المعجزات السبع

#المعجزات_السبع
#للكاتبة_نور_عبدالسلام
#الحلقة_4
كنت فرحانه مننكرش ان معجبه فيه تصرفاته وحركاته وشكله طبعا اهم حاجه شكل 😂
ونعرفه من اول مافتحت عيوني ع دنيا هذا كله يخليني نحبه وهو ميت فيا ماهو واضح المشكلة
كبيرة خالتي فايزة واعره بكللل ولسانها اعوذ بالله
ربي يستر وخلاص ..

محمد حط يديه تحت راسه ويشوف لسقف وهو فرحان وقلبه يدق ابتسم وغمض عيونه ..
ثاني يوم نط من نومه طلع يجري ولع سيارته
وطار لطرابلس وصل ع ساعة 1 ظهرا شاف امه
تقطع ف الخضره
محمد . امي
فايزه . رفعت عيونها فيه ها ياامي
محمد . بنتزوج
فايزه . ابتسمت وعندك وحده
محمد . ايه واليوم تخطبيهالي
فايزه رفعت حواجبها خايفها اطير مالا
محمد . بنت خالتي
فايزه . تبدلو ملامح وجهها للحده تعرفي اني شن مقايله الاقارب لا ناخد منهم ولا نعطيهم انت هك
بتفتحلي فم خوي ويقول عطينا فرح احنى ..
محمد . واني شن ذنبي اني نبي حليمه يااما حليمه يااما مش متزوج بكل تمام وجا بيطلع
فايزه . استنى استنى تمام اوكي اليوم بس نطلبوها من من حوش هداكا راجل مانخشله
محمد . نطلبوها من خوالي وخالتي بوها ساهل
فايزه . تمام
محمد قدم باس راس امه وطلع يجري
اما فايزه تلاشت ابتسامتها هدا من توا دار طروح عشانها يستر الله ف اللي جاي ..

وكانت حليمه مع خالتها يد بيد ف الكوجينه
خشت رجاء تتمختر
رجاء . واللهي كان ماني حامل را ساعدتكن
حليمه . كنتي رقدتي ودزينلك الفطور واني مافيك ماتعب طريق
نجاح مسكت ضحكتها بالغصب ..
رجاء . نقدر نحط العوايز ف الغساله بعدين نحب لمه ف رمضان انا
ع خشة غفران رافعه خشمها سلام عليكم
كلهم ردو باستثناء نجاح تمصمص ف الفلفل
غفران . شن تبوني ندير
حليمه. لا حامل انتي تريحي
غفران . وكان حامل ماندير شي
حليمه . شافت لرجاء ابتسمتلها وقالت لغفران ديري الحلو
رجاء . ناضت ع اساس تحط ف تباسي شربه ف صفره وتسحن ع حليمه .
غفران. شن تبو
حليمه . كنافه
نجاح . حليمه حسيتك مكثره الموالح شي
حليمه . احتمال يجو حوش خالتي فايزه
نجاح . غريبه بكرة كبيرة النص هيا تجيب عشاها ف نفس اليوم
حليمه . ممكن جايه تبات
نجاح . اه ممكن

طرابلس

روان . خلاص تمو البنات يعني اكثر من الهم ع القلب ما شد الا ف حليمه
فايزه . كنت متوقعه والله خوك هدا ااااه
روان. اكيد مدايرتله خطين استغفر الله خلتني ناخد دنوب واني صايمه
فايزه . استغفر الله لكن اكيد ولدي مش بالبلاش حاله هدا تعرفي قالي ياهيا يابلاش
روان . كان إسراء نقولو اقل حاجه برتقاليه صهباء
فرح . حتى حليمه تهبل خيرها
فايزه . اسكتي انتي
فرح . كلمة الحق تنقال حليمه بعد إسراء ف جمال اجمل مني ومن روان
فايزه . هادي اختك لقاقه قاعده حداي تصنت
روان . باهي نمشي نشوف فطوري ني باي
فايزه . سلمي على راجلك هيا بسلامه

في الليل بعد العشاء
فايزه . واللهي مانلقى خير من حليمه بنت اختي
الحاجه حليمه . بس مايصحش البنت عندها اب
فايزه . انتو احق هو وين شافها بعد كبرت
الحاجه حليمه . حتى وكان بوك لو سمع مش هيرضي
نجاح . صح
فايزه . اني مش هنطلبها من ضرة اختي
نجاح . المرا جت بعدك اختك ماتت بعدين عندها عمات وحن واب
فايزه. حتى ابراهيم بياخد رجاله ويقول كلام يجي اهني مش عند هداكا الحقير
نجاح . مالا احلمي يعطيكم بنته
حليمه . تشوف لباقة الورد وتشم فيها تهبل
إسراء رفعت يدها فوق . عقبالي يارب
رجاء . شن شعورك يالومو
حليمه . طايره طايره ف سماء طايره وفي امري حايره
قعدو يضحكو عليها
إسراء . والله صار منك يافرخة وبتزوجي قبلي
رجاء . عقبالك ان شاء الله بعدها طول
إسراء . اللهم امين وقالت ف سرها هذاك راجل
حليمه تضحك وخلاص ..
برا ..
سيف . لازم تعرف ان عندها اب غادي
محمد . طبعا عارف
سيف . مرات يرفض
محمد . دام حليمه موافقه خلاص
سيف . تحشم شوي ودير دم راني خالها
محمد ضحك . سامحنا ياخال
طارق . فوته وعيش لحظه
احمد قرون نلمعلك لقرون
طارق فنص ف احمد
في الليل
إسراء . حمد لازم تحط حد خوك هذا خلاص را زودها
حمد . قوليلي كنه بس
إسراء . كانت هتقول بس قطعتها قمر
قمر . هيا سحور تعالو
حمد . إسراء شن في
إسراء ارتبكت وبدت تكذب . واقفلي ع الوحده يقولي معش تمشي لحوش جدي
حمد . معاه حق صدق فيك ماعندك ماتبي
إسراء هزت راسها ومشت ورا خوها وهيا تفكر حجم الفضيحه لللي يدير فيها خوها لصغير لو انكشفت