الحلقة 1
ثاني يوم ساعة 7 صباحا
طريق طويلة وماتسمع غير شهقات ولدموع
السيارة اللي كانت قدام سيارة الحاج حمد
يسوق فيها ولده البكري ابوبكر وجنبه بوه
ومن ورا امه ومرته قمر وعياله
الام مقهوره ع بنتها طرف رداها ع وجهها وتبكي
بس متقدرش تبكي بصوت عالي خوفا من راجلها
وقمر تشوف لطريق وحاسه من داخلها دايره انجاز
سيارة اللي بعدها فيها الخوت الثلاثة
يسوق سيف خذاها من صاحبه ومعاه خوته
طارق واحمد ونجاح شايله بنت اختها ف حضنها
وتبكي
سيارة اللي بعدهم كانت لنسيبهم راجل فايزة
فايزة تبكي وعيالها وبناتها يتباكو
واخر سيارة لسعد كان منهار واخذ معاه مرته
دفن ف طرابلس
مدينة طرابلس
الحاجة حليمه تساعد فيها قمر
حليمه : اااه يابنيتي اااه يانعلي نا مافرحتي ب بنيتك
فايزة : خيتي نا ياناري مافرحت ياناري
نجاح : شاده البنت ف يدها وتشوف دموعها ينزلو
حليمه : صغيرة بنيتي مزالت صغيرة ياغبيني
دفنو عائشة بعد صلاة الظهر
بعد ال اربعين
نجاح تفكر ف بنت اختها واطبطب عليها
في ه اليوم جو هل قمر يعزو
اخت قمر : لعقبال الاثنين الاخرات
قمر : رفعت يديها يالله
فتحية : معقوله دعاك عليها
قمر : نيتي تاخذهم ياحنه مالا شنو رمضان كله ونا ندعي
فتحية : يعطيهالك محد يعاديك انتي
قمر : ليش ناويه تعاديني يابنت امي
فتحيه : لااا
قمر : سرو تعاليلي سلم بنيتي امشي لعمتك قوليلها نحنا مروحين تبو حاجة قالتلكم امي
اسراء : هزت راسها ومشت
خوات سعد اللي هن حموات عائشة وعمتها عزوزتها
لا نحنا مش مسؤولين عنها ماناقصنا صغار
بوها ياخذها يربيها بروحه لو يبي
العزوزه : سامحوني والله مرا كبيرة مانقدرها دوشة لصغار
فايزة : شن تقولو بنتكم هذي
حماة عائشة : وبنت بنتكم حتى انتو
العزوزه : سعد يبي ياخذ مرا هو هك قال
نجاح : تشوفلهم وساكته
حليمه تحرك ف سبابتها فوق وتحت : غلطة عمري عطيتها بنتي هاكوها بنتكم ربوها احذفوها
نجاح : لا يمي تاخذها نا نربيها نا
فايزة: نجاح انتي مصيرك تتزوجي لوحيها لهم يربوها
حليمه : اءء
نجاح : تشوفلها خذتها ف حضنها اكثر لو تزوجت ناخذها
حليمه : نجاح اسمعي كلام حطي البنت ف الوطا
فايزة :نزليها يانجاح وخذتها بالقوة حطتها ع طراحيه
وطلعن يكرو ف نجاح بالغصب
نجاح : ياامي هذي بنت عيشه حرام عليك
حليمه : انتي بتتزوجي وتجي زيارة من بيرضى ياخذك معاك بنت ولا نا نتحمل مسؤولية صغار تعبت
نجاح : وصية عايشه يمي
حليمه : خذت نفس
وصلو لبلادهم
ونجاح خشت لدارها تبكي انه مانفذتش وصية اختها
فايزة : خشت لدارها وتحكي مع امها ع الارضي
حليمه : خشت تفقفق
فايزة : خليها ياامي البنت عند جدودها وبوها
حليمه : زعلت مني لكن
فايزة : نجاح متعلقة لصغار لما تزوج تنسى
حليمه : انتي عربك شخبارهم محد جاك
فايزة : لا ونحكي لللي عندي يقولي بعذرهم
حليمه : توا بسلامه نمشي نحط لغداء لخوتك
حمد : ها ياحاجة وين الغداء
حليمه : نجاح يانجاح
نجاح : طلعت عيونها منفخات نعم
حليمه : الغداء فيسع
نجاح : تحط الغداء
وحليمه و حمد يتنابشو
