حتي القصايد في عيونك احتارت

٥

سطام واحمد بيدخلون والتفتو علي اصوات السيارات والرشاشات
احمد مسكت راسه : شيخهم طلع من المستشفي لا تخاف
سطام ضرب احمد: ارفع علومك انا مااخاف

نزل سلمان من السياره ومعاه العيال والجد وابو طلق
شباب الديره رفعو اسلحتهم يطلقون في الجو ويتحمدون لسلمان ب السلامه
سلمان واقف ك العاده بشموخ وقوه ماانحنى ولا بين فيه الم غير وجهه الشاحب رفع يده: تسلمون يااهل السعد انا بخير الحمدالله والي صار رصاصه طائشه
شايب من شياب الديره : خطاك السوء ياشيخ
سلمان بصوت الخشن والمهيب للكل : خطاك االلاش ياعم
انصرفو الرجال كلهم والعيال وسلمان والجد توجهو للبيت
ابوسلمان طلع علي اصواتهم وهو عارف بجيته
سلمان ماالتفت له وكمل مشي لبيت الجد والعيال وراه والجد علي يمينه وابو طلق يساره

سطام واحمد توجهو وسلمو علي سلمان
سطام دخل البيت : سلمان جاء سسووو القهووه ولحد يجي المجالس احنا فيها
طلعت سلمى : وينه وينه
سلمان دخل ودخلو وراه : هنا
سلمى نطت : بروح اعلم خواتك
سلمان اشر بيده : لا شوي اجيهم الحين بجلس هنا
سلمى هزت راسها وراحت جابت القهوه وحطتها ومشت

جلسو كلهم واحمد اصغرهم صب القهوه
دخل ابوسلمان بعصبيه : يوم انك تشوفني وتطنشني وش موجبها
سلمان نزل فنجاله ورفع راسه : ماشفتك ياعم
الجد وسع عيونه بصدمه ان احد يكشف السر : سلللماااااان
سلمان رفع كتوفه ببرود واخد فنجاله : سم ياجد وش فيه
العياال مو فاهمين شي يطالعون الاحداث بصدمه
ابوسلمان بعصبيه وصراخ: اعقبببب انا عمك ياولد الكل** ب

سلمان نزل فنجاله وبنفس بروده : وانت صادق انت عمى وماني ولد الكلب انا ولد الشيخ فهد
وقف نواف بصدمه : ايش!!! تقول انت وش تهذرون به
طلق سحب نواف ونواف جلس

ابوسلمان وقف قدام سلمان ورفس الدله وانكبت علي يد سلمان
سلمان ماتحرك شبر واحد الي انه وقف بهدوء : تمون تمون ياعم

ابوسلمان عطاء سلمان كف من قوته لف وجهه وبصراخ : ماني بعمك ياكلب اربيك طول عمري واصرف عليك واجلسك ببيتي واخر شي تنكر المعروف طالع علي ابوك وش تبيني اتوقع

سلمان نزل راسه ومسح الدم الي فخشمه وبعصبيه وبصراخ: عن اي معروف تتكلم معروف الاهانه ولا معروف سكوتي عنك واعتباري لك اب لاكن ، اشر باصبعه بوجه ، انت من غير مكانتك عندي بيدك هاذي غيرتها اما عن معارفيك الي تمنها علي البيت بأسمي والفلوس فلوس ابوي والديره ذي شيختها بيدي والختم بيدي يعني انا الشيخ رغم ذالك طلعتك قدامهم شيخ وبصراخ : وعيال كسار الي تدافع عنهم لحرقهم بيدي هاذي الي اطلقت عليها سلاح الماء حقك وطول عمري مافكرت ارد عليك ولا ارفع عليك صوت لاكنك انت الي جنيت علي نفسك اناااا سلمااان كل الرجال تهابني تجي انت تطلع دمي بي حق !!!

الجد وقف بصدمه : سلماننن اسككك ياولد
ابوسلمان ضحك: تشوفون ماني قايل لك يايبه انت وسعيد انه بيطلع زي ابوه وينكر معاريفي عليه ماني قايل لكم انه رخمه زي ابوه

سلمان بصراخ وجنون وقف بهاج ومسكه : امسكووووه لااااذبحه وذبحته بريال وانا ولد فهد ماعمر ابوي صار رخمه الرخمه انت
سكتت عنك الين طفح الكيل احترمتك بس انت تدور احد يهينك

ابو سلمان بعصبيه: عيالي تحرم عليهم وان شفتهم يكلمونك تبريت منهم وبصراخ، ملااااك حلاااا
وقفو نواف وسهم بصلابه

البنات والجده وام طلق وام بهاج واقفين يسمعون من عند الباب
ملاك من سمعت اسمها : ياووويلييي وش اسوي
شوق رمت العبايه : البسي واطلعي
ملاك تلثمت (اللثمه الجنوبيه ) ولبست العبايه وطلعت تمشي بثقه وجمود عكس الانهيار الي داخلها
بهاج ارتبك من شافها
ملاك بصوتها الخشن مايدل علي انها انثي ابداً: سم يبه
ابو سلمان تنفس بقهر : تشوفينه ،واشر علي سلمان
ملاك ناضرت سلمان وجنبه بهاج وطلق : اي اشوفه
ابوسلمان بصراخ: تبينه ولا تبيني
ملاك غمضت عيونها من صراخ ابوها ورفعت راسها تناضر سلمان : اضن مالي دخل يبه ب الي يصير بينكم ؟ ولا
مسكها من معصمها وصرخ : كلمتي وجاوبي عليها ابوك ولا اخوك
ملاك ببرود: واذا اخترت عضيدي ؟
سلمان ابتسم بأنتصار
ابوسلمان دفعها وملاك طاحت ووقفت
حاتم (اختصار ل ابو سلمان ) : لااانك بنتي ولا اعرفك
ملاك رفعت يدينها : ماعقيت بك يبه ولا سويت شي حرام ابيك وابي اخوي بس انت ماتبيني هاذاء الي صار مااعلي ذنب عقوق
اتجهه حاتم ل ملاك
نواف وقف : تكفى لا يبه الي ملاك
حاتم ناضر نواف: انا ولا اخوك
نواف نزل راسه : انت يبه
ابتسم حاتم والتفت لسهم : وانت
سهم مشي ووقف جنب سلمان : علي كلام ملاك عضيدي
ملاك مشت جنب سلمان
بهاج بعد عنهم ووقف يناضر لهم
ابو طلق : مايصير ياحاتم الي تسويه
حاتم : ياسعيد اسكت مالك دخل في بيتي وعيالي
طلق كح : ابوي ماتسكته
ابوطلق: ولعنه اسكت انت
طلق : سم
الجد بقهر: لهدرجه تصايحون علي بعض قدامي؟ وانت ياحاتم تخير عيالك بينك وبين اخوهم قدامي وتهين ولد فهد قدامي؟ ولد فهد ماني جابرك علي حبه عيالك لو اشوفك قايل لهم شي مابري منك ليوم الدين

ابوسلمان : لاهم عياالي ولاا اعرفهم ماعندي غير ولد واحد نواف والباقين مااهم عيالي
طلعت حلا ووجها متورم من كثر البكاء وبصراخ: يكفىىىى يكفي يبه الي شفناه منك ومن خديجه يكفي انا تعبت بغض النضر عنكم لمتتتتيييي كذا لمتي اسكت عنكم واقول اهلي وانا عيب عليهم وبصراخ ؛ انتممممم العيب مو اناا انتم
الكل منصدم منها هاذي حلا الي ماينسمع لها صوت الي بكها كيف تتكلم كذا ؟
سلمان مشي لحلا وحضنها : وش فيتس ياخوك وربي الي رفعها سبع وهبطها سبع اني صابر علشانكم وعلشانك انتي بذات بينهم بس تشوفين الي يصير مااقدر اصبر اكثر من كذا وانا انسان ماعاش الي يهنني

ضحك حاتم : عايش ابشرك وبيقطع راسك
سلمان التفت وهو يشد علي اسنانه : جرب اذا فيك خير
طلع حاتم نفس سلاحه
حلا شدت علي سلمان وانهارتتت تصارخ وجاها صرع
سلمان صرخ ونزل شماغه وثبت راسها وحط شماغه تحت راسها نواف وسهم وقفو والعيال صدمو برعب غير احمد خرج يركض يتصل علي الاسعاف

بكمل يبنات انتضرو الباراتات الجايه
رايكم يهمني وجداً
حفزوني بنجمه وكومنت