شغف البدر بقلم هدى كامل

الفصل الثاني

الفصل الثاني
رواية شغف البدر بقلم هدى كامل
حمزة : يعني انت تخبط البت بالعربية وماما قتلتها بالفازه ده انتو مجرمين
وفضل يصوت زى الستات : ما كان يومك ياصغيرة ياختى ياعينى عليكى ياحبيبتي.
بدر : اخرس ياحيوان واطلع بره، وانتى ياغنوة هاتى ليها طرحه ولبسهالها
ــــــــــــــــــــــ
رن بدر على الدكتور
ـــــــــــــــــــ
بعد مرور 10 ايام فى الشركة
عاصم : انا مش عارف اشكرك ازاى يابدر على اللى عملته مع شغف
بدر : متقولش كده ياعمى
عاصم : عايز اشوفها يابدر انا كل السنين دي معرفش ان عندى بنت معرفش عاشت ازاى ولا شافت ايه فى حياتها
بدر : الدكتور قال انها مش هينفع تتعرض لاى صدمه دلوقتي ممكن يحصلها انهيار عصبى
عاصم : مش باقى فى العمر قد اللى راح انا عايز اعوضها
بدر: متقلقش ياعمى انا هخليك تشوفها بس مش هينفع تحكيلها اى حاجه وياريت ياعمى تمسك نفسك قدامها علشان محدش يشك فى اى حاجه
ـــــــــــــــــــ
فى بيت بدر
شغف : ايه رايكم نحتفل بيكم علشان خلصتو امتحانات
حمزة : ياريت انا كنت خلاص كنت هدخل في اكتئاب حاد
غنوة : انا نفسي اسافر بس خلينا نحتفل دلوقتي
ملحوظه (حمزة وغنوة تؤام في ثانوى عامه)
شغف : هنعمل فشار 🍿ونشغل فيلم
حمزة : ايه الاحتفال في كده انا عاوز اخرج
غنوة: روح ياميزو انت اختار فيلم
ــــــــــــــــــــــ
بدر دخل البيت وكان بيتكلم في الفون  وسمع صوت صراخ جاى من المطبخ
بدر : هكلمك تاني سلام
ــــــــــــــــــــــ
فى المطبخ
الفشار كان بيطرقع فى المطبخ كله وغنوة وشغف بيصرخوا
حمزة : ههههههه لا مش قادر
شغف كانت لابسه حله كبيرة على راسها وغنوة مستخبيه تحت التطربيز اللى فى المطبخ
بدر بعد ما قفل البوتجاز فضل يخبط على الحله اللى على راس شغف
شغف : ايوة مين بيخبط على الحله
بدر : اطلعى وتعالو ورايا كلكم
شغف : هو هيعمل ايه فينا😩
غنوة : معرفش 😩
حمزة : يابوب انا مليش علاقه باللى حصل في المطبخ ده
بدر : بعد 4 ايام شغف هتفك الجبس وهنسافر  الغردقة 
غنوة وحمزة حضنو بدر وفضلت هو عيونه بتراقب شغف
ــــــــــــــــــــــ
فريده : هى خلاص شغف بقيت واحده مننا وهتسافر وتيجى معانا
بدر : متنسيش ياماما انها بنت عمى
فريده : بنت عمك يبقى عمك اولى بيها
بدر : عمى شاكك ان مراته  كانت ورا موضوع خاطفها مش هينفع تروح تعيش معاه قبل ما يتاكد
غير ان الدكتور قال مينفعش تتعرض لاى صدمه ممكن يحصلها انهيار عصبي
فريده : 😕
بدر : ماما احنا هنسافر وعمى وعياله جاين معانا حضرتك عايزة تيجى اتفضلى، عن اذنك
ــــــــــــــــــــــ
فى الليل
شغف : لا لا  ااااااااااااااه
غنوة : شغف اصحى ده كابوس
شغف : هو ممكن يكون اللى بشوفه ده ليه علاقة ب حياتى
غنوة : ليه لا، هو انتى شوفتى ايه
شغف : كنت في مستشفى ودكتور بيقولى البقاء لله وانا فضلت اصرخ، حتى لما بكون صاحيه بحس انى بشوف المواقف ده دايما بيتكرر فى دماغى
غنوة : مش عارفه اقولك ايه بصراحه بس اكيد ليه علاقه بصى حاولى تنامى وبلاش تتعبى نفسك في التفكير
ــــــــــــــــــــــ
فى منطقة شعبيه
ليالى: احنا هنفضل قاعدين كده ومش عارفين بنت خالتك فين.
أحمد : هنعمل ايه اكتر من اللى عملناه
ليالى : يابرودك ياخى
أحمد : انتى فاكره انى مرتاح
انا هكمل شهر بدور عليها فى المستشفيات والإقسام والشوارع وهى كأن الارض انشقت وبلعتها
ليالى بدموع : بس بطلت تدور يااحمد بطلت
أحمد : كل ده علشان هرجع شغلى انا مبقاش معايا فلوس اصرف بيها على نفسي حتى انا مسافر بالليل ومش ساكت  موصى كذا حد  فى كذا مكان لو حد عرف حاجه هيكلمنى ، مش عارف اعمل ايه اكتر من كده
ـــــــــــــــــــــ
بعد 4 ايام فى الغردقه

كان واضح اهتمام  عاصم بشغف من اول لما وصلو
عاصم : تحبو نخرج فين
غنوة: نروح متحف الرمال ياعمو
حمزة : لا نروح جراند اكواريوم
يارا : سي وورلد يابابى
لين : جراند اكواريوم
غنوة : عارفه ي لين اوقات بحس انك انتي تؤام حمزة مش انا 😉😅
عاصم : وانتى ياشغف
لين : شغف صوتى لجراند اكواريوم علشان نكسب 🫢
شغف : جراند اكواريوم
غنوة : ماشى ياشغف 😒😒
عاصم : خلاص جراند اكواريوم يلا روحو غيروا
ــــــــــــــــــــــ
ملحوظة : الـ جراند اكواريوم (متحف الغردقه المائي)
من اشهر الاماكن فى الغردقه يحتوى على : 22 نقف زجاجى ضخم للاسماك بطول 24 متر، كهف مائي مخصص للاطفال،  عروض لمشاهدة اسماك القرش والمشاركة فى اطعامهم، رحلات غوص، حديقة حيوان على هيئة الغابات الآسيوية، جسر خشبى معلق وبيوت خشبية قديمة مساحات خضراء آمنه، منطقة الاطفال،  ممرات غابة متعرجة، جلسات عربية وخيام، متحف مائي، مطاعم وكافيهات.
ــــــــــــــــــــــ
سليم : عايز اعرف كل حاجه عن اللى اسمها شغف دى فى اسرع وقت
الطرف التاني: ......
سليم : اوك هبعتلك صورتها دلوقتي سلام
ــــــــــــــــ
خلص فصلنا استنونى فى حلقة جديدة باحداث جديدة ومفاجات جديدة
عاوزه توقعتكم للاحداث الجايه
مصير شغف هيكون ايه؟
ياترى مين سليم وعايز ايه من شغف؟
واهتمام عاصم الزايد بشغف هيلفت الانظار؟
بقلم : هدى كامل (دودي)