#المعجزات_السبع
المقدمة
عام 2001
درست سيارة في المزرعة وكان الخوال واقفين
نزلت الام وراها عيالها وبناتها
والاب ينزل في السبيزه
الخال الاكبر باهي اللي جيتينا ولا خلاص بديتي بنت مدينة
فايزة بالمصري : هو انا اقدر
الخال الوسطي : مرحبا يااحميدا
محمد : مرحب
الخال الاصغر : فصيل احميده
فايزة : بسلامته طالع لخواله
نعرفكم ع العائلة الكريمة عائلة حمد
تتكون من ثلاث بنات و 4 شباب
البنات بالترتيب
فايزة م 76 متزوجة
عائشة م 78 متزوجة
نجاح م 79 عزباء
الشباب
ابوبكر م 80 متزوج ومرته نار حمرا
سيف م 87 اعزب
طارق م 92 اعزب
احمد م 94 اعزب
خشت فايزة كل سنة وانتو طيبين
نجاح وانتي طيبه شنو حالك وسلمت عليها بالخد
فايزة حطت بنتها ع طرحيه و تسلح ف جلباب وين امي
نجاح تصلي العصر خير شنو حالكم
روان : تمام
نجاح : درتلكم رز مقلي من صبح
روان : ياسلام وخشت جري لكوجينة
نجاح : محمد تعال سلم يامعفن
محمد : باتي قالي متسلمش ع صبايا
نجاح : بحتي لولدك لمعفن
فايزة : حمادي هذي خويلتك عادي
محمد : وجه انحمر وقدم سلم
فايزة : امي شنو حالك كل سنة وانتي طيبة
حليمة : وانتي طيبة
نجاح : عائشة جت
طبعا فايزة متزوجة من 95 عندها 3 عيال وبنتين
كبيرهم محمد ع اسم جد بات بوه م 96 هو وخاله احمد وخاله طارق زي الاصحاب
الوسط حمد م 97شيطان هرجته واجد
آلاصغر قيس م 98 مسالم بكل وهادي
البنات روان م 99
فرح م 2001
نزلت عائشة من سيارة وبطنها قدامها متحشمه من خوتها
راجلها كل سنة وانتو طيبين
عائشة ينعاد عليكم بصحة وسلامة هما انحرجو
وخذو لنسابات لمربوعه خشت لقت نجاح
نجاح : كرنبه هانم
عائشة : بدهشة يانعلي متعب الحمل بكل
نجاح : كل سنة وانتي طيبة
عائشة : وانتي طيبة
وسلمت جوا شافت لعيال يلعبو تعالو سلمو
جو يسلمو وهك
فايزه : امتى موعدك
عائشة : هلبته لي اسبوع مفروض
فايزة : حي عليك وعادي انتي مش كويس
عائشة : خايفة من لجياب
فايزة ؛ مافيهش خوف
عائشة : نا متزوجة لي فترة طويلة هذي وين كتبلي ربي خايفة تصيرله حاجة
فايزة : قصدك مايعلمش
عائشة : هزت راسها بنفي
فايزة : امي ماحكيتيلها
عائشة : تس
فايزة :
عائشة : اطبق ف دبش البيبي
فايزة : يهبل كله ماشاء الله
عائشة : هذا لعيون برنسيسه لي 4 سنين نحلم نشري دبش لبيبي ونكون ام
خشت قمر مرت بو بكر تفنص
فايزة : تبحت ف اختها
قمر : ف يدها بنتها وتبحت فيهم دبش غالي كله
حسستيني جايبه وليد را بنيه
عائشة : ابتسمت بنتي اكيد بندلعها
قمر : تبي اديري عشاء ولا غداء
عائشة : نقولو عشاء
قمر : ف طرابلس
عائشة : هل داري ميخلونيش نديره هنا
قمر : يعوينك
فايزة : حتى انتي جبتي وربعنتي عندنا
قمر : صح صح
عائشة : ماشاء الله على إسراء كل ماتكبر تشبهلي وتشبه لبوها
قمر : برفعة حاجب وكني نا
عائشة : حتى انتي ياستي
قمر : تسلمي لكن حمد يشبهلي
حليمه : حمد يشبه لبوه وعائشة نسخه اصفر كيفهم
قمر : ونا شينة قصدكم
حليمه : من قال لكن انتي نقشك ع القهري
قمر : تسحن من داخل
قمر م 80 حقودة وحسوده
عندها ولد كبير حمد م 1998
وبنيه اسراء م 1999
ويعدي ه اليوم عائشة خذت معاها نجاح لمستشفى
عائشة : نجوحه عينك من بنتي يانجوحه
نجاح : كنك عويشه بسم الله
عائشة : خايفة يانجاح
نجاح : متخافيش بلا هبال شوفي فايزة جابت 5 ومزالت مفنصه
عائشة : مسكت ف يد نجاح ديري بالك عليها قوليلها امك تحبك وسميها حليمه نبيها كيف امي
نجاح : خشت حليمه من هنا وحطت يدها ع فمها من هنا
فايزة : ترضع ف بنتها ف دار المقعد
وروان تلعب جنبها
ولعيال يجرو وامهم تهزب فيهم
حليمه : تسبح بسبحه قدام الحوش
سيف : صباح الخير
حليمه : خير
سيف : وين البنات
حليمه : ف مستشفى
سيف : كلهن
حليمه : لا فايزة جوا توا تجي
سيف : صبيلنا حليب كان فيها كيف
حليمه : خوتك مرقدين
سيف : هز راسه وشاف لباته يبرم وحط يديه ورا ضهره
حليمه : تخمم ف بنتها يارب سهلها عليها
طلعت الممرضة بالبيبي
مبروك ابنيه
نجاح : مسحت دموعها واختي
دكتور عطتكم عمرها متحملتش عندها مشاكل ف قلب وحذرناها من قبل مايكبر جنين
نجاح : غمضت عيونها وانهارت بكاء
وهيا نشوف لبنت وترعش
حليمه سعد ال ****
بنيه شعرها اسود ناعم عيونها وكبار ورموشها طوال وملامحها يجننو
كلها براءة كيف طشة هك
هل القدر يخلي بنت المدينة تعيش ف المزرعة مع الخوال والحاله كيف هتكون حياتها
تابعوني نور عبد السلام لو لقيت تفاعل هنزلها ف شوي تالي
