#المعجزات_السبع
#تأليف_وكتابة_نور_عبدالسلام
#الحلقة_3
26 مارس 2023 1444 هجري
غفران هاك حطيها ف البيت
خذت حليمه صفره حليب بالموز وقمر دين وتمر
حطتهم ف البيت البيت مش الحوش اللي نسكنو
فيه لا نظام خيمه قدام الحوش حطت فيها صفره
وخشت لكوجينه تساعد ف صبايا خوالها وخالتها
نجاح . ووووه اليوم عطش بكللل
غفران . اها حمو اليوم
رجاء . بالعكس جو حلو
حليمه . مزال كم ع المغرب
نجاح . مزال ساعه كذا شوفي الجلاش
حليمه . شافاته تحمر طلعاته وحطاته ف تبسي بروحه
الحاج حمد مقعمز واخذ تركينه ف جامع يقرا ف قرآن وولده بوبكر يغسل ف عجل سيارة معاه مراد
وسيف واحمد وطارق وحمد ومحمد طالعين بسيارة الحاج حمد بيجو يدهورو ويجيبو شوية حاجات درسو ونزلو يبرمو ف الاحياء
واذن المغرب
حطو لرجاله ف البيت وصبايا ف دار المقعد
الحاج حمد اللهم اني لك صمت وعلى رزقك افطرت
بوبكر زمط التمره وشرب الحليب وراه
محمد . شنو مافيش فراولة
حمد . هنا مافيش ياولد عمتي
محمد . مافيش احلى من عصير فراولة ع الفطور
طارق . عصير فراولة ياي وخلاص خلك حرش
محمد . اسكت ع اساس حليب بالموز حتى هو كيوت
الحاج حمد فنص فيهم همهممم
طبعا الحاج حمد ميحبش الكلام وقت فطور
لا حكي ولا حتى همس ..
قمر . درتلكم مكرونة سوقو تاكلو صوابعكم وراها
غفران . لكن طاجين تونسي والبرك بتاعي احلى
قمر . نا خبره يابنتي خبره مش سنة ولا اثنين خبرة 25 سنة يعني يطلع عمرك الحالي ..
نورا . وكني حتى نا البطاطا لمقليه بتاعي مطريتها سوده
الحاجه حليمه سلم يديكن كلكن
رجاء . درتلك تشيز كيك يااعميمه بالتوت
حليمه . ماسكه ضحكتها
إسراء . تشيز كيك الغلابه
حليمه . اس را تسمعك
غفران . كان تريحتي فكنافة من اول امس
رجاء . خلاص معقوله من اول امس لعند اليوم مضره
حليمه . واللهي مافي حاجه مضره غير ه اللي دايرته
عند رجالة ياكلو وساكتين ولو حد يبي حاجه بعيده عليه يتعاملو بالاشارات
احمد . شير بحواجبه على طاجين تونسي
بوبكر . مدله تبسي المكرونة
احمد يحرك ف صبعه بالنفي بمعنى اللي حذاه
بوبكر شاف تبسي لحم حطها قدامه
احمد الطاجين الطاجين
بوبكر مدله طاجين
حمد شافله ب استغراب مش من عوايد احمد ياكل حاجات هك ف رمضان يحب لحوم وساخن اكثر
احمد . اصلا دايرته غفران
حمد ضحك وهز راسه يمين ويسار
محمد . سلم يديها ياسي ياعيني ع رومانسيه
احمد. اصصص
طارق . مدلي تشيز كيكه دايرته رجاء
قعدو يضاحكو
رفع الحاج حمد عيونه فيهم بتفنيصه
كلهم نزلو عيونهم وماسكين ضحكتهم
غفران تحط كبابي ف الغساله وتحك ف طنجرة
حليمه . شن حضرتي من مسلسلات
غفران . مجاريح و جميلة واخيرا
حليمه . جميلة يهبل واخيرا وجعفر ومربى عز
غفران . كملتي مسلسلات رمضان كلهن متحضريش ف شط الحرية
حليمه . لاااه متحبش
غفران . نبي نغير ديكور شقة ينزل شهر 3 بس
حليمه . كم راتبك
غفران . 2500 لي 6 شهور ماطلعتش راتبي
حليمه . ماشاء الله
غفران . كنك زعلانه
حليمه . بابا يبيني نروح عندهم
غفران . معلش بوك امشي غيريلك جو يومين
حليمه . ان شاء الله
غفران . قتلك مافيش حاجه هكي ولا هكي
حليمه . حاجه شنو
غفران غمزتلها ايييه استعباط الحب يابت
حليمه . حب شنو استغفر الله
غفران . هابا عليك
حليمه ضحكت
غفران . وهيا تمصمص ف طنجرة محمد صح
حليمه وجهها انحمررر
خش احمد غفران تعالي ..
غفران . مزلت بنسيق الارضيه
حليمه. عدي انتي توا نسيقها نا
غفران . لا والله ماتصير
حليمه. عدي بس عدي عدي
طلعت غفران ركبت لشقتها واحمد وراها
غفران . شن رايفت عليا
احمد . وتيلي العربي بنمشي لتراويح
غفران . باه طلعتله العربي والبلغه وساعته وعطره
قعمزت ع سرير حمودي
احمد . يلبس ف ساعته نعم
غفران . طالع تهبل
احمد . شن جديد مانا ديما نهبل
غفران . هه ياعليك مغرور
احمد . غمزلها نا بنمشي تبي حاجه
غفران . سلامتك
حليمه تكر ف الارضيه ع خشة محمد
محمد . لومو
حليمه . نعم
محمد . عطيني كباية اميه
حليمه . هاك
محمد . مزلتي زعلانه بعد امس
حليمه . تؤتؤ شن دخلك انت حكيتلي اللي صار بس
محمد . بوك را طالب منك تجي انتي بدون مشاكل مع خوالي عشان هك طلب من بوي يتدخل
حليمه . ان شاء الله بدون وسايط هنمشي
محمد . بعدين انتي مصيرك بتزوجي يعني مش مطوله عنده
حليمه . خالي يعيطلك امشي
سيف . هيا يامحمد يااحمد
ونزل احمد ..
من فوق ومشا مع خوته ولد اخته
وف حوش خوهم الكبير ..
كان حمد ف داره يحكي مع بنت عمته
فرح . امم توا غير غسلت ماعين قولي شن جو فطوركم
حمد . كويس
فرح . غدوه مرات نجو بعد الفطور
حمد . تمام هيا بنمشي تراويح
فرح . بيباي وصكرت طلعت لاامها واختها
فايزه . حطيلنا قهوة وكيكه
فرح . تمام ومشت ولحقتها لارين
حليمه . تلم ف دبشها ف شنطة
نجاح . بتمشي
حليمه . يشكي عند عمو ابراهيم نمشي خير من يدير مشاكل مع خوالي
نجاح . باهي يومين هك وتعالي
حليمه . ان شاء الله احتمال نروح اليوم كان حصلت مع من نروح
نجاح . نشوفلك نحمد
حليمه . ايوه بش بابا يحرمني من جية هنا بكل
