#المعجزات_السبع
#للكاتبة_نور_عبدالسلام
#الحلقة_13
طلعنا انا وفرح ورجاء ندهورو بعد الغداء ع شط
وشافونا شباب بدو ينابشو من طبيعي ينابشو لانه
لبس ضيق ومكياج وشعر اغلبيته طالع من الوشاح
الشاب . نتعب نا وندير ضني
رجاء . مريض عليك شكل
الشاب 2 . نعلي من لقصير وخلاص
حليمه . تافه خزي
فرح . فكينا من مشاكل
الشاب . اححح وخلاص منكن وخذا اوراق من اصحابه ويقدم شورنا خوذن ارقامنا ندلعوكن و نصرفو عليكن
احمد . جا يجري ونزل فيهم ضرب ياضنا الحرام
وبدت عركه كبيرة وشباب طلعو مدغدغدين من تحت يديه والتفت علينا سمعنا وسخ اوذانا سب ولعن سلسبيل هلنا وتعارك مع طارق وكبرت مشكلة وروحنا كلنا وتنكدت المشية علينا ..
روحت مع خالتي فايزة حطوني ف حوشنا ..
وبابا هزبني كيف نطلع للبحر من وراه وكيف نجي مع سيارة محمد
حليمه . متنساش ان ولد خالتي وبعدين خالتي والبنات معانا مش بروحي معاه
سعد . انتي خيرك كل مانقول تعدلت تزيدي قلة ادب
حليمه . خيرها مرتك ماتكلمش فيها تطلع مع سواقين ورجاله خواتها ومع صحباتها
يسرا . عبيه ياسوسه عبيه بنت هادي فتانه
حليمه . ابتسمت ب استفزاز بناخذ دوش وبنرقد تعبانه بكلل من لبحر ..
ف حوش طارق
رجاء . مدخلش خوك مدخلش
طارق . خلاص بارجاء
رجاء . لا مش خلاص يبي يحكم يحكم ف مرته اني خديتوني هك اني حره نلبس اللي يعجبني وندير اللي يعجبني بعدين بنات خواتك كبار وعندهن ابهات ..
ف حوش الحاج حمد تحديدا صاله
نجاح . لنقنه الا همجي وخرا خزي
فايزة . لارين اول ماروحت كبت لشوالات لبوها وشن قال احمد بالحرف قعد ابراهيم يعيط ويهزب ويقول شن دخله خوك ف بنتي وووو
نجاح . وجه مشاكل هذا سببلنا
فايزة . عليك بخت طلعه سمحه جت مغير عين
نجاح . اي والله
ف شقة سيف
سيف. صح احمد رجعي وعقليته مصكره وتعبانه لكن معاه حق ..
نورا . صح لبسهم بايخ شوي مشكلة ننصح فيهن ونقول الكاسيات العاريات لكن مايعدلنش هن
سيف . ابتسم عقلك كبير من يومك
الاثنين .. 22.5.2023
كانت إسراء واقفه قدام مرايتها دايره ميك اب خفيف وشعرها فلو كانت حلوه بالمره ..
ساوت شعرها شوي وطق الباب قالت خش
فتحت نجاح الباب وراها حليمه ..
نجاح . تهبلي الله واكبر عيني ماتضرك
إسراء . كله من حليمه
نجاح . شافت لحليمه ربي يخليكم لبعضكم
حليمه . هيا اطلعي ياحنه شوفي عربك
إسراء . متحشمه
حليمه . يييي حركات
نجاح . زغرتتت
إسراء . ضحكت وطلعت وراهن
وعزيزة واللهي وف سرها تستغفر من اول ماشفتها ف بحر خذتلي عقلي تهبل تهبل بحشمتها وادبها
ساد هلها انتو
الحاجه حليمه . الله يسلمك
ام قمر . اسريوه طلعتلي حمرا بيضه كيفي
الحاجه حليمه شافت ل ام قمر بخزره نظرة حارقه خارقه
حليمه فنصت بضحكه
الحاجه حليمه ايش قصدك نابيدي مش حمرا بيضه
ام قمر لا انتي بيضه بس شعرك مش بردقاني
الحاجه حليمه اهممممم
عزيزه سادك ه القمر ياحلومه تشبهلك قصدها حليمه تشبه للحاجه حليمه
حليمه ابتسمت
عزيزه عندي ولد اخرى عند محل مكياج عادي تعطوها لي حتى هيا
الحاجه حليمه ماعليك مجاحده البنت لولد فايزه
عزيزه اللي كيفها ميقعدنش
رجاء ف سرها . عليك حظ بتاع مكياج يعوينها كان جاني نا را طلقت وافقت عليه بخت
روحت عزيزه وردو عليهم انهم يشاورو بوها وينشدو ويزيدو يستفسرو
في الكوجينة
نجاح . ماشاء الله عليك اوليد شكله طاح من رز لمبوخ
إسراء . ههههههه
نجاح . لا امه لا وذني شكله كبد العطيب
إسراء . تحرك ف رموشها شكله
نجاح . قرستها عباطه لاء
إسراء . اممم قالي معجب فيك من قبل الرز ف جامعة
نجاح . عضت ع شفتها من تحت
إسراء . يهبلل ياعمتي يهبلل
نجاح . ربي يكمل عليكً بالخير ونفرح بيكم كلكم
إسراء . امين يارب غير كان قعدت حليمه
نجاح . لها اسبوعين غايبه عن جامعتها لازم تحضر
برا قدام حوش يتناقشو
قمر ولدها الكبير وراجلها
حمد . شن عرفه لها
قمر . قتلك امه امه شافتها يوم البحر وف المناسبات من قبل عجبتها وزادت يوم بحر
شافت بنتي لا مكياج لا شي طاحت فيها طول
وقبل بتخطب حتى حليمه لولدها ثاني غير لقتها محجوزه
حمد . الموضوع مش خاشلي را ف ان
قمر . لا ان لا بنه ريحلي عظامك طلبوها بالحلال البنت
بوبكر . الوليد كويس ان شاء الله نزيد ننشد عنه وهو صاحب حمد مايتخيرش عنه
حمد مشبك يديه وحطهم ورا ظهره وعاقد حواجبه ومعصب
بوبكر . ولا شنو ياحمد كنك ساكت
حمد . ااه اه كويس نا تبو شي
قمر . متبيش تعشى
حمد . صحتين ومشا طلع راقيله
بوبكر . شكله مش عاجبه
قمر . ينزرف المهم عاجب البنت
بوبكر . تحشمي ياوليه
قمر هههه وخشت لحوش
