الگآتبهہ""بنت مـهہدي🫀
شمحلات التعب لو يتڪاسࢪ بشبڪه؟
متابعه لحسابي + لاتنسون التصويت للبارت
والـ كومنت بين الفقرات 🤍
🦋.______________. 🦋
ضياء
جاي افكر بقاسم والفلوس الي جاي ياخذهم بدون لا يحجي واكثر من مره المح الكه واكله
:- خويه اكو نقص بالفلوس شنو الفلم ؟
:-خويه اني شمدريني خاف جاي تاخذهن ماتدري بروحك شو بالله راويني ... لا ماكو فلوس هذا من امس هلكد اكو هنا
بلشت احتار وياه بس ماحسسته جنت انتضر اللحظه الي الزمه بيها لان مااريد يخرب الشغل لو ياخذ من حقي
ضياء:- رايح اشرب جاي تريد اجيبلك وياي ؟
قاسم :- ياريت والله
طلعت من المحل وره ماحسيت راح الزخم عليه من يجون هواي زبائن يشترون مااكدر حتى اشرب ماي
رحت اكو حنفيه بنفس الشارع دائما تصب خفيف رحت يمها واخذت من المي من الحوض الي مسوينه جوه الحنفيه اخذت بايدي وغسلت وجهي عدل واخذته كله وجانت اكو نخله قريبه على المحل سكيتها
وتذكرت قبل لا اروح اجيب جاي اني مشايل فلوس حتى محفضتي بالقمصله الي بقيتها بالمحل طبيت للمحل ولكيت قاسم ياخذ من الدخل ويخلي بجيبه
بدون لايحس وكفت وراه وشفته شلون يكرف بالفلوس كرف لزمته من ايده ولويتها وره ضهره
:- هاي تاليتها قاسم تبوكنيييي؟؟؟
عبالك ماادري لو مو اشوفك بس اغلس
ماوكفت بعينك كتلك خويهه ؟؟؟سحبت ايده الثانيه ولزمتهن ثنيهن بايد وحده وهو يحاول يخلص نفسه مني خليت ايدي بجيبه وطلعت كل الفلوس وشمرتهن على الميز وبلشت اضربه بشكو شي يطلع كدامي جبت ورقه وقلم وهوا واكف جامد كدامي سديت باب المحل وكعدت على الميز وحسبت كل الفلوس النقص عليه وبلشت اقاسم الفلوس وكلشي بالمحل بيناتنه واخذت
:- وكل الي اخذته انحسب عليك هذا من غير الي مااعررف بي لا تصور فد يوم ابريك الذمه
باوعت عليه مو مهتم
خليت فلوسي بمحفضتي وخليتهن بجيبي وطلعت لابو المحل الي يمنه دائما يسألني اذا نبيع محلنه
جينه ورجعت للمحل وحاجيته على المحل وبعته اله بسعر كلش زين جان خيالي بس هوا ماكال لا لان يعرف اكو رزق على هل محل كلش بي خير هواي
أنت تقرأ
أسير الخطايا قـضية محو الذنـوب
Misterio / Suspenso"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...