The Wedding Intruder - Solo Series -

Chapter 2

Chapter 2

"So, anong sinabi niya sa'yo?" tanong ni Lianne sa akin. Pagkatapos nang pag-uusap namin ni Sir Rowan sa office niya ay kaagad kong tinawagan si Lianne at nagpunta sa pinakamalapit na bar. Kung buhay pa ang mama ko, paniguradong sesermonan niya ako na dito ako sa bar dumeretso imbes na sa bahay.

Kinuwento ko ang sinabi ni Rowan sa akin. Hindi ko alam kung maganda ba iyong pagkikita namin nang lalaking 'yon. I carried that guilt for three years. Akala ko kapag nagkita kami at nakahingi ako ng sorry sa kanya, gagaan ang pakiramdam ko. Pero hindi pala. Lalong bumigat ang nararamdaman ko dahil nakita ko kung paano siya naging miserable sa loob ng tatlong taon na 'yon dahil sa ginawa ko habang ako... masaya dahil nakasama ko pa ang mama ko.

"Eh anong naramdaman mo pagkatapos mo siya makita? Nabawasan ba?" tanong sa akin ni Lianne. She knew what I felt during those times. Hindi ko magawang maging masaya ng todo dahil may mga oras na iniisip ko kung ano na kayang nangyari sa taong sinira ko ang kasal.

Akala ko, it won't matter because he's rich. Kung nasira ko man ang kasal nila noong araw na 'yon, may paniniwala ako na maaayos pa rin nila 'yon dahil wala naman hindi naaayos kung may pera na involved. Pero mukhang hindi iyon ang case sa kanila. They fell in love with each other naturally and deeply. Kaya nga sila magpapakasal ay dahil handa na silang makapiling ang isa't isa hanggang pagtanda but I destroyed it.

"No. Mas lalong bumigat..." malungkot na wika ko. Sumandal ako sa balikat ni Lianne. "It's not your fault, Wyn. You only did that because you love tita so much. Kung ipapaliwanag mo sa boss mo at hindi siya magiging gago, he would understand that."

"Ano nang mangyayari sa career mo ngayon?" tanong ni Lianne sa akin matapos ko tumahimik nang ilang minuto, iniisip pa rin si Rowan. Nagkibit-balikat ako sa kanya. Iyon naman talaga ang totoo. Wala akong ideya kung ano ang mangyayari sa career ko kahit na sinabi sa akin ni Rowan na tutulungan niya ako para malagpasan ang lahat nang 'to. Alam ko kasi na hindi ako basta-basta no'n tutulungan lalo na at may atraso ako. Ang ipinagdadasal ko na lang ngayon ay maging maayos sana ang lahat. Matagal kong tinrabaho itong career na ito. My dream since I was a child was to become a great actress like my mother. Kaya pinagsumikapan ko kung ano man ang mga natamasa ko ngayon. Sadly, it turned out like this.

"May balita ka sa hinayupak mong kaibigan?"

Umiling ako at nagkibit-balikat. Wala akong balita kay Steven pagkatapos ng mga nangyari. I tried to contact him after the controversy happened to us but he was not answering his calls. I did not know what he's up to.

Steven became my dear friend. Siya lang ang kilala ko nang bago ako sa industriya. He reached out to me and we became closer. Madalas akala ng mga tao ay may relasyon kami pero madalas kong sinasabi kahit sa mga interview na hindi kami at hanggang kaibigan lang. I admit that I developed a romantic feeling for him even in a shortest time. Sino bang hindi mahuhulog sa mabait na tao na kagaya ni Steven? Kaya hindi pa rin halos mag-sink in sa utak ko ang mga kinasangkutan niyang isyu.

Nagsilabasan kasi ang mga iba't ibang alegasyon laban sa kanya. And I know defending him even as a friend will not do anything good to me. But I still believe that he's a kind person.

"Is he calling you?" tanong muli sa akin ni Lianne matapos lagukin ang laman ng bason a may alak. Umiling ako sa kanya. "That's good to hear. Don't answer if he calls. Wala siyang maidudulot na maganda sa career mo."

"Steven is a good person, Lianne." Umirap sa akin ang kaibigan ko at napailing. "Anong good? Lumalaklak nga ng droga tapos mabuting tao? Mamaya ikaw pa mapahamak ka-good-good mo dyan eh."

"Hindi ko alam kung anong ginawa sa'yo ng lalaking 'yon but I think it's better if you stay away from him to save your career."

Napabuntong-hininga ako. Alam ko naman 'yon. Talking to Steven right now is a bad thing. Kung magkataon na may makaalam na may koneksyon pa rin kaming dalawa, siguradong kahit si Rowan ay wala nang magagawa para isalba ang career ko.