وقومي من عليا قومي لازقك
مرام : مش قايمه
احمد : ( بيزقها وبيلتف وبييجي هو فوقها ) ولما اضربك واعضك دلوقتي ؟ شاغله نفسك بيها ليه ..؟ احنا كلها بعد بكره وكل واحد هيروح لحاله
مرام : ( بتبص لشفايفه ولعينه ف محاوله لاغرائه )
احمد : انتي مالك حلوه كده ليه ..؟ ( بيقرب عشان يبوسها )
مرام : ( بتغزقله عينه وبتخرشمه بضوافرها ف رقبته ) ابقي خلي الدكتوره بتاعتك تعالجك .. بقولك ايه قوم نام بره
احمد : بقولك انتي ايه جنان مش عايز .
مرام : طب قوم نام بره يا احمد بالتي هي أحسن بدل ما اصوت والم عليك الناس
احمد : اووووف . الله يرحمك يا عمي .. بلاني بمصيبه
مرام : مصيبه لما تبقي تاخدك انت والدكتوره ان شاء الله ..
احمد : اووووف ..انا خارج
...........
( بعد ربع ساعه )
احمد : ( نايم ع الكنبه بره ووشه للحيط )
مرام : ( بتصحيه وماسكه سكينه ف ايديها ) انت يا أخ
احمد : ( بيبصلها بيلاقيها ماسكه السكينه بيترعب وبيقوم مخضوض )
مرام : ماتخافش ..اتصلي كده ع الدكتوره بتاعتك قولها الكبده بيتقطعلها فصين توم ولا فص واحد
........
يتبع
ومن الحب ما قتل 😂😂😂😂😂
