⭕️إزاي نحسب وقت المذاكرة وكميتها ؟؟🤔
في أكتر من حد في بوست النهاردة قال ان الموضوع دا مسببله مشكلة كتيرة انه مش عارف يحدد ايه الصح 🤦🏻
الحقيقة ان مفيش قاعدة ثابتة نقدر نقيس عليها ازاي نحدد الوقت والاجزاء اللي هنذاكرها لان الموضوع مختلف جدا من شخص للتاني 🫣
لكن الشئ الايجابي انك تقدر تعرف انت المفروض تذاكر قد ايه في وقت قد ايه من خلال خبرتك السابقة ✔️
يعني انت عارف ان الدرس مثلا بياخد منك ساعة ونص مذاكرة ممكن من حد تاني ياخد ساعتين وممكن من حد تالت ياخد 3 ساعات الموضوع بيبقى علي حسب كل شخص وقدرته💪🏻
فانت تقدر تحدد لنفسك بناءا علي معرفتك السابقة
ولو لحد دلوقتي مش عارف جرب انك تحدد درس معين مثلا في الفلسفة وشوف هياخد منك وقت قد ايه وجرب مرة تانية في الجغرافيا وشوف هياخد وقت قد ايه وجرب في الرياضة ومرة في الكيمياء 🫡
في اول مرة مش هتكون عارف الوقت اللي هياخده الدرس لكن بعد التجربة الاولى هتكون عرفت الوقت المتوقع لكل مادة عشان لما تيجي تعمل جدول او تنظم مذاكرتك تكون عارف هتقسم المواد والوقت ازاي 👌🏻💯
