دورتلك حل وسط حتى استراح ومالگيت لروحي قبلك حل وسط 💚
البارت :السادس
‹‹انتقام مارينا ››
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
احمد
درت وجهي اريد اشوف منو هاي الي يحجون عنها‚شفتها هي نفسها مارينا ‚عقدت حاجبي بإستغراب من وضعها جانت مبينه تعبانه وصلت يم الصيدليه وگعت‚ طلعوا أكثر من شخص الها صارت عيني على بنيه واگفه تشوفها ‚
طلعت اركض صحت بيهم يلا سوولي مجال دنگت اريد اشيلها حچه الي چان بالمطعم هو وصديقه يحجون بيها
ـ اني اشيلها سيدي .
احمد :رفعت راسي باوعتله راد يكمل كلامه صحت مقاطع كلامه
"مد ايدك وألزم طرف منها إلا افرغ السلاح برأسك .
شلتها انتبهت برگبتها صليب ذهبي ‚وصلت يم السياره فتح الباب الي ولد من الموجودين ‚ خليتها بالسياره شغلتها كل شويه اريد اندعم ‚وصلت كدام المستشفى دخلت جوا أخذوها مني فزيت على صوت مرأة جبيره مااعرفها
ـ العيون تفضح وليدي .
احمد : ابتسمت الها بالي مو يمها گعدت يمي تعدل بشيلتها حچت بضحكه
ـ مبين تحبها لاتچذب يمه .
احمد :حجيه ياهو دافعج عليه ؟
ـ محد ‚ من دخلت شايلها تصيح على العالم ‚تعاركت وي الطبيب لأن لزم أيدها يريد يشوفها ‚وهسه گاعد عينك على الباب الي هي بي ‚عيونك فاضحتك .
احمد :باوعتلها ابتسمت حجيت بهدوء
"يمه انتي مبينه خوش مره‚ ادعيلي تكون من نصيبي .
ـ روح يمه أن شاء الله تصير الك ماتصير لغيرك .
احمد :حچت هاي الجمله وراحت ابتسمت قاطع هل ابتسامه صوت التلفون فتحت التلفون صاح
مصطفى :گو** ماطلع غده وين صرت ؟متت من الجوع وعلي .
احمد : بالمستشفى .
مصطفى بخوف :شبيك ولك؟ دزلي العنوان .
احمد :بمستشفى الـ *** .
مصطفى :تمام جاي جاي
احمد :مرت ربع ساعه فزيت على صوته واگف گدامي خايف
مصطفى :ها احمد ؟ شبيك ؟
احمد :مو انه مارينا .
مصطفى :شبيها وشعدها هنا ؟
أنت تقرأ
انتقام مارينا
General Fictionقصه تتحدث عن فتاه قويه واجهت كل شيء بمفردها حققت انتقامها شائت الصدف وتلتقي ب شاب فهل كان لقائهم جيد ؟ حقيقيه
