Unicode
သုံးရက်ကြာပြီးနောက် စုချင်တစ်ယောက် သူမ၏ဦးနှောက် အလုပ် မလုပ်တော့သလို ခံစားလိုက်ရသည်။ နောက်ဆုံးတွင် သူမက စိတ်ပျက်လက်ပျက်နှင့် စာအုပ်တစ်အုပ်ကို အောက်ချလိုက်သည်။
"ငါ တကယ်ကို ဘာမှ စဉ်းစားလို့ မရတော့ဘူး"
ထိုအချိန် မြေပြင်ပေါ်တွင် ပွင့်ကျနေသည့် စာအုပ်ကို တစ်ချက်ကြည့်လိုက်သည်။ 'နီ' ဆိုတဲ့ စကားလုံးကို သူမ မြင်လိုက်သည်။ ဒီစကားလုံးက မဆိုးဘူး နီ......ယွင်....
"ယောင်အာ၊ နီယွင်ဆိုင် ဆိုရင်ကော ဘယ်လိုထင်လဲ"
မုယွမ်ယောင်က သူမပန်းထိုးတာကို လက်စသတ်ပြီးနောက် ခေါင်းမော့လာသည်။
"နီယွင်ဆိုင် အဝတ်တန်ဆာအတွက် သက်တန့်လေးတစ်ခု၊ မြင်းတွေအတွက် လေပြေငယ်၊ တိမ်တိုက်မှ အမတတွေ တစ်ဦးပြီးတစ်ဦး ဆင်းသက်လာတယ်။ နီယွင်ဆိုင်.. နားထောင်ရ ကောင်းတယ်။ အမေက သိပ်ကို ဗဟုသုတ ကြွယ်ဝတာပဲ!"
(ရှင်းလင်းချက်: မုယွမ်ယောင်က လီပိုင်၏ကဗျာ 'ကောင်းကင်ဘုံသို့ ယောင်ယမ်းလမ်းလျှောက်ကာ နှုတ်ဆက်ခဲ့သည် ' နှင့် 'ကောင်းကင်ဘုံဆီသို့ အိပ်မက်ခရီးတစ်ခုကို နှုတ်ဆက်ခွဲခွာခြင်း' သီချင်းကို ကိုးကားသွားတာ ဖြစ်၏။
တရုတ်နိုင်ငံ၏ ပထမဆုံး ဟဲဗီးမက်တယ်ဂီတအဖွဲ့ကို တည်ထောင်သူ ကိုင်ဆာကော ကို ကိုးကားပြရရင်
သူက အမူးသမားတစ်ပိုင်းဖြစ်ပြီး... လုံးဝ မူးဝေ မောပန်း နွမ်းနယ်နေချိန်မှာ သူ၏ အကောင်းဆုံးကဗျာအချို့ကို ရေးတတ်တယ်။ ပြောရရင် သူက ဖြစ်ကတတ်ဆန်းဆန်ပြီး ချုပ်တည်းထားမှုမရှိတဲ့ ပျော်ရွှင်မြူးမှုမျိုးကို ထည့်သွင်းရေးဖွဲ့တတ်သူ
သူ့ကို သွားရှာကြည့်လို့ ရတယ်။ သူက တော်တော်ရိုင်းပြီး ကြွားဝါးတတ်တဲ့ သူ။ ပြီးတော့ တုဖူ'ကိုလည်း ရှာကြည့်နိုင်တယ်။ သမိုင်းရဲ့ အကြီးကျယ်ဆုံး ကဗျာဆရာ နှစ်ယောက်ဖြစ်ပြီး သူတို့နှစ်ယောက်ကို အမြဲ နှိုင်းယှဉ်တတ်ကြသည်။)ပြောပြီးသည်နှင့် သူမက စားပွဲဆီသို့ ချက်ချင်းသွားကာ စာရွက်တစ်ရွက်ပေါ်တွင် 'နီယွင်ဆိုင်' ဟူသော စကားလုံးကို တက်တက်ကြွကြွပင် ရေးလိုက်သည်။
YOU ARE READING
တော်ဝင်မိန်းမပျို၏သွေးကလဲ့စား (၁)
Historical Fictionစာမြည်း ပြန်လည်မွေးဖွားလာပြီးနောက်မှာ မုယွမ်ယောင်က အရာသုံးခုကို လက်ကိုင်စွဲထားသည်။ ၁။တခြားသူတွေအပေါ် စိတ်ထားကောင်းမပေးနဲ့ ၂။ရန်သူဆို ခေါင်းပြန်မထောင်နိုင်အောင်ရိုက်ချပစ် ၃။ခံစားချက်တွေအပေါ် အယုံအကြည်မရှိနဲ့ သူမက အကြင်နာတရားကင်းမဲ့၊ အကြောက်တရားကင်းမဲ...