الكاتبــهہ""بنت مـهہدي🫀
وعلك عل وجه ضحكه وامل بالروح
بزوايه العين كافي شكم حزن راكن
وفك باب القفص خل الاحلام تطير
وانت من الطفوله شكم حلم ساجن
وخرها الستارة الشمس خل تفتوت
ولتخلي الجروح تبين الباطن...لا تنسون التعليق بين الفقرات +متابعه لحسابي+التصويت 🤍
🦋.______________. 🦋
وراها صار يسولف عن نفسه وضيع علي موضوع الفلوس بالكلام صار يسالني بشكل سطحي يعني عن الجامعه بعده مجهول بالنسبة الي واني همات
رواني:- يعني انت ما تداوم بالجامعه
:- لا جيت الها زيارة لصديقي عنده علاقه قوية مع مدير الجامعه بس جامعتكم حلوة المستنصرية هواي سامع عنها اول مره ازورها
رواني:- اي صح حلوة
الكلام جان يسحبني من الواقع الي اعيش بي بأسئلة بسيطة لحد ما استاذنت اروح اغسل من رجعت الطاوله لكيته ما موجود واكو دفتر صغير عليها سحبته باوعت للاسعار حتى عيوني غوشت على ما وصلت لنهاية الورقة
185الفانسحب الدفتر من ايدي وهو واكف يباوع
:- يابة احنه زلم تصرف علينه النساء؟ والواضح ما تردين انتِ تخسرين خليها علي طاحت بعد
لا اكدر اكله لا اني ادفع ولا اكدر اكله ادفع
بالاخير دفع هو بس من نزل ايده لجيبه شفت شاد خيط بايده حاولت اركز بي بس من حرك ايده رجع ضاع بقميصه واحنه جاي نمشي انتبهت عليه اكثر وكانت اشوفه طلعنه نتمشى من وصلت كدام سيارات الاجرة التفتت عليه واني بعدني مصدومه بالصدفه
رواني:- شكراً هواي على كلشي واسفه على الصار بسببي
:- لا بالعكس نسيت الصار
صعدت بسيارة وكلت بابتسامه
رواني:- مع السلامه دحامانصدم وماجاوبني سديت باب السياره ورجعت للبيت واني بداخلي اكول
اي هوو
هو نفسه
يارب شكد متغير
اكيد هو شكد متغير بس هو نفسهصزيت بصوت حجار يضرب الشباك حاولت اتجاهله وارجع انام بس ما كدرت صار صوت صياح جهال بالمنطقه وصلت حدها كمت والبطانية على جتافي فتحت الشباك وصحت
:- خابب وحق هو سيد منذر اذا انزل الكم اذا ما ترست اذاناتكم حصو ليش تشمرون على الشباك
وكفو 3 يحجون سوة يشرحون الي كلشي مافهمت منهم والبقيه يلعبون طوبه طبيعي صحت عليهم
أنت تقرأ
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...