_بعد مسمعو التسجيل عمو رضا شال ايديه ثنينهن وحطهن على راسه وغرز اصابعه بشعره بقهر وقله حيله كام يضرب براسه بثنين ايده بقوه.... بانت على انضار الكل الصدمه والقلق من الي راح يصير والعاصفه الي راح تهب وتشتت ثباتهم وقوتهم وجبروتهم كمت بكل قوه وجهت نضري لجدي وكانت نضرتي تحمل كل معاني الكره والحقد اردفت بنبره حاده.....
:-كل الي صار والي راح يصير بسبب تربيتك
......... ماسمحت لاي شخص يتكلم وطلعت خارج لاستقبال وخارج البيت امشي بقوه وثبات وكفت مقابيل البيت انضر للبيت وكبره
:-الي يشوف البيت يكول هنيال الكاعدين بي ميدرون بالي بداخله والحوادث البشعه التصير بي صدك من يكولون البيوت اسرار وكل بيت يحمل سر عظيم هذا البيت الي تربيت بي شفت ايام حلوه وايام بشعه وتيقنت بشيء الاوقات الحلوه تمر بسرعه رهيب البيت الي كان يحمل الدفئ والحنان وكل معاني الحب نفسه هذا البيت بهذا الوقت يحمل صفات معاكسه لصفات الحب...............
_كملت طريقي بعيد عنه وتخليت عن كل ذكرياتي الحلوه والمره تركت الماضي وكملت طريقي........................... بعد مرور الوقت ماعرف شكد صراحه كنت امشي وماعرف وين اروح المهم امشي وابتعد اكثر واكثر.. صعدت على جسر وكان المنظر جدا جميل وكفت على الجسر وانضر لنهر دجله النهر جاري و شكله جميل ومريح للنظر لونه بلون السماء وطيور النوارس تحلق فوق النهر حسيت هذا المنظر هوه ملجأ للهاربين من الحزن والأسى والوجع وبنفس الوقت هوه مسكن للمحبين والعاشقين مكان يجمع كل المشاعر والحنين...... ابتسمت بخفه واطلت النظر للنهر........
_ليش احسج يبنيتي بعيونج حزن
دعاء...
:-التفتت لمصدر الصوت وشفت رجال كبير بالعمر شعره كساه الشيب يستند على الجسر بجسده البالي اكثر من ثيابه وتجاعيد وجهه تشكو قسوة الزمن والضروف عليه فكل خط من خطوط الزمن على وجهه تحكي قصة حزينه مره بها...... العفو وياي
_اي بنيتي
دعاء...
:-لا بس عجبني المنظر ......كنت مركزه نضري على النهر واتكلم بهدوء معاكس للنيران الي بداخلي
_بس طولتي بالنظر
دعاء...
:-لان حلو المكان
_الحياة بشعه مو بنيتي
دعاء...
:-لا والله يا عمو الحياة حلوه بس احنه بشعين
_وجهت نظرج حلوه
دعاء...
:-لان حقيقه
_الحياة عباره عن قصص بعضهه حلوه والبعض لاخر مره
دعاء...
:-وانت من الحلوه او المره
_ شوفي يا عمو لكل بدايه نهايه والقصص كذلك الهه نهايه ف احنه نقيس حلاوت القصه من نهايتهه مو من البدايه
دعاء...
:-يعني اذا النهايه حلوه يعني القصه حلوه
_اي رغم كل الحزن الي مر بيهه
أنت تقرأ
حطام الحياة
Mystery / Thrillerتدريجياً يتضاءل خوفي من خسارة الأشخاص ومم كان ينبغي أن اخاف! من فقدان شخص كان يعادل الدنيا بالنسبة لي..... ام تفريط اهل بأبنتهم.......... هل تعلمون ان اصعب شيء في الحياة ان يرى المرء اشخاص عزيزةً تُقتل امام عينيه ولا يستطيع فعل شيء..! هل من السهل...
