وقعة الشاطر

4

*#وقعة_الشاطر 《04》*
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تاني يوم ونحنا ماشين علي الجامعة..
سحر:مأب احسن ليك تتكلمي عديل
انا:ي بت والله جد..اتعرفتا علي شلتو ووصلني وبسس
سحر:وصلك دي نقطة وانتهينا منها
انا:طيب واتعرفتا علي شلتو دي م واقعة ليك؟!
سحر:م واقعة لي..لأنو الود دا خبيث وغتيت وم بعمل حاجة لي الله اكيد عندو هدف
ضحكتا:حرام عليك والله برئ ومسكين
سحر:تحلفي كمان؟! الله بحاسبك
ضحكتا:بالجد الله بحاسبني
دخلنا الجامعة لقيتو هو ونان في قدام الباب وشكلهم طالعين
عاينتا ليهو وقلتا:صباح الخيير
مسك يدي الشمال بيدو الشمال وقال:صبااح الورد..كيف اصبحتي؟!
ابتسمتا طبعا عجبتني الحركة
قلتا ليهو:الليلة مبدرين ماشاءالله
رفع لي حواجبو وقال:طالع مع نان
عاينتا لنان وقلتا ليها:ع وين من الصباح؟!
عاينت لمحمد وم ردت لي
محمد:يلا نتلاقى بعدين
لويت ليهو خشمي نظام زعلتا عشان م ردا لي
ابتسم بالجنبة:نتفاهم لمن ارجع..يلا
حركتا راسي نظام طيب وقلتا ليهو:يلا
فكاني ومشا وانا بقيت اعاين لنان..شكلها متنشنة الليلة
سحر:لمن اقول ليك خسيس م بتصدقيني
عاينتا ليها وضحكتا:هسي عمل ليك شنو؟!
سحر:بغض النظر عن انو م سلم علي كأنو م شافني م جاوب ليك لمن سألتيهم ماشين وين
انا:اساسا طبعو كدا م بجاوب علي الاسئلة
سحر:سجمان خلاص
ضحكتا عليها هي فايرة كدا مالا قال؟!...
حضرتا محاضراتي عااادي م لاقيت زول من الشلة..
زي الساعة 3 كدا دقيت لسحر قالت انها خلصت وجاية علي لكين جعاانة ح ناكل بعداك نطلع قفلتا منها وقلتا اختصر الوقت واشتري الاكل عشان بعد تجي نطلع طوالي...
مشيت الكافتيرتا لقيت احمد طبعا
ابتسم لي:كيفك؟!
انا:تماااام حمدلله وانت؟!
احمد:تمااام والله..دايرة كم سندوتش؟!
انا اتحرجتا طبعا..كنتا مقررة اشتري من اي واحد تاني عشان احمد احتمال يتحسس بس لقيتو هو السألني
قلتا ليهو:اتنين
حرك راسو نظام طيب..
بقيت اعاين ليهو..احمد نوع الناس العاقليين لدرجة ظاهر في وشهم لكين برضو تحسي بيهو ود بلد بسييط كدا..
مدا لي السندوتشات وجا طالع برا البترينة استغربتا فيهو
لقيتو شال القروش من بتاع الكاشير مدا لي
قلتا ليهو:احمد ليه؟! دا شغلك م..
قاطعني وهو بجر شنطتي وبخت القروش من فوق ليها:لولاوة شيلي قروشك وابقي مارقة ي بت
ضحكتا:يخسي عليك والله تاني م بشتري منك
ضحك:ولا علي كيفك تشتري
انا:طيب تسلم كتييير
اتحرك علي ورا البترينة:اقل واجب
سحر دقت لي مشيت ليها اكلنا واتحركنا علي البيت..