"တပည့်တော်လည်း လာသင်ချင်ပါတယ်ဘုရား!!"
ထိုအချိန် အားလုံးကြောင်အနေစဥ် ဘဘုန်းကအားနာဟန်နဲ့ပြောလေသည်။
"အလို အုပ်မင်းရယ် အားနာစရာ
သမီးယိမ်းနဲ့ကို ရနေပါပြီကွဲ့
အုပ်မင်းအတွက် အလုပ်ပိုနေပါမယ်"
"မပိုပါဘူး ဘုရား
တပည့်တော်လည်း ပညာဒါနလေးလုပ်မယ်ဆိုပြီးစိတ်ကူးထားလို့ အခုကြုံတုန်းလေးရောက်တုန်းရောက်ခိုက် ပညာဒါန ကုသိုလ်လေးလုပ်ချင်လို့ပါဘုရား"
"အာစိ!!!!"
မြစောဟန်စကားကြောင့် တပည့်ကျော်ဖိုးအောင်သူ့ခန္ဓာကိုယ်မှာရှိသမျှအလုံးတွေ အကုန်ပြူးထွက်ရုံသာမက အံသြလွန်းလို့ နာမည်တောင်ခေါ်မိသည့်အဖြစ်။မခေါ်မိလို့လည်းရမလား။အဘယ်တုန်းကများ ထိုပညာဒါနစိတ်ကူးက တွေးမိသွားသနည်း။အာစိလိုလူမျိုးက ဘယ်လိုဖြစ်ပြီး ဒီလိုပုံစံဖြစ်သွားရပါသနည်း။အဘယ်ကြောင်းကြောင့်များ ဒီလိုဖြစ်နေရပါသနည်း။ဖိုးအောင်ခေါင်းထဲတွင် ထိုသနည်းပေါင်းများစွာနဲ့ပြည့်နေသည်။
သူ အာစိကိုခေါ်လိုက်တော့လည်းပြန်ကြည့်လာသည့်အကြည့်များက'မင်းပါးစပ်ပိတ်'ဟူသောအဓိပ္ပာယ်များနှင့် ပြူးကြည့်လာသည်။ထို့ကြောင့် အာစိအားပြောမည့်စကားများကလည်း လည်ချောင်းထဲပြန်ဝင်သွားရသည်။ဆရာတော်ဘုရားကို ကြည့်နေသည့်အကြည့်များကလည်း သူ့ကိုလာသင်ခိုင်းအောင်ကို လုံးဝအကြည့်မလွှဲ။
"အုပ်မင်း ပင်ပန်းမှာစိုးလို့ ပြောရတာပါကွယ်"
"ရပါတယ်ဘုရား တပည့်တော် မပင်ပန်းပါဘူးဘုရား"
"အေးကွယ် အုပ်မင်းက
စိတ်အားထက်သန်နေမှတော့
ဘဘုန်းမတားတော့ပါဘူး"
"ကျေးဇူးတင်ပါတယ်ဘုရား"
"ရပါတယ် အုပ်မင်းရယ်....သမီးနွဲ့မေ"
"တင်ပါ့ဘုရား"
"လာမယ့်ကြာသပတေးနေ့ကျ အုပ်မင်းကို
စာသင်ကျောင်းလာရင်း ဝင်ခေါ်ခဲ့လိုက်တော့နော်"
"တင်ပါ့ဘုရား"
ယိမ်း ဘဘုန်းကပြောလို့သာငြိမ်နေလိုက်တာဖြစ်သည်။ဟိုလူကြီးကိုကြည့်ရတာနှင့်ကိုကျောချမ်းနေတာပင်။ယိမ်းစိတ်နှင့်ယိမ်းသာဆို ထိုလူကြီးကိုဝင်ခေါ်ချင်တာမဟုတ်။ထို့သူ့အကြည့်တွေက ယိမ်းအတွက်တကယ်ကြောက်စရာကြီးဖြစ်နေသည်။
YOU ARE READING
𝑌𝑒𝑖𝑚(ယိမ်း) {ongoing} (ခတ္တရပ်နား)
Romanceဦးမြစောဟန် (Mya Saw Hann) ယိမ်းနွဲ့မေ(Yeim Nwae May) ယိမ်းသာမိန်းမသားတစ်ယောက်ဖြစ်ခဲ့ရင်...... #cover photo crd from pinterest
