'' That's all my...''

3☁

( ဤအပိုင်းတွင်ပါမည့် သမိုင်းများ အကြောင်းအရာများသည် အမှန်တကယ်ဖြစ်ပျက်ခဲ့သည်များ မဟုတ်ဘဲ စာရေးသူ၏စိတ်ကူးသပ်သပ်သာဖြစ်ပါသဖြင့် အမှားအယွင်းများပါသွားခဲ့လျှင် တောင်းပန်အပ်ပါသည်။)

။
။
။
။

'' ကင်မ်ဂယူ ''

နားထဲဝင်လာတဲ့ သြရှရှအသံ​ကြောင့် ရေစပ်မှာထိုင်နေရာကနေ ဆတ်ခနဲလှည့်ကြည့်မိတော့ နိဟွန်းမင်းသားငယ် ဟာရူတို...
ရေစပ်နားက အပင်အိုကြီးအောက်မှာ စောင့်နေပြီး ဆက်မလျှောက်လာတာကြောင့် သူသာထသွားရသည်။

အနားရောက်တော့ မင်းသားငယ်ရှေ့ရပ်ကာ ဉီးညွတ်၍နှုတ်ဆက်လိုက်တော့ ပြုံးပြုံးလေးနဲ့ဉီးပြန်ညွတ်တာမို့ သူ့မှာအလန့်တကြား...

'' မင်းသားငယ် ကျွန်တော်မျိုးကိုဉီးပြန်မညွတ်သင့်ပါဘူး ကျွန်တော်မျိုးကမင်းသားငယ်ထက် အဆင့်နိမ့်ပါတယ် ''

'' မနိမ့်ပါဘူး နိဟွန်းမှာဆိုစစ်သူကြီးမျိုးရိုး​က မင်းသားတွေလိုအာဏာနဲ့ ''

'' ဒီမှာတော့မတူပါဘူးဗျ ''

'' မနက်ကသင်ပေးတဲ့သိုင်းပညာကို တစ်ခေါက်လောက်ပြန်သင်ပေးပါလား ''

'' ဟင် ဟွန်းကရော မရှိဘူးလား ''

'' မာရှီနဲ့အလုပ်ရှုပ်နေတယ်သူက ''

'' အော် ဟုတ်ကဲ့ ပြန်သင်ပေးပါ့မယ် ''

။
။
။
။
နိဟွန်းကနေ ရှီလာကိုရောက်လာရခြင်းဟာ ရှီလာရဲ့စစ်ရေး စာပေ အနုပညာအပြင် သံတမန်ရေးရာအရပါလေ့လာဖို့ ရောက်လာခြင်းပင်။
ကင်မ်စစ်သူကြီးကိုယ်တိုင်သင်ပြပေးခြင်းမို့ အိမ်ရှေ့စံအပါအဝင် ပတ်ခ်သခင်လေးနှင့်ကင်မ်သခင်လေးနှစ်ယောက်ပါ ဝင်၍လေ့လာသင်ယူရသည်။

...............။

နိဟွန်းမင်းသားငယ်ကပြောလာမှတော့ သူ့မှာငြင်းဆိုခွင့်ဆိုတာမရှိ၊

'' ကျွန်တော်မျိုးနောက်လိုက်ခဲ့ပေးပါ မင်းသားငယ် ''

ခေါင်းငြိမ့်ပြကာ အနောက်မှဖြည်းဖြည်းချင်းလျှောက်လာလေသူသည် သလင်းကျောက်တွေနှင့်လှပသောဂူကိုမြင်မှ မေးခွန်းထုတ်လာခဲ့သည်။