سيده قلبي

✨الفصل العشرون✨

لتقول داليدا
= يلا يا روحي علشان هنتأخر

ماسه بتحدي
= يلا احنا يا داغر سيبك منها

داليدا بغيظ
= دااااغر انت هتروح معاها ولا معايا

نظرت له ماسه بتحدي وهي تنتظر رده فعله

داغر بهدوء وثبات
= يلا يا ديدا تعالي ..وانتي يا ماسه الحارس هيوصلك ليمسك يد داليدا ويأخذها للسياره

بينما الأخري وقفت تنظر له بغيظ وتوعد

فتح هو باب السياره لداليدا لتركب الأخري بصمت ..ليركب هو الآخر وينطلق بها الحفله ... بينما سياره ماسه خلفهم مع الحارس ...
لتقول داليدا
= انا مش فاهمه جايه معانا بصفتها ايه دي

داغر بتنهد
= داليدا ارجوكي افهميني

داليدا بغضب
=افهمك هو ايه اللي افهمك...عايزني افهم ايه ها..جايب مراتك الاولى معاك يا داغر...اللي انا معرفش عنها حاجه...انت كداب ..خداع..انت خدعتني يا داغر ...انا اتخدعت فيك لو يرجع بيا الزمن..كنت رفضتك يا داغر ورفضت اتجوزك انت فاهم..

تنهد داغر بغصه من كلامها القاسي هذا ليقول
= بكره تفهمي كل حاجه يا داليدا

داليدا بغضب
= مش عايزه افهم يا داغر مش عايزه..انت مفكرني مش ملاحظه انك رجعت تحنلها ها..رجعت تحن لماضيك القذر

داغر بنفاذ صبر
= داليدا كفايه كلام تافهه انا مش بحنلها

داليدا بعصبيه
= اومال يا داغر هاا مش تنحنلها...يبقي واخدها ليه معاك الحفله دي ...الحفله اللي المفروض انا اكون جمبك مش هي

داغر بتحجج
= اصل انا فكرت انك مش هاتيجي الحفله علشان جدك لسه متوفي وكان لازم يكون معايا حد في الحفله

نظرت له بدموع لتقول
=جدي ..اه جدي اللي اتخدع فيك زي ما انا كمان اتخدعت فيك يا داغر..عمري ما اتخيلت انك تطلع بالقذاره دي

داغر بغضب شديد
= كفاايه....كفايه بقي اخرسي

نظرت له الأخري بدموع لتقول
= نزلني..نزلني هنا بقولك يا داغر

داغر بنفاذ صبر
= مش هنزلك يا داليدا واقصري الشر...انا شياطين الدنيا كلها بتتنطط قدامي

فتحت داليدا الباب والسيارة تمشي وكانت تنوي القفذ..ولاكن داغر اوقف السياره بسرعه خوفا من أن تتأذي ليقول
=داليدا بطلي جنان بقي بطلي

نزلت الأخري من السياره بغضب صافعه الباب
أمسك يديها قائلا بترجي
= داليدا كفايه علشان خاطري..انا تعبت

داليدا بسخريه
= انت تعبت اومال انا اعمل ايه ....ابعد عني يا داغر ابعد

داغر بنفاذ صبر
= انتي هاتيجي معايا يا داليدا بالذوق بالعافيه هاتيجي معايا