علي... طلعت للمركز شفت محمود مكمل كلشي وماخذ الجنازه لاهله وعمار للمستشفى المهم خلصنه من هلقضيه بس خسائر هواي الحمدلله على كل حال خلصت شغلي بالمركز ومانمت ليل كله ورجعت ثاني يوم باليل للبيت وجبت اكل وياي........
...............
دعاء...مصطفى انت عايش مصطفى لا لا لتموت لاااا لتروح مثل بيبي مصطفىاااااا كمزت من الحلم او كابوس اتنفس بسرعه مختنكه حلمت من كتلو كدامي صورته متروح من بالي ابد باوعت على ساعه 2 الظهر كمت طبيت سبحت وطلعت بدلت ونزلت ماهتميت للشال لان اني اصلا مو محجبه باوعت محد بالبيت ارتاحيت كلت بس اليوم هنا وبعدين ارجع لاهلي وشيصير خل يصير ميهمني بعد خل يكتلوني واذا دخلت للمطبخ جوعانه باوعت على مطبخ ورحت للثلاجه وفتحته جان بيهه فواكه طلعت واكلت واصلا شويه اكلت على كد الجوعه مشيت بالبيت اباوع البيت فارغ بس نضيف كعدت بالهول وصفنت شبيج دعاء من بيت لبيت شوكت تستقرين اذكرت امتحاناتي خامس لنصف السنه راحت عليه خرررب شكد احب دراستي رح اعيد الخامس ههه هاي اذا عشت ضليت افكر بعمه جنان خسرت ابنهه وهي متحجي وياه كمت ادور بالغراض موبايلي مادري بي وين وين راح مااعرف خررب ماكوو دورت بعدين لكيته على الميز بالهول مانتبهت علي اخذته مابي شحن ضليت ادور على شاحن ماكو كعدت وذكرت الموقف مصطفى ابن عمتي مات بأيدي وضليت ابجي واستغليتهه محد بالبيت ضليت اصرخ حيلل من زمان كاتمه هلصرخه بداخلي ضليت اصرخ بحرق كلبب وابجي وذكرت بابه ماوكف وياي وجدو حاول يقتلني وعمو سجاد والكل وضلت لاحداث بالي وكلساع ازيد بالبجي تعبت حيل كمت شربت مي وكعدت قريت الفاتحه لروح مصطفى وبيبي كعدت انتضر وروح واجي ورجعت كعدت كلت مابقه اليوم هنا اريد ارجع لاهلي واذا ماستقبلوني اروح لغير مكان مابقه بيت هلغثيث انتضرت لليل واني كل ساع اكل فاكهه كعدت بالهول وسمعت قفل الباب نفتح....
علي... سلام عليكم
دعاء... وعليكم السلام راد يصعد وصحتله من رخصتك
علي... شكو
دعاء... شكرا الك لان ساعدتني بس ماكدر ابقه هنا اكثر اريد ارجع
علي... اريد افتهم كلشي رح اصعد ابدل وانزل وتسولفيلي ليش انتِ يم ابن عمتج مو يم اهلج
دعاء. دار وجهه وصعد هاي شنو شسولفله شكوله رحت كعدت بالهول ساعه ونزل شعره مبلل مبين سابح كعد كبالي وكلي...
علي... يلا احجي ثانيا مو كتلج لبسي حجاب
دعاء... ذبيت حسره وباوعت عليه.. اني مو محجبه المهم حسولفلك اول مااخلص ترجعني لاهلي
علي...الله كريم احجي
دعاء: صارت مشاكل بيني وبين مصطفى الله يرحمه هواي مشاكل واحد يكره الثاني و يوم من لايام عرفت شغله عليه وهوه عباله رح احجي واني من باب الخباثه هددته وهوه معرف يصرف وخطفني وبقيت مده يمه وبعدين.... حجيتله بقيه السالفه
علي: اباوع عليهه من تحجي وجهه ذبلان وعيونهه حمر وشعرهه حلو وبي شيبه هم حلوه كل ساعه ينزل شعرهه على وجهه وتحطه ورا اذنهه تحجي وطكطك باصابيعهه مبينه خايفه وتصنع القوة.... شنو الشغله العرفتيهه وخوفته لهل درجه
دعاء... شغله قديمه وراحت المهم هيَ هاي السالفه كولهه ياريت هسه ترجعني للبيت
علي... ومنو كال اهلج رح يتقبلون تكعدين يمهم بدون ميأذوج
دعاء...لا كانت حالة عصبيه من تصرفو هيج وهسه اكيد متندمين
علي... عوفيه على باجر الصبح اوديج هسه دنيا ليل
دعاء...لا لا ماريد اريد اروح ماكدر ابقه هنا
علي... كتلج الصبح وسدي الموضوع
دعاء...مو بكيفك اذا متوديني هسه اني اروح
علي... اطلعي وشوفي شلون اكسر رجليج
دعاء...ماسمحلك تحجي وياي بهل طريقه فهمت
علي بحده... لسانج حيل طويل واذا طولتي اكثر متلومين اله نفسج
دعاء... حجه هيج وباوعت على عيونه نكلبن حمر ويخزرني صدك هوه حلو بس يخوف شلون مادري اني باوعت عليه نضرت برود عود ماخفت منه
علي... صعدي نامي (بأمر)
دعاء... ماريد
علي... ماكتلج تريدين او لا كتلج اصعدي
دعاء... انت شكد مستفز ومتخلف.... كتله هيج وكام يمشي بأتجاهي اني باوعت عليه عود ماخفت واني متت من الخوف وكف كبالي ضحك بقوه وكلي...
علي... مستفز ومتخلف بس هاي اقوه شي عندج
دعاء... سكتت وباوعت عليه مبتسم هذا شبي اكيد مجنون لو شوف شنو
علي... شنو اسمج
_دعاء
علي... روحي نامي بويه وباجر اخذج اوديج
دعاء... تمام تصبح على خير
علي... وانتِ من اهل الخير... عجيبه هلبنيه والله بس شايله جمال تضحك تحجي غمازاتهه تبين وعيونهه استغفرالله ضليت كاعد شويه ونمت على التخم
دعاء... صعدت اريد افوت للغرفه دخلت قفلت الباب وضليت كاعده طلعت تلفوني وضليت اباوع على الصور القديمه اني وبيبي ومصطفى وكلهم صور عائليه كولنه مجموعين بهاي السنه خسرتهم كلهم الله يسامحك مصطفى اتبهذلت بسببك استغفرلله صفنت على الصوره باوعت لبابه شابكني بالصوره واني متت قهر المهم ذبيت الموبايل من بعد ماشبعت بجي ونمت......وكعدت الصبح و.......
أنت تقرأ
حطام الحياة
Mystery / Thrillerتدريجياً يتضاءل خوفي من خسارة الأشخاص ومم كان ينبغي أن اخاف! من فقدان شخص كان يعادل الدنيا بالنسبة لي..... ام تفريط اهل بأبنتهم.......... هل تعلمون ان اصعب شيء في الحياة ان يرى المرء اشخاص عزيزةً تُقتل امام عينيه ولا يستطيع فعل شيء..! هل من السهل...
