حطام الحياة

part 22

دعاء..... فتحت عيوني على كيف شفت مكان اشبه بالاضلم مدا افهم شصار وياي وليش اني هنا اريد اتحرك ما كدرت دايخه حيل ماعرف شسوي او اتصرف كمت هي غرفه بيه سرير وضوه كولش خفيف اتقربت على الحايط ادور على نقطه كهرباء حتى افتح الاضويه ولكيته شغلته شفت غرفه صغيره حيل وبيه سرير وعلى الحايط كتابه متروس الحايط كتابه ورسم يخوف ضليت فاتحه عيوني على الكلمات الي مكتوبه مافهمت شنو مكتوب كعدت يم الباب وصافنه كلت جدو شلون هيج انطاني شلون رح اطلع من هاي الورطه انفتح الباب وخرت منه وكفت ودخل....

ايهاب...... كعدتي لو لا واخيرا كعدتي طولتي بالنوم

دعاء... شتريد مني

ايهاب.... اريدج

دعاء.... بابه انت بكد جدي متستحي على شيباتك استحي شويه

ايهاب... ماريدج طول العمر اريدج زواج متعه كم يوم اشبع منج واطلكج

دعاء(بصدمه)... انت شو متستحي شنو ههل كلام اسمعني نجوم السماء اقربلك فهمتت اني دعاء مو سهله تحصل عليه ثانيا انت رجليك بالقبر وينك وين هل سوالف

ايهاب.... هههههههه تدرين احب الي تعاندني شكد تردين فلوس كليلي السعر وتلكي يمج وبطلي استشراف

دعاء.... خلي فلوسك الك تنفعك يوم القيامه مو دعاء الي تبيع نفسه علمود فلوسك الخايسه يا خايس ريحتك لهنا وصلت

ايهاب.... هههههههههه فديتج افتري بالبيت كلهم اهلج وناسج تعالي اعرفج

دعاء... بابه شبيك اكو عقل براسك لا لا مستحيل انت مريض نفسي وربي

ايهاب.. هسه خلصتي امشي يله اشوفج البيت

دعاء... فرصتي هاي حتى اعرف البيت وانهزم منه... تمام مشه كدامي واني وراه بهاي لاثناء حسيت بألم قوي بصدري ماعرف ليش صارله هواي مجايني هذا لالم ضليت لازمه صدري وامثل القوه حيل تعبت احس راح اموت بس كلت لازم اتحمل اذكرت علي ومصطفى من يشوفون هيج حالتي يكولولي اتنفسي قوي ف كمت اتنفس بقوه اسحب الهوه وكل هذا.... وهذا العجوز ولا يمه نزلنه من الدرج جان البيت كولش جبير مبين حييل اغنياء اكول ليش جدو انطاني مبين باعني ايا عار....... نزلت من الدرج وشفت ثنين شباب يخوفون طوال حيل وضخام واحد حاجبه مطبور امشي وهمه عيونهم عليه ولا شالوهه...

ايهاب... ولكم هلا بولدي لك عبدو شونك وين جنت البارحه

عبدو... وديت لامانه صدك يابه منو هل غزاله عمر شوف الشعر

عمر... دا اشوف دا اشوف

دعاء... انصدمت من حجيهم اني مثلا اذا قبلت بهذا اصير مرت ابوهم شلون هيج يحجون عزا

ايهاب... هاي الغزاله النه كلنه

دعاء.... شنووووووو

عمر.... اويلي