#خلف_قناع_الطموح 🎭
#من_تأليفي_Macilia_ch
الحلقة 0️⃣5️⃣ : 《مد و جزر》
طلال: مستعدة تعملي أي شي نطلبو منك مش هك ؟؟ هذا كلامك
هزتلو براسها إيه بلا ما تخمم مع أنو إحساسها يقولها اهربي
دنيا: إيه مستعدة لأي شي
طلال: مالا ...قرب منها أكثر و مد يدو لشعرها حكم خصلة منو دورها بين صباعو يحكي بمكر و هو يخزر لعيونها قدقد
طلال: موافق بشرط تقضي معايا ليلة وحدة هنا
سحبت روحها بالزربة و تراجعت خطوات للور مشوكية من كلامو ....الدم جمد فيها و لسانها تربط من الصدمة
شاف فيها لثواني بعدها ضحك بالصوت عليها ...قبل ما تعمل ردة فعل و يرجع الدم يضخ في عقلها من جديد و تستوعب لي قالو ...هز يدو فرقع صباعو و نطق يحكي ياستهزاء
طلال: اوهووو فيقي متقوليليش قاعدة تخمي فالعرض بجدية no way لا تكوني صدقتي روحك
شافت فيه تقحرلو بعيون تقدح نار
دنيا: شايفني هاملة و بلا شرف حتى تحكي هك بأي حق تحكي معايا هكا
طلال: كالمي روحك مدام منصوري حبيت نستفزك شوية من لي دخلتي و نتي تمثلي فدور البنت المظلومة
زمت شفافها راح تطرطق من عمايلو ....راسها يغلي من الزعاف كيفاه قدر يخمم يتمسخر بيها بحاجة هكا...كانت حابة تهجم عليه و تمدلو كف حار ينسى بيه أسمو...ضغطت على فكها من داخل تحاول تهدي روحها حتى متزيدش تثقبها فرد وقت تتحلف فيه بين شفافها
دنيا: إذا كملت تمسخير تقدر تجوز للموضوع الأساسي واش راك حاب مني حتى تخلاص حكاية الغرامة
طلال: شكون قالك راح تخلاص ...عندي ليك اقتراح أكيد و لي هو تخدمي عندي و هك راح تخلصي دينك شوية شوية
رمشت عيونها بالزربة تحاول تستوعب في عرضو ....نسفت بالشوية تقلب فالحكاية في مخها معندهاش علاه ترفض مراهيش فوضع يسمحلها تتشرط ...غمضت عيونها بعدها حلتهم تحكي باستسلام
دنيا: قابلة
تبسم نص تبسيمة يحكي
طلال: مبروك عليك الخدمة مالا
تبسمتلو ضحكة صفرة تاع تتمسخر بيا
دنيا: وقتاه نبدا ؟
طلال: اليوم وقت تنزلي راح تلقاي مساعدي راح يديك يوريلك خدمتك
عوجت شفافها تحكي بغرور
دنيا: أوكي تفاهمنا مالا
شاورلها بيدو يحكي
طلال: تعرفي الباب وين جاي هيا بالسلامة
ما حاولتش تاخذ على كلامو و مشات خرجت من الجناح تمشي و تتمختر بغرور ...حاسبة في بالها راح تخدم فمنصب مرموق فوحدة من فروع شركاتو و مراحش تضطر تتلاقى بيه من و جاي
أنت تقرأ
خلف قناع الطموح {من كتابة Macilia ch}
Roman d'amourخلف قناع الطموح 《قيد الكتابة》 قصة دراما رومانسية خفيفة بطلتها مذيعة أخبار مشهورة تقع ضحية طموحها الأعمى و البطل حديث الثراء تتقاطع طرقهما داخل إطار تشويقي من الأحداث . باللهجة الجزائرية من تأليفي Macilia ch ممنوع النقل ❌️❌️ قيد الكتابة
