شغف البدر بقلم هدى كامل

الفصل الخامس

لو سمحتم ياريت تعملوا متابعه ليا 👀 ❤
وتصوتو للرواية اعملو نجمه ⭐
على كل فصل بفرح جداً بدعمكم وبتتفتح نفسي للكتابه🥺❤

ــــــــــــــــــــ
رواية شغف البدر بقلم هدى كامل
شغف بخوف : الحقنى يااحمد هيموتو ليالى
أحمد : مين دول
شغف بدموع : فى ستات قفلين على ليالى باب الكوافير من جوه وفي واحده فيهم معاها ساطور
أحمد قفل فى وشها وقام يجرى وبعد وقت كان وصل أحمد قدام الكوافير وفاجاه الباب الكوافير اتفتح وطلعت ليالى
ليالى : ابقى عدي عليا بكره هعملك خلطة زيوت طبيعية هتخلى شعرك يرجع زى الاول واحسن
الست اللى شعرها اتحروق : منك لله اشوف فيكي يوم ياليالى يابنت حواه وادم
الست اللى وشها اتقطع : حسبى الله ونعم الوكيل فيكي ياليالى هطلق بسببك، حسبى الله اقول لجوزى ايه لما يشوف وشى كده
ليالى : ياوليه بطلى افترى انتى جايلى كده وشك متقطع لوحده
الست المتقطعه : كشفت راسى ودعيت عليكي حسبى الله ونعم الوكيل فيكي
ليالى : يلا ياوليه منك ليها اتكلى على الله من هنا
ليالى بغمزة : هااا ياام مكة ايه رايك
أم مكة : حلو وزى العسل ياحبيبتي ربنا يتمم بخير ان شاءالله
ليالى : ان شاءالله سلام يامكه سلام ياام مكه
ــــــــــــــــــــــ
شغف ب استغراب : انتى كويسه ياليالى؟!!
ليالى : متقلقيش انا زى الفل
أحمد : هو ايه اللي حصل؟
ليالى : ولا حاجه مجرد اختلاف فى وجهات النظر
أحمد : ليالى انا من راي تقفلى الكوافير ده خالص انتى كل يوم مشكلة شكل بسببه
شغف : أحمد معاه حق،  ده غير انك شوهتى نص ستات الحاره.
ليالى : انا معملتش حاجه لحد هما اللى شكلهم كده، هتتريقى على خلقة ربنا 🙄
أحمد : خلقة ربنا برضو ياليالى، يلا اقفلى خلينا نمشى قبل ما تعملى مصيبة تانى
ــــــــــــــــــــــ
فى الشقة
أحمد : اعملى الاكل ياليالى انا جعان
ليالى : هو كل حاجه ليالى مش عامله حاجه كفاية اللى حصلى انهارده
أحمد : ياشغف انا جعان
شغف : مفيش اكل في البيت انزل هات شويه خضار
ــــــــــــــــــــــ
احمد نزل يجيب الخضار وهو ماشى
المعلم عطوه الجزار ( ابو مكة) : اهلا يااستاذ احمد اتفضل
أحمد بستغرب : معلش يامعلم مش فاضى رايح اجيب طلبات للبيت
المعلم عطوه : هات ياض يابندق 5 كيلو لحمه لاستاذ احمد
أحمد بستغرب اكتر : معلش يامعلم مش هقدر اخد اللحمه والله مش معايا تمنها دلوقتي،  انت عارف ليا شهر مش شغال.
المعلم عطوه: ايه اللي انت بتقوله ده يااستاذ أحمد احنا اهل وابقى سلملى على الست ليالى
أحمد بقلق لنفسه : هى ليالى ليها يد فى الموضوع ربنا يستر
أحمد للمعلم عطوه : الله يسلمك  يامعلم
ــــــــــــــــــــــ
فى الشقه
أحمد : ياليالى ياليالى
ليالى : فى ايه انتو مش معاكم  غير ليالى في البيت ده
أحمد : المعلم عطوه بيسلم عليكى وبعتلك 5 كيلو لحمه 🍖
شغف : غريبه دى، مع ان ليالى شوهت وش بنته
أحمد : ومراته كانت عايزة تقتلها بالساطور من ساعة
أحمد بشك لليالى : انتى ازاى عايشه لحد دلوقتي ياليالى ؟؟؟؟!!!!!!!!!!!
شغف : صحيح ازاى طلعتى عايشه من تحت ايد مرات عطوه الجزار ؟؟؟!!!!!!
ليالى بخوف وبتقطع فى الكلام : اا ااص اصلى يعني ااااا  اناا انا يعني
أحمد : انطقى ياليالى عملتى ايه
ليالى بدموع : يرضيك يااحمد اختك تموت
أحمد : لا ميرضينيش بس افهم عملتى ايه
ليالى : هسالك سؤال يااحمد
انت عندك استعداد تضحى ب ايه علشانى
أحمد : انا اضحى بحياتى علشانك ياليالى وانتى عارفه كده كويس
ليالى بفرحه : حبيبي ياخويا ربنا يخليك ليا يااارب
أحمد بنفاذ صبر : اتكلمى ياليالى علشان مش اقوم اقتلك بنفسى
ليالى بخوف وبعدت من جنب احمد
ليالى : اصل يعنى انا  قولت لام مكة انى هخليك تتجوز مكة بدل العريس اللى طفش منها
ــــــــــــــــــــــــ
ليالي بتصرخ وبتجري في البيت كله واحمد بيجري وراها
ووسط كل الصراخ ده كله الباب بيخبط
عاصم : هو محدش بيفتح ليه وايه صوت الصراخ اللي جوه ده
بدر : مش عارف ياعمى
عاصم : لحد يكون حصلهم حاجه، اكسر الباب يابدر
ولسه بدر هيكسر الباب كانت ليالى وهى بتجرى فتحت الباب ومكمله جرى واحمد ماسك سكينة وبيجرى وراها وشغف ماسكه أحمد بتحاول تحوشه عن ليالى، بدر وعاصم دخلو
أحمد : والله لقتلك ياليالى
ليالى : عايز تقلتنى ليه علشان بفكر فى مصلحتك وعايزة اجوزك
أحمد : عايزة تجوزينى بنت عطوه الجزار
ليالى : ماله عطوه الجزار على الاقل هناكل لحمه ببلاش
أحمد : انا اللى هقطع لحمك وارميه للكلاب ياليالى
عاصم : امسكه يابدر ده شكله هيقتلها بجد
ليالى : ايوة يافنان امسكه وحياة عيالك ياشيخ
بعد ما بدر مسك أحمد واخد منه السكين
ليالى : احكم انت ياعم الحاج  اخويا ابن امى وابويا عايز يقتلنى علشان بفكر فى مصلحته وعايزة اجوزه وافرح بيه
عاصم : لا مالهوش حق
ليالى بتسقف على ايديها : الله اكبر اهو الراجل لا يعرفك ولا يعرفنى وقال كلمة الحق
شغف : ما هو بيقول كده علشان ميعرفكيش
بدر : هو ايه اللي بيحصل هنا
ليالى : لا مفيش حاجه يافنان ده مجرد اختلاف فى وجهات النظر
عاصم : ده كان عايز يقتلك!!!
ليالى : يقتلنى ايه ياعم الحاج تف من بوقك
شغف : لا ده العادي هنا عندنا يعني من كام ساعة كانت مرات عطوه الجزار عايزة تقتل ليالى بالساطور
ليالى بدموع تمثيل : الكل جاى عليا ياعم الحاج اكمنى غلبانه
عاصم بتاثر : معلش يابنتى.
بدر : و مرات عطوه الجزار كانت عايزة تقتلك ليه؟؟؟
ليالى بغرور : شكلك متعرفنيش  يافنان اعرفك بنفسى انا صاحبه كوافير ليالى الفرح احسن ميكب ارتيست في مصر كلها 😎واخد بالك معايا ياعم الحاج؟
بدر بسخرية : اهلا وسهلا
عاصم : وده يخليها تقتلك يعني؟