حتي القصايد في عيونك احتارت

38

{صلو علي النبي عليه الصلاه والسلام }

في القصيم ]]]]
ملاذ وقفت ومشت لسراج الجالس في الحوش: وش مجلسك الحين هنا لك يومين مغير تفطر معنا وتروح تجلس هنيا
سراج ناضرها : هاذا انا طبعي اجلس اهوجس لحالي
ملاذ ابتسمت من تذكرته : تعرف سلمان ؟
سراج : اي خابروه بس احسوه رافعن خشموه ومتكبر
ملاذ بدفاع : لا شخصيتوه تسذاء
سراج : اي بالله عندوه هنا في القصيم شركه كل جمعةً يروح لها
ملاذ تذكرت : وش عرفك انت ان عنده شركه هنيا
سراج : انا موضفن في شركتوه
ملاذ بمحاوله : سراج تكفى تعالو معاي نروح الديره تتعرفون علي اخوانكم واخواتكم اكيد بيشوفوكم
سراج كشر: واذا ماقبلونا ؟ نرجع مكسورين ؟ اختي مريضه قلب ماتستحمل الزعل والتعب والشقي مستحيل اعرضها لشي كذاء وهي متحمستن تشوف اخوانها وخواتها وجبتس لها يكفى
ملاذ : واللله يسرااج جدي اطيب من قلبه مافي وكذالك جدتي وربي تستقبلكم بقلب وسيع انتم عيال ولدها المتوفى !!
سراج وقف : سكري علي هاذا الموضوع علشان مانزعل بعض لانا رايحن لهم ولاانتي راجعتن لهم ، مشي وطلع براء البيت

الديره >><<
الجد : يالله سلمى عيال اخوانتس كلهم راحو الرياض ماعاد تركي ونواف والي متزوجين فيه المحلات اختاري واحد انتي والطقم الصيني الي معاتس يتوزعون بسرعه
سلمى : سم يبه بس تكفى مو متحجبه
الجد: محدن مطالعتس غطي شوشتس وجهتس تقول ناقه بكيفك
سلمى بفرح: اي وجهي شين وراحت تعلم البنات ومشو لسوق الديره
شوق وحلا وسلمى وشيم

غرام للمره ١٠٠: تكفى سطام تكفى تكفى طلبتك بروح معاهم طفشانه
سطام ؛ معصى ثم معصى
غرام طنشته ولبست عبايتها : اجل بسرعه نروح البر
سطام : خير غرام لازم تطلعين من البيت
غرام : اي لازم
سطام لبس ثوبه : امشي حسبي الله بس

سلمى والبنات بس متحجبين مو مغطين وجيهم ولامتلثمين
تركي ونواف واحمد ناضروهم بصدمه
نواف ركض : حلاااااا غطي وجهتتس
احمد: شيمممممممممممم الله يلعنتس جرحتس مابراء وشوله طالعه
شيم : انت ساحب علي مع الحيوانات ذولي
تركي كان يناضر سلمى الي مااهتمت لهم وتفتح بيبان المحلات
البنات تلثمو معاد شوق وسلمى
تركي : هاذيك مو محجبه
نواف: لااا تعاين
تركي: وقفت علي انا كلهم يعاينون
احمد: سلمى لو تذبحها ماغطت وجها ولبست نقاب حتي جدي يقول وجهتس وجه ناقه مو لازم تغطينه وهي مقتنعه
سلمى وقفت في البقاله وشيم وحلا في محل الاجهزه وشوق لحالها في اخر محل الخضره
والعيال مقسمين محل الخياطه والي في محل الحلاقه
نواف مشي محل الخضره وناضر شوق : ابوو هنود واحد كوزبره
شوق : هه تافه انقلع
نواف طنشها ومشي محله الي قدام المحل حق الخضره يناضرها بقهر
مشو شباب من الديره الثانيه لمحل شوق
محمد : هاذاء ويش؟
شوق : تفاح ماتشوف؟ انت
محمد : الحلو يقول نكته
نواف تقدم بقهر
شوق اخذت البطيخه وضربتها في راس محمد ودخلت في راسه ؛ تعرف تتغزل مو عندي هيا فارق ، وصرخت ، نواااف كسر البطيخه
نواف مسكه مع رقبته : ادفع سعرها الان واخذها وانقلع
محمد دفع سعرها ومشي يتحسب عليهم
نواف بقهر وعصبيه : وجهتس غطيه
شوق خافت وتلثمت ب الطرحه