وقعة الشاطر

3

*#وقعة_الشاطر 《03》*
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*صباح اليوم التالي..*
جيت داخلة الجامعة لقيتو في وشي..طبعا م بشوفو من بعيد فجأة بلقاهو ف وشي..
ابتسمتا ليهو
قال لي:صباح الخير
قلتا ليهو:صباح النووور..شايفاك صحيت بدري برضو الليلة
قال لي:م نمتا اساسا
قلتا ليهو:ليه مالك؟!
نزل راسو وهمس لي:بفكر فيك
قلبي لمن رفرف..
زحا لورا وانا بقيت اعاين ليهو عشان اعرفو جادي ولا بهظر لكين ملامحو م كانت بتوحي بأي شعور..
قال لي:يلا القهوة بردت
ومشاا..
عقدتا حواجبي ومشيت بوراهو
قلتا ليهو:طبيعي بتكون صاري كدا؟!
قال لي:طالما مف حاجة بتضحكني..بكون صاري
وقف قدام البنش..قعدتا وهو قعد جنبي..
قال لي:اها
ابتسمتا ليهو:اهاا؟!
قال لي:قصتك شنو ي مأب
ابتسامتي اختفت..دا عرف اسمي من وين؟!
هو عرف اني استغربتا بقى يعاين لي:مالك اتخلعتي؟!
بعلتا ريقي:شايف انو الموضوع م بخلع؟!
ابتسم بالجنبة:انتي طوالي كدا؟!
استغربتا فيهو:كدا كيف؟!
ابتسامتو اختفت:بتجاوبي علي السؤال ب سؤال؟!
لاحظتا ليهو بدا يصر..
قلتا ليهو:م كدا..بس انت خلعتني انك بتعرف اسمي وكدا
قال لي:عادي..نحنا في مكان عام وساهل شديد انك تجمعي معلومات عن زول
قلتا ليهو:معلومات؟!..شكلك عرفتا عني حاجات كتيرة
قال لي:ح اعتبر نفسي م عرفتا ولا شي..لحدي ما توريني انتي براك
رمشتا كم مرة ورا بعض:اوريك شنو؟!
طبعا عيونو م نزلو من عيوني..وترني كيف..
قال لي:البتقدري توريني ليهو كلو
بلعتا ريقي..الموضوع قلب جد كدا ليه؟!
ضحكتا:دي عزومة قهوة ولا تحقيق
ابتسم بالجنبة وم ردا..وقام مشا يجيب القهوة..اتنهدتا بخوف ومسحتا وشي بيدي اليمين..سجمك ي مأب..كنتي قايلة الموضوع ح يكون لعب..
اداني قهوتي وقعد..
بقيت اعاين للقهوة وانا ساكتة..
لمن لاحظتا السكوت طال سألتو:امك بقت كيف هسي؟!
ردا لي سريييع:ماتت
اتخلعتا وطقق عاينتا ليهو لقيتو بعاين للكباية..
قال لي:ماتت في نفس الاسبوع ال اتلاقينا فيهو
همستا ليهو:ربنا يرحمها ان شاء الله
حرك راسو نظام اميين..
بقيت اعاين ليهو..دا الكان متأثر بمرض امو؟!هسي ليه بتكلم ببرود كدا؟!..او يمكن عشان وفاة امو عدت عليها شهور..
قلتا ليهو:انا امي اتوفت في ولادتي
عاين لي وقال:احسن ليك..علي الاقل ما اتعودي عليها وخلتك
حركتا ليهو راسي نظام اي..
عاين للكباية مساافة بعداك رفع راسو
قال لي:شعرك الكتير دا قصيتيهو؟!
ضحكتا:شعري الكتييير؟!
قال لي:اي..لمن اتلاقينا في تركيا كان طويل شديد
ابتسمتا ليهو:دي اعتبرها اني  مركز معاك ولا شنو؟!
عاين لي:وهل انا قلتا عكس كدا؟!
ضيقت ليهو عيوني وحركتا راسي واتلفتا علي الجهة التانية..
بعد شوية سمعتو بقول لي:محاضرتك فضل ليها 5 دقايق
اتلفتا عليهو بخلعة:اها دي عرفتها من وين؟!
قال لي:ساهلة..من البورت
ضحكتا:مراقبني ولا انا بتخيل لي
ابتسم:م بتخيل ليك
عاينت ليهو مسااافة..يخ انا عايزاهو يقول انو مراقبني لكين هو تجري الكلام منو جر..
شربتا من القهوة جغمة وختيتها في البنش
وقفتا علي حيلي وانا بقول  ليهو:شكلك م ح تبرد لي بطني نهائي
ضحك:ويمكن ابردها
ابتسمتا واشرتا بيدي نظام بااي..
نزل راسو وانا مشيت..يلعن ابو دي محاضرة القطعت لي ونستي معاهو..يداب بدا يحل خشمو التقيل دا..