وقعة الشاطر

9

*#وقعة_الشاطر 《09》*
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*بعد مرور شهر...*
شهر كل يوم  فيهو حبي لمحمد بزييد كل يوم بعرف عنو حاجة بتسحرني وتعلق قلبي بيهو..بعاين ليهو كأني بعاين لي حلم حياتي قدامي..انا م بتذكر اني اتمنيت حاجة اتربيت علي اني القى قدامي الحاجات كلها..الا هسي..حاليا انا بتمنى محمد يبقى من نصيبي..مع انو الواقع بقول انو صعبب ومستحيل عديل انا ومحمد نتلما لكين برضضوو..انا بدعى ربنا يكتبو لي..
ابتسمتا وانا بشوفو بضحك مع نان..
سمعت مؤمن بقول لي:انتي معانا ي مأب؟!
عاينتا ليهو:معاكم في شنو؟!
محمد عاين لي وابتسم:سرحانة وين انتي؟!
ابتسمتا ليهو:ولا حتة..بس م مركزة معاكم
نان:اتفقنا نمشي الجبل كم يوم
عاينتا ليها:كم يوم؟!
نان:يعني تلاتة اربعة يوم
هي فهمت اني بسألها عن عدد الايام ال حيقعدوها هناك وانا اساسا استغربتا انهم ح يقعدو كم يوم
عاينتا لمحمد لمن سمعتو بقول لي:ح تقدري تمشي معانا؟!
بقيت اعاين ليهو مساااافة
قال لي:قصدي ناس بيتكم وضعهم كيف ح يكون
مؤمن:قولي ليهم رحلة جامعية
خالد:مف داعي تمشي لو ناس بيتكم بعارضو
عاينتا لخالد مسااافة..يخوانا دا مالو معاي؟!
محمد عاين ليه ورجع يعاين لي عشان يشوفني زعلتا ولا لأ
قلتا ليهم:والله م عارفة..اساسا انا م فاهماكم ماشين ليه ومتين وكدا
محمد:بنمش الخميس نقضى الجمعة والسبت ونرجع الاحد وو عاملينها تغير للروتين وكدا
مؤمن:ولأنو طولنا م طلعنا
اسيا:طولنا شديد
عاينتا لاسيا..يعني هي قعد تطلع معاهم؟!
نان:ارح يخ ح تكون زابطة شديد
عاينتا ليها:طيب ما كان تخلوها لي بعد امتحانات السمستر
نان:ح تبدو متين انتو؟!
قلتا ليها:الاحد البعد الجاي
محمد:يزولة بعيدة لسه..اسبوع كامل
عاينتا ليهو وم رديت
خالد:طالعين الخميس..والم بقدر م يجي
عاينتا لخالد مسااافة
احمد قال لي:مف داعي نأخرها ي مأب..تمشي معانا وتجي زاتو عشان تقري بي مزااج
ابتسمتا لأحمد..كلهم بقو اصحابي وتعاملهم معاي حلو شديد..الا زفت الطين الاسمو خالد دا..
عاينتا لمحمد لقيتو بعاين لي  رفع لي حواجبو الاتنين سوا.. ورجعنا نتونس..